പല്ലു തേക്കുന്നതിനിടെ യുവാവിന്റെ വായിൽ നിന്നും ദിവസവും പുറത്ത് വരുന്നത് സ്വര്‍ണത്തേക്കാള്‍ തിളക്കമുള്ള ലോഹച്ചീളുകള്‍. അത്ഭുത പ്രതിഭാസത്തിൽ ഞെട്ടലോടെ നാട്ടുകാരും ഡോക്ടർമാരും. മലപ്പുറത്താണ് സംഭവം. എന്നും രാവിലെ പല്ലുതേക്കുന്നതിനിടെ മലപ്പുറം സ്വദേശിക്ക് സ്വന്തം വായില്‍ നിന്നും ലഭിക്കുന്നത് സ്വര്‍ണം പോലെ വെട്ടിത്തിളങ്ങുന്ന ലോഹച്ചീളുകളാണ്. മലപ്പുറം വാഴക്കാട് കൂരിത്തൊടിക അബ്ബാസിനാണ് ഈ വിചിത്രമായ അനുഭവമുള്ളത്.

ഇക്കാര്യം ചൂണ്ടിക്കാട്ടി നിരവധി ഡോക്‌ടര്‍മാരെ കണ്ടെങ്കിലും അവര്‍ക്കും ഇതിന് പിന്നിലെ യഥാര്‍ത്ഥ കാരണം വ്യക്തമാക്കാനായിട്ടില്ല. ഒരു സ്വകാര്യ വാര്‍ത്താ ചാനലാണ് ഇത് സംബന്ധിച്ച വാര്‍ത്ത റിപ്പോര്‍ട്ട് ചെയ്‌തിരിക്കുന്നത്. കഴിഞ്ഞ പത്ത് വര്‍ഷമായി വായില്‍ നിന്നും ലഭിക്കുന്ന ഈ അത്ഭുത വസ്‌തുവിനെ അബ്ബാസ് ശ്രദ്ധിക്കാറുണ്ടെങ്കിലും കുറച്ച്‌ നാളുകള്‍ മുമ്ബാണ് ഇക്കാര്യം ശേഖരിച്ച്‌ തുടങ്ങിയത്. പരിശോധനയില്‍ ഇത് സ്വര്‍ണമല്ലെന്ന് വ്യക്തമായിട്ടുണ്ട്. എന്നാല്‍ എന്താണ് ഇതിന് പിന്നിലെ രഹസ്യമെന്ന് കണ്ടുപിടിക്കാന്‍ ആര്‍ക്കും കഴിഞ്ഞിട്ടില്ല. വിവിധ ഡോക്‌ടര്‍മാര്‍ ഇതേക്കുറിച്ച്‌ പരിശോധന നടത്തിയെങ്കിലും ഫലമുണ്ടായില്ല. ഇക്കാര്യത്തെക്കുറിച്ച്‌ കേട്ടിട്ട് പോലുമില്ലെന്നാണ് മിക്ക ഡോക്ടര്‍മാരുടെയും അഭിപ്രായം.

ഇക്കാരണത്താല്‍ പ്രത്യേകിച്ച്‌ ശാരീരിക പ്രശ്‌നങ്ങളൊന്നുമില്ലെങ്കിലും പ്രതിഭാസത്തിന് പിന്നിലെ യഥാര്‍ത്ഥ കാരണമെന്താണെന്ന് അറിയാന്‍ ആഗ്രഹമുണ്ടെന്ന് അബ്ബാസ് പറയുന്നു. സംഭവം പുറത്തതായതോടെ അബ്ബാസ് എന്ന യുവാവിനെ കാണാനും അത്ഭുത ലോഹ വസ്തു കാണാനും നിരവധി ആളുകളാണ് എത്തിക്കൊണ്ടിരിക്കുന്നത്.