മീറ്റര്‍ റീഡര്‍മാരുടെ സമരത്തില്‍ ബില്‍ വിതരണം മുടങ്ങിയതോടെ ശരാശരി ഉപയോഗം കണക്കാക്കി ഉപഭോക്താക്കള്‍ക്ക് ബില്‍ നല്‍കാന്‍ കെഎസ്ഇബി
മീറ്റര്‍ റീഡര്‍മാരുടെ സമരത്തില്‍ ബില്‍ വിതരണം മുടങ്ങിയതോടെ ശരാശരി ഉപയോഗം കണക്കാക്കി ഉപഭോക്താക്കള്‍ക്ക് ബില്‍ നല്‍കാനൊരുങ്ങി കെഎസ്ഇബി. സ്വയം മീറ്റര്‍ റീഡിങ് നടത്താനായി അപേക്ഷ നല്‍കുന്ന ഉപഭോക്താക്കള്‍ക്ക് വ്യവസ്ഥകള്‍ക്ക് വിധേയമായി അനുമതി നല്‍കും. മീറ്റര്‍ റീഡര്‍മാര്‍ക്ക് നല്‍കിയ യന്ത്രങ്ങള്‍ മടക്കിവാങ്ങാനും നിര്‍ദേശമുണ്ട്.
ഈ മാസം ഒന്നിനാണ് ജീവനക്കാര്‍ സമരം ആരംഭിച്ചത്. മീറ്റര്‍ റീഡര്‍മാര്‍ അനിശ്ചിതകാല സമരം പ്രഖ്യാപിച്ചതോടെ ഈ മാസം വൈദ്യുതി ബില്‍ വിതരണം മുടങ്ങിയിരുന്നു. അഞ്ച് ദിവസമായി മീറ്റര്‍ റീഡിങ് എടുക്കുന്നത് നിലച്ചിരിക്കുകയാണ്.
പ്രതിസന്ധി പരിഹരിക്കാന്‍ ജോലിയില്‍ പ്രവേശിക്കാത്തവരുടെ കരാര്‍ അവസാനിപ്പിക്കണമെന്ന് കാണിച്ച് ബോര്‍ഡ് ഡിസ്ട്രിബ്യൂഷന്‍ ഡയറക്ടര്‍ സര്‍ക്കുലര്‍ നല്‍കി
എന്നാല്‍ തങ്ങള്‍ക്ക് ശമ്പള വര്‍ധനവ് കിട്ടിയിട്ട് നാല് വര്‍ഷമായെന്നും വേണ്ടത്ര പ്രതിഫലം നിശ്ചയിക്കാതെ തന്നെ പുതിയ ജോലികള്‍ തങ്ങളുടെ മേല്‍ കെട്ടിവെക്കുകയാണെന്നും ജീവനക്കാര്‍ ആരോപിക്കുന്നു.
"https://www.facebook.com/Malayalivartha
