ഡിജിപിയുടെ ഓര്ഡര് കണ്ട് ഞെട്ടി... ശബരിമല ദര്ശനത്തിനായി എത്തിയ കെപി ശശികല ടീച്ചറെ അറസ്റ്റ് ചെയ്ത പോലീസ് ഉദ്യോഗസ്ഥര്ക്ക് അവാര്ഡ് നല്കിയത് വിവാദത്തില്; ഒരു പ്രതിഷേധവും കൂടാതെ പൊലീസുകാര് വിളിച്ചപ്പോള് കൂടെ പോന്നതിന് ശശികലയ്ക്കല്ലേ അവാര്ഡ് നല്കേണ്ടത്?
ഹിന്ദു ഐക്യവേദി സംസ്ഥാന അധ്യക്ഷ കെ പി ശശികലയെ അറസ്റ്റ് ചെയ്ത 10 വനിതാ പോലീസ് ഉദ്യോഗസ്ഥര്ക്ക് സ്തുത്യര്ഹ സേവന പുരസ്കാരവും പാരിതോഷികവും ഡിജിപി പ്രഖ്യാപിച്ചത് വിവാദത്തിലേക്ക്.
ദര്ശനത്തിനെത്തിയ കെ പി ശശികലയെ 18 ന് വൈകിട്ട് മരക്കൂട്ടത്താണ് അറസ്റ്റ് ചെയ്തത്. ദര്ശനത്തിനെത്തിയ ശശികല ടീച്ചര് യാതൊരു പ്രകോപനവും ഉണ്ടാക്കിയില്ലെന്ന് ചാനല് ലൈവിലൂടെ മലയാളികള് കണ്ടതാണ്. മാത്രവുമല്ല ശശികലയ്ക്കെതിരെ അങ്ങനെയൊരു വകുപ്പും പോലീസ് ചുമത്തിയില്ല. അവര്ക്ക് വളരെ വേഗം ജാമ്യം ലഭിക്കുകയും ചെയ്തു.
ശശികല ടീച്ചര് മലകയറിയപ്പോള് മരക്കൂട്ടത്ത് വച്ചാണ് തടഞ്ഞത്. എന്നാല് സന്നിധാനത്ത് പോകാന് അനുവദിക്കാത്തതിനാല് അവര് മരക്കൂട്ടത്ത് തന്നെ കിടന്നു. പാതിരാത്രി കഴിഞ്ഞപ്പോള് പോലീസുകാര് എത്തി അറസ്റ്റ് ചെയ്യുന്നുവെന്ന് പറഞ്ഞു. യാതൊരു പ്രകൊപനവും സൃഷ്ടിക്കാതെ ശശികല ടീച്ചര് പോലീസിനോടൊപ്പം യാത്രയായി. ഇതിനാണ് അവാര്ഡല്ലോ എന്നാണ് ഇപ്പോള് സോഷ്യല് മീഡിയ ചോദിക്കുന്നത്. മാത്രമല്ല ടീച്ചറുടെ സ്വഭാഭമനുസരിച്ച് എന്തെങ്കിലും തടസം ഉണ്ടാക്കിയിരുന്നെങ്കില് പോലീസ് നടപടിയുണ്ടായേനെ. അത് പോലീസിന് തലവേദനയും ഉണ്ടായേനെ. ആ നിലയ്ക്ക് അവാര്ഡ് നല്കേണ്ടത് ടീച്ചര്ക്കല്ലേയെന്നും ചോദിക്കുന്നു.
ശശികല ടീച്ചറെ ഇരുമുടിക്കെട്ടുമായി പോലീസ് അറസ്റ്റ് ചെയ്തതിനെതിരെ സംസ്ഥാനത്തുടനീളം വ്യാപക പ്രതിഷേധമാണ് അന്ന് ഉണ്ടായത്. റാന്നി പോലീസ് സ്റ്റേഷനില് എത്തിച്ച ശശികല ടീച്ചര് നിരാഹാര സമരം നടത്തി. പോലീസ് നടപടിയില് പ്രതിഷേധിച്ച് സ്റ്റേഷനുമുന്നില് നൂറുകണക്കിനു പേരാണ് നാമജപം നടത്തിയത്.
ടീച്ചറെ പൊലീസ് അറസ്റ്റുചെയ്തതില് പ്രതിഷേധിച്ച് സംസ്ഥാനത്ത് ഹിന്ദു ഐക്യവേദിയും ശബരിമല കര്മസമിതിയും ഹര്ത്താലും നടത്തി.
എന്തായാലും വനിത പോലീസിന് ശുക്രനാണ്. കെ എ എലിസബേത്ത്( സിഐ. ആലത്തൂര്, പാലക്കാട്), രാധാമണി( സിഐ ഇന്ഫോപാര്ക്ക്, കൊച്ചി), വി അനില്കുമാരി(എസ്ഐ വനിത സെല്, പാലക്കാട്), സിടി ഉമാദേവി (എസ്ഐ, തൃശൂര്സിറ്റി) വി പ്രേമലത(എസ്ഐ വനിത സെല് പാലക്കാട്), സീത (എസ്ഐ ഫറൂക്ക്) സുശീല (എസ്ഐ പത്തനംതിട്ട) കെഎസ്അനില്കുമാരി(വനിത സെല് കോട്ടയം) ത്രേസ്യ ശോശ(എസ്ഐ, കൊച്ചി) സുശീല(വനിത ഹെല്പ് ലൈന് , തൊടുപുഴ) എന്നിവര്ക്കാണ് പുരസ്കാരം ലഭിച്ചത്.
https://www.facebook.com/Malayalivartha
