വിവിധ ആവശ്യങ്ങള് ഉന്നയിച്ച് കേബിള് ടി.വി ഓപറേറ്റര്മാര് നാളെ ദേശവ്യാപകമായി പണിമുടക്കിലേക്ക്
കേബിള് ടി.വി ഓപറേറ്റര്മാര് വിവിധ ആവശ്യങ്ങള് ഉന്നയിച്ച് നാളെ ദേശവ്യാപകമായി 24 മണിക്കൂര് സിഗ്നല് ഓഫ് ചെയ്ത് പ്രതിഷേധസമരം നടത്തുമെന്ന് കേബിള് ഓപറേറ്റേഴ്സ് അസോസിയേഷന് സംയുക്തസമിതി. പേ ചാനലുകളുടെ പരമാവധി നിരക്ക് 19 ല്നിന്ന് 10 രൂപയാക്കുക, കേബിള് വരിക്കാരുടെ 18 ശതമാനം ജി.എസ്.ടി അഞ്ചുശതമാനമാക്കുക, അടിസ്ഥാന നിരക്ക് 150 ചാനലുകള്ക്ക് 200 രൂപയാക്കുക, വൈദ്യുതി തൂണുകളുടെ വാടക കുറക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. മേഖലയില് തര്ക്കങ്ങള്ക്കും പരാതികള്ക്കും പരിഹാരമാകുമെന്ന നിലയില് നടപ്പാക്കുന്ന താരിഫ് ഓര്ഡര് കേബിള് വരിക്കാര്ക്ക് കൂടുതല് സാമ്പത്തികബാധ്യത വരുത്തുന്നതാണ്.
കേബിള് ഓപറേറ്റര്മാരുടെ വരുമാനത്തെ പ്രതികൂലമായി ബാധിക്കുമ്പോള് പേ ചാനല് ബ്രോഡ്കാസ്റ്റര്മാരെ കൂടുതല് സഹായിക്കുകയാണെന്നും സമരസമിതി ഭാരവാഹികളായ കെ.വിജയകൃഷ്ണന്, ഇ.ജയദേവന്, അനില് പ്ലാവിയന്സ്, എസ്.കെ. മധു, മസൂദ്, പൗലോസ് അന്തിക്കാട്, സജി ജോസഫ്, വി.ടി. നവീന് തുടങ്ങിയവര് വാര്ത്തസമ്മേളനത്തില് പറഞ്ഞു
https://www.facebook.com/Malayalivartha
