ഏറ്റെടുത്താല് ഏറ്റെടുത്തത് പോലെയാ... ബിജെപിയും കോണ്ഗ്രസും നേട്ടം കൊയ്യുമ്പോള് ശിവസേനാ നേതാക്കള് സന്നിധാനത്തേക്ക്
കഴിഞ്ഞ ദിവസം ബിജെപി എപിമാരും യുഡിഎഫ് നേതാക്കളും ഫലം കൊയ്യുമ്പോള് കൂടുതല് പ്രതിഷേധം ശക്തമാക്കാന് ശിവസേനയും സംഘപരിവാറും. നിരോധനാജ്ഞ ലംഘിച്ച് ഇന്നലെ യുഡിഎഫ് പ്രവര്ത്തകര് നിലയ്ക്കലിലും പമ്പയിലും പ്രകടനങ്ങളും മുദ്രാവാക്യവും വിളിച്ചിട്ടും കാര്യമായ പോലീസ് നടപടി ഉണ്ടാകാത്തത് ഉന്നയിച്ച് പ്രത്യക്ഷ സമരത്തിനാണു സംഘപരിവാര് തീരുമാനം. വരും ദിവസങ്ങളില് നേതാക്കള് കൂട്ടത്തോടെ നിലയ്ക്കലും സന്നിധാനത്തും എത്തും.
സംസ്ഥാനത്തെ ശിവസേനാ നേതാക്കളും അടുത്ത ദിവസം കൂട്ടമായി സന്നിധാനം സന്ദര്ശിക്കുന്നുണ്ട്. ഇന്നു കോടതി ബിജെപി സെക്രട്ടറി കെ. സുരേന്ദ്രന്റെ ജാമ്യാപേക്ഷ പരിഗണിച്ചാല്, ഇന്നലെ പരസ്യമായി നിയമം ലംഘിക്കുന്നുവെന്നു പറഞ്ഞ് സംഘമായി എത്തിയ യുഡിഎഫ് നേതാക്കള്ക്കെതിരെ പോലീസ് കാര്യമായ നടപടിക്കു മുതിരാത്ത കാര്യം ഉന്നയിക്കും. ഇതു സര്ക്കാരിനും പോലീസിനും തിരിച്ചടിയായേക്കും.
നിലയ്ക്കല് കേന്ദ്രമാക്കി പ്രക്ഷോഭം കൂടുതല് ശക്തമാക്കാനാണു ബിജെപിയുടെ തീരുമാനം. ദേശീയ നേതൃത്വത്തിന്റെ പിന്തുണയോടെ ശബരിമല സമരം കടുപ്പിക്കും. അയോധ്യ മാതൃകയിലുള്ള സമരത്തിനു വിഎച്ച് പിയും ഒരുങ്ങുന്നതോടെ വരും ദിവസങ്ങളും സംഘര്ഷ ഭരിതമാകുമെന്നാണ് പോലീസും കരുതുന്നത്.
സാവകാശ ഹര്ജിയുടെ കാര്യത്തില് ദേവസ്വം ബോര്ഡ് അയഞ്ഞതും സര്ക്കാര് നിലപാടു കടുപ്പിച്ചതും പ്രക്ഷോഭത്തിനു കരുത്തു പകരും കെപി ശശികലയും അന്പതു കഴിഞ്ഞ മഹിളാ മോര്ച്ച പ്രവര്ത്തകരെയും നേതാക്കളെയും സന്നിധാനത്ത് എത്തിച്ച് പ്രതിഷേധത്തില് പങ്കാളികളാക്കാനും നീക്കമുണ്ട്.
https://www.facebook.com/Malayalivartha