കേന്ദ്ര കേരളാ സര്വകലാശാലയുടെ നിയമപഠനത്തിനായുള്ള തിരുവല്ല കേന്ദ്രത്തില് നിയമമനുഷ്യാവകാശ ദ്വൈവാചാരണത്തിന്റെ ഭാഗമായി നടത്തിയ മത്സരങ്ങളില് തിരുവല്ല ക്രൈസ്റ്റും മേരി റാണിയും സെന്റ് മേരീസും ജേതാക്കൾ
കേന്ദ്ര കേരളാ സര്വകലാശാലയുടെ നിയമപഠനത്തിനായുള്ള തിരുവല്ല കേന്ദ്രത്തില് നിയമമനുഷ്യാവകാശ ദ്വൈവാചാരണത്തിന്റെ ഭാഗമായി നടത്തിയ വിവിധ മത്സരങ്ങളില് തിരുവല്ല ക്രൈസ്റ്റ്, തിരുവല്ല മേരി റാണി, കുന്നന്താനം ഗവഃ ഹൈസ്കൂള് എന്നിവര് ജേതാക്കളായി. മലയാളം പ്രസംഗ മത്സരത്തില് മേരി റാണി പബ്ലിക്സ്കൂളിലെ ലെന എല്സ മാത്യുവും , അന്നാ ജോസഫും ഒന്നും രണ്ടും സ്ഥാനങ്ങള് കരസ്ഥമാക്കി.
ഇംഗ്ലീഷ് പ്രസംഗ മത്സരത്തില് ക്രൈസ്റ്റ് സെന്ട്രല് സ്കൂളിലെ അമല് വര്ഗീസ് ഒന്നാം സ്ഥാനവും , അക്സാ എല്സാ മാത്യു രണ്ടാംസ്ഥാനവും നേടി. പോസ്റ്റര് രചനയില് കുന്നന്താനം സെന്റ് മേരിസ് ഗവ. ഹൈസ്കൂളിലെ ജിത്തു ബിജു ഒന്നാം സ്ഥാനവും ക്രൈസ്റ്റ് സെന്ട്രല് സ്കൂളിലെ അമല് മരിയ , ഗിഫ്റ്റി .കെ എബ്രഹാം എന്നിവര് രണ്ടാം സ്ഥാനവും നേടി .
വിജയികള്ക്ക് തിരുവല്ലാ കാനറാ ബാങ്ക് (എന് .ആര്. ഐ.) സീനിയര് മാനേജര് ജി. നന്ദകുമാര് സമ്മാനങ്ങള് വിതരണം ചെയ്തു. സര്വകലാശാലയുടെ നിയമ വിഭാഗം ഡീന് ഡോ. കെ.സി.സണ്ണി ചടങ്ങില് അധ്യക്ഷത വഹിച്ചു. അധ്യാപകരായ ഡോ.ഗിരീഷ് കുമാര്, ഡോ.മീര, ശ്രീമതി .ആതിര എന്നിവര് പ്രസംഗിച്ചു.
https://www.facebook.com/Malayalivartha
