ശബരിമലയിലുണ്ടായ പ്രശ്‌നങ്ങളുടെ പശ്ചാത്തലത്തില്‍ യതീഷ് ചന്ദ്രയ്‌ക്കെതിയായ കേസിനടക്കമുള്ള പണച്ചെലവ് ഇനി അസോസിയേഷന്‍ നടത്തും. ക്രമസമാധാനം നിലനിര്‍ത്തുകയെന്ന ജോലി കൃത്യമായി നിര്‍വഹിക്കുന്ന ഉദ്യോഗസ്ഥര്‍ക്കെതിരെ കേസ് നല്‍കുന്നതും അപമാനിക്കുന്നതും അടക്കമുള്ള നീക്കങ്ങള്‍ ശരിയല്ല എന്ന പോലീസിനുള്ളിലെ തീരുമാനത്തെ തുടര്‍ന്നാണ് പുതിയ നീക്കം.

യതീഷ് ചന്ദ്രയുടെയും സന്നിധാനത്ത് ഡ്യൂട്ടിയിലുണ്ടായിരുന്ന ഐ.ജി വിജയ് സാക്കറെയുടെയും ചിത്രങ്ങള്‍ ഉള്‍പ്പെടുത്തി പോലീസ് കിങ്കരന്മാര്‍ ' എന്ന രീതിയില്‍ പോസ്റ്ററുകള്‍ പ്രചരിപ്പിക്കപ്പെട്ടിരുന്നു അതിലും അസോസിയേഷന്‍ അതൃപ്തി പ്രകടിപ്പിച്ചിരുന്നു. ശബരിമല ഡ്യൂട്ടിക്കിടെയുണ്ടായ സംഭവങ്ങളുടെ പേരില്‍ എസ് . പി . യതീഷ് ചന്ദ്ര ഉള്‍പ്പെടെ യുള്ള ഉദ്യോഗസ്ഥര്‍ക്കെതിരേയും ഉണ്ടാകുന്ന കേസുകള്‍ നേരിടാനു ള്ള പണച്ചെലവ് പോലീസ് ഏറ്റെടു ത്തേക്കും . ഐ . പി . എസ് . അസോ സിയേഷന്‍ , പോലീസ് ഓഫീസേഴ് സ് അസോസിയേഷന്‍ , പോലീസ് അസോസി യേഷന്‍ എന്നിവര്‍ സംയുക്തമായാണ് കേസിന്റെ ചെലവുകള്‍ വഹിക്കാന്‍ ആലോചിക്കുന്നത് . പോലീസ് ഉദ്യോഗസ്ഥരുടെ ക്ഷേമപ്രവര്‍ത്തനങ്ങള്‍ക്കു വേണ്ടിയുള്ള പോലീസ് വെല്‍ഫെയര്‍ ബ്യൂറോയില്‍നിന്നു പണമെടുക്കാനാണ് ആലോചന.

എസ്പി യതീഷ് ചന്ദ്രക്കെതിരെ ഹിന്ദു ഐക്യവേദി സംസ്ഥാന അദ്ധ്യക്ഷ കെ പി ശശികലയുടെ മകന്‍ വക്കീല്‍ നോട്ടീസയച്ചിരുന്നു. കെ പി ശശികലയുടെ മകന്‍ വിജീഷ് മാനനഷ്ടത്തിന് നോട്ടീസ് അയച്ചിരുന്നു. ക്ഷമ ചോദിച്ച് 25 ലക്ഷം രൂപ വേണമെന്ന ആവശ്യമാണ് നോട്ടീസില്‍ ഉന്നയിച്ചിരിക്കുന്നത്. നിലയ്ക്കലില്‍ വെച്ച് മകനുമായി ചോറൂണിന് പോകുമ്പോള്‍ തന്നെയും കുടുംബത്തെയും യതീഷ് ചന്ദ്ര അപമാനിച്ചെന്നും മാനഹാനിയുണ്ടാക്കിയെന്നും പരാതിയില്‍ പറയുന്നു. നേരത്തെ, പേരക്കുട്ടിയുടെ ചോറൂണിനായി സന്നിധാനത്തേക്ക് പോകാനെത്തിയ ശശികലയെ യതീഷ് ചന്ദ്രയുടെ നേതൃത്വത്തില്‍ പൊലീസ് സംഘം തടഞ്ഞിരുന്നു. പിന്നീട് സുരക്ഷയുടെ ഭാഗമായി പൊലീസ് മുന്നോട്ട് വയ്ക്കുന്ന നിര്‍ദേശങ്ങള്‍ പാലിക്കാമെന്ന വ്യവസ്ഥയില്‍ ഒപ്പ് വയ്പ്പിച്ച ശേഷം മാത്രമാണ് ശശികലയ്ക്ക് സന്നിധാനത്തേക്ക് പോകാന്‍ അനുമതി നല്‍കിയത്.

