കൊല്ലം, കടയ്ക്കലില്‍ മദ്യലഹരിയില്‍ വീട്ടമ്മയെ ഭര്‍ത്താവ് വെട്ടിക്കൊന്നു. കടയ്ക്കല്‍ ചിങ്ങേലി തൃക്കണ്ണാപുരം ഷൈമാഭവനില്‍ പ്രിയയാണ് (36) കൊല്ലപ്പെട്ടത്. ഭര്‍ത്താവ് രാജുവിനെ (42) കടയ്ക്കല്‍ പൊലീസ് കസ്റ്റഡിയിലെടുത്തു. ഇന്നലെ രാത്രി 9 മണിയോടെ വീട്ടില്‍ മകളുടെ കണ്‍മുന്നില്‍വച്ചാണ് രാജു വെട്ടുകത്തികൊണ്ട് പ്രിയയുടെ കഴുത്തിന് വെട്ടിയത്.
കടയ്ക്കല്‍ െ്രെപവറ്റ് ബസ് സ്റ്റാന്‍ഡിന് സമീപത്തെ ഓട്ടോ സ്റ്റാന്‍ഡിലെ െ്രെഡവറായ രാജു ഇന്നലെ രാത്രി ഒമ്പത് മണിയോടെയാണ് വീട്ടിലെത്തിയത്. മദ്യലഹരിയിലായിരുന്ന രാജുവും പ്രിയയുമായി വഴക്കുണ്ടായി. വഴക്കിനിടെ വെട്ടുകത്തിയെടുത്ത് പ്രിയയുടെ കഴുത്തില്‍ വെട്ടിയ രാജു സംഭവം കണ്ടുനിന്ന 13 കാരിയായ മകളെയും കൂട്ടി ചടയമംഗലത്ത് താമസിക്കുന്ന സഹോദരന്റെ വീട്ടിലെത്തി ഭാര്യയെ വെട്ടിപ്പരിക്കേല്‍പ്പിച്ച കാര്യം വെളിപ്പെടുത്തി. ഇതേ തുടര്‍ന്ന് ഇവര്‍ കടയ്ക്കല്‍ പൊലീസിലും ചിങ്ങേലിയിലെ ബന്ധുക്കളെയും വിവരം അറിയിച്ചു.
പൊലീസും ബന്ധുക്കളും വീട്ടിലെത്തിയപ്പോഴേക്കും പ്രിയ രക്തം വാര്‍ന്ന് മരിച്ചിരുന്നു. രാജുവിനെ ചടയമംഗലം പൊലീസ് കസ്റ്റഡിയിലെടുത്ത് കടയ്ക്കല്‍ പൊലീസിന് കൈമാറി. കൊലപാതക വാര്‍ത്തയറിഞ്ഞ് ഇന്നലെ രാത്രി മുതല്‍ ചിങ്ങേലിയിലെ വീട്ടിലും പരിസരത്തും വന്‍ ജനാവലിയാണ് തടിച്ചുകൂടിയത്. പ്രിയയുടെ മൃതദേഹം പോസ്റ്റുമോര്‍ട്ടത്തിനായി തിരുവനന്തപുരം മെഡിക്കല്‍ കോളേജിലേക്ക് മാറ്റി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha