ശബരിമല വിഷയത്തില് ഹൈക്കോടതി നിയോഗിച്ച നിരീക്ഷകസമിതിക്കെതിരെ സര്ക്കാര്; നടപടി ഭരണഘടനാവിരുദ്ധം; സുപ്രീംകോടതിയെ സമീപിക്കാനൊരുങ്ങി സംസ്ഥാന സര്ക്കാര്
ശബരിമല വിഷയത്തില് ഹൈക്കോടതി നിയോഗിച്ച നിരീക്ഷകസമിതിക്കെതിരെ സര്ക്കാര് രംഹത്തെത്തിയിരിക്കുകയാണ്. അതുകൊണ്ടുതന്നെ നടപടി ഭരണഘടനാവിരുദ്ധമെന്ന് കാണിച്ച് സുപ്രീംകോടതിയെ സമീപിക്കാനൊരുങ്ങുകയാണ് സംസ്ഥാന സര്ക്കാര്. വിധി നടപ്പിലാക്കാന് ഹൈക്കോടതിയല്ല മേല്നോട്ടം വഹിക്കേണ്ടതെന്നാണ് സര്ക്കാര് പറയുന്നത്. ആവശ്യമെങ്കില് സുപ്രീംകോടതി മേല്നോട്ടസമിതിയെ നിയോഗിക്കണമെന്നുമാണ് സര്ക്കാര് ആവശ്യപ്പെടുക.
ഹൈക്കോടതി നിയോഗിച്ച നിരീക്ഷകസമിതിക്കെതിരെ സുപ്രീംകോടതിയെ സമീപിക്കാന് തന്നെയാണ് സര്ക്കാരിന്റെ നീക്കം. വിധി നടപ്പിലാക്കാന് ഹൈക്കോടതിയല്ല മേല്നോട്ടം വഹിക്കേണ്ടതെന്നാണ് സര്ക്കാര് വിമര്ശിച്ചത്. ഹൈക്കോടതി നിയമിച്ച നിരീക്ഷക സമിതി മറ്റന്നാള് ശബരിമല സന്ദര്ശിക്കാനിരിക്കെയാണ് സര്ക്കാര് രംഗത്തെത്തിയത്. അടിസ്ഥാന സൗകര്യങ്ങള് വിലയിരുത്താനാണ് സന്ദര്ശനം. നിരോധനാജ്ഞ ഹൈക്കോടതി പരിഗണിക്കുന്ന വിഷയമായതിനാല് തല്ക്കാലം സമിതി ഇടപെടില്ല. ശബരിമലയിലെ സൗകര്യങ്ങള് പൊതുവില് വിലയിരുത്തിയെന്നും സമിതി അറിയിച്ചു. സമിതി അംഗങ്ങളായ ജസ്റ്റിസ് പി.ആര് രാമന്, ജസ്റ്റിസ് എസ്.സിരിജഗന്, ഡിജിപി എ.ഹേമചന്ദ്രന് എന്നിവരാണ് യോഗത്തില് പങ്കെടുത്തത്. ദേവസ്വം ബോര്ഡ് പ്രസിഡന്റ് അടക്കമുള്ളവരും പങ്കെടുത്തു.
ശബരിമലയില് ഭക്തരുടെ അടിസ്ഥാന സൗകര്യങ്ങള് ഉറപ്പു വരുത്തുന്നതിനാണ് തങ്ങളുടെ മുന്ഗണനയെന്ന് ഹൈക്കോടതി നിയോഗിച്ച മേല്നോട്ട സമിതി. ഇപ്പോഴുള്ള നിയന്ത്രണങ്ങളില് ഇളവ് വരുത്തണോ എന്നതടക്കം പരിശോധിക്കാന് നാളെ സമിതി ശബരിമല സന്ദര്ശിക്കുമെന്നും സമിതി അംഗം ജസ്റ്റിസ് പി ആര് രാമന് സമിതിയുടെ ആദ്യ യോഗത്തിന് ശേഷം എറണാകുളത്ത് പ്രതികരിച്ചു. നിരോധനാജ്ഞ ഉള്പ്പെടെയുളള നിയന്ത്രണങ്ങളില് ഇടപെടില്ലെന്ന് നിരീക്ഷക സമിതി അറിയിച്ചു.
ശബരിമലയില് ഭക്തരുടെ തീര്ത്ഥാടനം സുഗമമാക്കുന്നതിനായി നിയോഗിച്ച സമിതിയുടെ ആദ്യ യോഗമാണ് ആലുവയില് ചേര്ന്നത്. സമിതി അംഗങ്ങളായ ജെ പി ആര് രാമന്, എസ് സിരിജഗന്, ഡിജിപി ഹേമചന്ദ്രന് എന്നിവരെ കൂടാതെ ദേവസ്വം ബോര്ഡ് പ്രസിഡന്റ് എ പദ്മകുമാര്, ബോര്ഡ് മെമ്പര് സങ്കര്ദാസ്, ദേവസ്വം ബോര്ഡ് കമ്മീഷണര് എന് വാസു എന്നിവരും ദേവസ്വം ബോര്ഡ് ചീഫ് എഞ്ചിനീയറും യോഗത്തില് പങ്കെടുത്തു. രണ്ട് മണിക്കൂറോളം യോഗം നീണ്ടു.
ശബരിമലയിലെ ഒരുക്കങ്ങള് വിലയിരുത്തുന്നതിനായി സമിതി അംഗങ്ങള് നാളെത്തന്നെ സബരിമലയിലെത്തും. ഭകതരുടെ അടിസ്ഥന സൗകര്യങ്ങളായ ഭക്ഷണം, കുടിവെള്ളം സൗചലയ സൗകര്യങ്ങള് എന്നീ സൗകര്യങ്ങള് ഉറപ്പു വരുത്തുന്നതിനാണ് മുന്ഗണന അവര് അറിയിച്ചു.
അതേസമയം ശബരിമലയില് അപ്രഖ്യാപിത അടിയന്തരാവസ്ഥയെന്നും, നിരോധനാജ്ഞ പിന്വലിക്കണമെന്നും ആവശ്യപ്പെട്ട് ബിജെപി കേന്ദ്രസംഘം ഗവര്ണര് പി സദാശിവത്തിന് പരാതി നല്കി. കെ സുരേന്ദ്രനെതിരെ കള്ളക്കേസില് കുടുക്കുകയാണെന്നും പരാതിയില് പറയുന്നു. ബിജെപി നേതാക്കള് ഉന്നയിച്ച വിഷയം മുഖ്യമന്ത്രിയുടെയും, ദേവസ്വം മന്ത്രിയുടെയും ശ്രദ്ധയില്പ്പെടുത്തുമെന്ന് ഗവര്ണറുടെ ഓഫീസ് വാര്ത്താക്കുറിപ്പില് അറിയിച്ചു. പൊലീസ് നടപടികളെ കുറിച്ച് സര്ക്കാരില് നിന്ന് റിപ്പോര്ട്ട് തേടുമെന്ന് ഗവര്ണര് ഉറപ്പ് നല്കിയതായി പിന്നീട് നേതാക്കള് പറഞ്ഞു. ശബരിമലയില് ഇപ്പോള് അപ്രഖ്യാപിത അടിയന്തരാവസ്ഥയെന്നും നേതാക്കള് വിമര്ശിച്ചു.
ശബരിമല സമരം അവസാനിപ്പിച്ചതില് ദേശീയ നേതൃത്വം അതൃപ്തി പ്രകടിപ്പിച്ചതിന് തൊട്ടു പിന്നാലെയാണ് അമിത് ഷാ നിയോഗിച്ച നാലംഗ സമിതി സംസ്ഥാനത്തെത്തിയത്. ശബരിമലസമരവുമായി ബന്ധപ്പെട്ട് സംസ്ഥാന ബിജെപി നേൃത്വത്തിലുള്ള ഭിന്നത പരിഹരിക്കണമെന്ന ദേശീയ നേതൃത്വത്തിന്റെ താക്കീത് നാലംഗ സമിതി സംസ്ഥാന നേതൃത്വത്തെ അറിയിച്ചു.
https://www.facebook.com/Malayalivartha