സുരക്ഷാ ഉദ്യോഗസ്ഥര്‍ നിയമപ്രകാരം നല്‍കുന്ന നിര്‍ദേശങ്ങള്‍ അനുസരിക്കണമെന്നും, സ്ഥലത്ത് പ്രാര്‍ത്ഥനായജ്ഞങ്ങള്‍, മാര്‍ച്ച് മറ്റ് ഒത്തു കൂടലുകള്‍ നടത്തരുതെന്നും ആവശ്യപ്പെടുന്ന നോട്ടീസിലാണ് ശശികലയെ കൊണ്ട് ഒപ്പുവയ്പിച്ചത്. തുടര്‍ന്ന് ദര്‍ശനത്തിന് ശേഷം പൊലീസ് നടപടി എന്തിന് വേണ്ടിയാണ് എന്ന് മനസിലാകുന്നില്ലെന്നാണ് കെ പി ശശികല പ്രതികരിച്ചിരുന്നു. ഇതിന്റെ അടിസ്ഥാനത്തിലാണ് യതീഷ് ചന്ദ്രയ്‌ക്കെതിരെ ശശികലയുടെ മകന്‍ വിജീഷ് മാനനഷ്ടത്തിന് നോട്ടീസ് അയച്ചത്

ക്രമസമാധാനം നിലനിര്‍ത്തുക യെന്ന് ജോലി കൃത്യമായി നിര്‍വഹിക്കുന്ന ഉദ്യോഗസ്ഥര്‍ക്കെതിരെ ഇത്തരം നീക്കങ്ങള്‍ ശരിയല്ല എന്നാണ് പോലീസിനുള്ളിലെ വാദം. ഇതിന്റെ അടിസ്ഥാനത്തിലാണു സംഘടനാതലത്തില്‍ പണമെടുക്കാന്‍ ആലോചിക്കുന്നത് . മറ്റ് പോലീസ് ഉദ്യോഗസ്ഥരുടെ സാമൂഹികമാധ്യമ ഗ്രൂപ്പുകളിലൂടെ ഇക്കാര്യത്തില്‍ അഭിപ്രായം ആരായുന്നുണ്ട്. യതീഷ് ചന്ദ്രയുടെയും സന്നിധാനത്ത് ഡ്യൂട്ടിയിലുണ്ടായിരുന്ന ഐ.ജി വിജയ് സാക്കറെയുടെയും ചിത്രങ്ങള്‍ ഉള്‍പ്പെടുത്തി പോലീസ് കിങ്കരന്മാര്‍ ' എന്ന രീതിയില്‍ പോസ്റ്ററുകള്‍ പ്രചരിപ്പിക്കുന്നതിലുള്ള അസംതൃപ്തിയും വാട്‌സപ്പ് ഗ്രൂപ്പുകളില്‍ എത്തു ന്നുണ്ട്. ഇതിന്റെ യൊക്കെ അടിസ്ഥാനത്തിലാണ് ഇവര്‍ക്കെതിരെ നല്‍കിയകേസുകള്‍ നടത്താനുള്ള പണച്ചിലവ് അസോസിയേഷന്‍ വഹിക്കാന്‍ തയ്യാറായിരിക്കുന്നത്.