മുല്ലപ്പെരിയാറിലെ സുരക്ഷ അവലോകനത്തിന് ഉന്നതതല യോഗം ചേര്‍ന്നു. മുല്ലപ്പെരിയാര്‍ അണക്കെട്ടിലെ ജലനിരപ്പ് ഉയരുന്ന സാഹചര്യത്തില്‍ സുരക്ഷാ ക്രമീകരണങ്ങള്‍ ശക്തമാക്കിയെന്ന് യോഗത്തിനു ശേഷം ജലവിഭവമന്ത്രി പി.ജെ ജോസഫ് പറഞ്ഞു. അടിയന്തര സാഹചര്യമുണ്ടായാല്‍ നേരിടുന്നതിനുള്ള പരിശീലനം ജനങ്ങള്‍ക്ക് നല്‍കുന്നുണ്ട്. ജില്ലാ ഭരണകൂടം ഇതിനുള്ള നടപടിയുമായി മുന്നോട്ടുപോകുകയാണെന്നും പി.ജെ.ജോസഫ് പറഞ്ഞു.
മുല്ലപ്പെരിയാറില്‍ ജലനിരപ്പ് ഉയരുന്നില്ലെന്നും ആശങ്കയില്ലെന്നും പറയുന്നത് ശരിയല്ല. നിലവില്‍ 141.1 അടിയായി ജലനിരപ്പ് ഉയര്‍ന്നു. കേരളത്തിന്റെ ആവശ്യം തമിഴ്‌നാട് അംഗീകരിക്കാത്ത സാഹചര്യത്തിലാണ് സുപ്രീം കോടതിയെ സമീപിച്ചിരിക്കുന്നത്. അണക്കെട്ടിലെ ഒരു ഷട്ടര്‍ കേടാണ്. അതിനാലാണ് 136 അടിയില്‍ കൂടുതല്‍ ജലനിരപ്പ് കൂട്ടരുത് എന്ന് കേരളം ആവശ്യപ്പെടുന്നത്.
142 അടിയായാല്‍ ഷട്ടര്‍ ഉയര്‍ത്തും. എല്ലാ ഷട്ടറുകളും ഒരുമിച്ച് ഉയര്‍ത്തേണ്ട സാഹചര്യം പെട്ടെന്നുവന്നാല്‍ ആശങ്കയുണ്ടാകുമെന്നും അദ്ദേഹം അറിയിച്ചു. പ്രത്യേക സാഹചര്യം പരിഗണിച്ച് ജില്ലാ കലക്ടര്‍ വിദേശപര്യടനം വെട്ടിച്ചുരുക്കി സംസ്ഥാനത്ത് മടങ്ങിയെത്തിയിട്ടുണ്ടെന്നും മന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha