കോണ്ഗ്രസ് നേതാവ് രാമന്പിള്ളയ്ക്കുശേഷം ഇഎം അഗസ്തി ബിജെപിയിലേക്ക് പോകുന്നുവെന്ന് സൂചന
കെപിസിസി എക്സിക്യൂട്ടീവ് യോഗത്തില് പങ്കെടുക്കാനെത്തിയ എഐസിസി അംഗം ഇ എം അഗസ്തി ബിജെപി സമരപ്പന്തലില്. മുതിര്ന്ന കോണ്ഗ്രസ് നേതാവായ അഗസ്തി കുടുംബസമേതം എത്തിയാണ് നിരാഹാരസമരം കിടക്കുന്ന മഹിളാമോര്ച്ച നേതാവ് വി ടി രമയ്ക്ക് അഭിവാദ്യമര്പ്പിച്ചത്. മുന് കെപിസിസി ജനറല് സെക്രട്ടറിയും മുന് എംഎല്എയുമായ ഇ എം അഗസ്തിയും ബിജെപിയിലേക്ക് പോകുമെന്ന പ്രചരണം ശക്തമായിരിക്കുകയാണ്. മുന് കെപിസിസി എക്സിക്യൂട്ടീവ് അംഗം ജി രാമന് നായര്, മുന് വനിതാകമീഷന് അംഗം പ്രമീളാദേവി എന്നിവര് നേരത്തേ ബിജെപിയില് ചേര്ന്നിരുന്നു. മുന് പിഎസ്എസി ചെയര്മാന് ഡോ. കെ എസ് രാധാകൃഷ്ണന് ബിജെപിയുടെ സമരത്തില് പങ്കെടുത്തതും വിവാദമായിരുന്നു.
കോണ്ഗ്രസില് നിന്നും ആളുകളെ ബിജെപിയിലേക്ക് ചാടിക്കാന് അവസരം നോക്കിയിരിക്കയാണ് ഭരണ പാര്ട്ടിയിലെ ദേശീയ നേതാക്കള്. കോണ്ഗ്രസില് ആര്ക്കും വേണ്ടാതിരുന്ന രാമന് നായരെ പോലും പാര്ട്ടി സംസ്ഥാന ഉപാധ്യക്ഷനാക്കിയാണ് ശ്രീധരന് പിള്ള കളിച്ചത്. കോണ്ഗ്രസില് നിന്നും കൂടുതല് പേരെ അടര്ത്തിയെടുക്കും എന്ന് പിള്ള പ്രഖ്യാപിക്കുകയും ചെയ്തിരുന്നു. ഇങ്ങനെ കോണ്ഗ്രസില് നിന്നും ആളെ നോക്കിയിരിക്കവേ ഒരു എഐസിസി നേതാവ് ബിജെപിയുടെ സമരപന്തല് സന്ദര്ശിച്ചത് വിവാദമാകുന്നു.
എഐസിസി അംഗവും മുന് ഇടുക്കി ഡിസിസി പ്രസിഡന്റുമായ ഇ. എം. ആഗസ്തി തിരുവനന്തപുരത്ത് ബിജെപിയുടെ സമരപ്പന്തല് സന്ദര്ശിച്ചത്. ശബരിമല യുവതീപ്രവേശത്തിനെതിരെ സെക്രട്ടേറിയറ്റിനു മുന്നില് നിരാഹാര സമരം നടത്തുന്ന മഹിളാ മോര്ച്ച സംസ്ഥാന അധ്യക്ഷ പ്രഫ. വി.ടി. രമയോടൊപ്പം ആഗസ്തിയും മക്കളും ഇരിക്കുന്ന ഫോട്ടോയാണ് സമൂഹ മാധ്യമങ്ങളില് പ്രചരിച്ചത്. ഇതെക്കുറിച്ച് ആഗസ്തി ഇതു വരെ പ്രതികരിച്ചിട്ടില്ല. ചിത്രം തനിക്കും ലഭിച്ചുവെന്നും കെപിസിസി നേതൃത്വമാണു ഇതേക്കുറിച്ചു മറുപടി പറയേണ്ടതെന്നും ഇടുക്കി ഡിസിസി പ്രസിഡന്റ് ഇബ്രാഹിംകുട്ടി കല്ലാര് പറഞ്ഞു.
കുടുംബസമേതം പെണ്മക്കള്ക്കൊപ്പമാണ് ഇ എം അഗസ്തി എത്തിയത്. പത്ത് മിനിറ്റോളം ഇവിടെ ചെലവഴിച്ചു. കെപിസിസി. നേതൃയോഗത്തില് പങ്കെടുക്കാനാണ് എ.ഐ.സി.സി. അംഗവും മുന് എംഎല്എ.യുമായ അഗസ്തി തലസ്ഥാനത്തെത്തിയത്. യോഗത്തിനു മുന്പാണ് രമയെ കണ്ടു സംസാരിച്ചത്. എന്നാല്, അഗസ്തിയുടെ കുടുംബത്തിന് മഹിളാ മോര്ച്ച നേതാവ് രമയുമായി നേരത്തേതന്നെ പരിചയമുണ്ടെന്നും ഇതിന്റെ അടിസ്ഥാനത്തില് സൗഹൃദസന്ദര്ശനമാണ് നടത്തിയതെന്നും കോണ്ഗ്രസ് കേന്ദ്രങ്ങള് പറയുന്നു.
അതേസമയം ഇടുക്കി ലോക്സഭാ സീറ്റില് അടക്കം നോട്ടമിട്ട നേതാവാണ് ഇ എം അഗസ്തി. ഹൈറേഞ്ച് സംരക്ഷണ സമിതിയുമായി അടുപ്പമുണ്ട്. ജോയിസ് ജോര്ജ്ജ് എംപിയുമായി ബന്ധവുമുണ്ട്. കഴിഞ്ഞ തവണ ജോയിസ് ജോര്ജ്ജ് എംപിയാകാന് ഇടയാക്കിയതിന് പിന്നില് ഇ എം അഗസ്തിയുടെ നീക്കങ്ങളും ഉണ്ടായിരുന്നു. ഇതിനിടെയാണ്. ഇപ്പോള് നേതാവ് ബിജെപി സമര പന്തല് സന്ദര്ശിച്ചത്. ഇതിന് പിന്നില് രാഷ്ട്രീയ ലക്ഷ്യങ്ങളുണ്ടോ എന്ന കാര്യം വ്യക്തമല്ല.
കെപിസിസി യോഗത്തില് പങ്കെടുക്കാന് തിരുവനന്തപുരത്ത് എത്തിയ ഇ എം അഗസ്തി ആദ്യം ബിജെപിയുടെ സമര പന്തലിലാണ് എത്തിയത്. പത്ത് മിനുട്ടോളം അവിടെ ചിലവഴിച്ച ശേഷം എ കെ ആന്റണി ഉദ്ഘാടനം ചെയ്ത കെപിസിസി യോഗത്തില് പങ്കെടുക്കാന് ഇന്ദിര ഭവനിലെത്തി. ബിജെപിയെ താഴെയിറക്കണമെന്ന ആഹ്വാനമാണ് ഈ യോഗത്തില് അഗസ്തി ഉള്പ്പെടെയുള്ള നേതാക്കള്ക്ക് എ കെ ആന്റണി നല്കിയത്.
https://www.facebook.com/Malayalivartha
