കസവുമുടത്ത് തകര്ത്താടി... നരേന്ദ്ര മോഡിയ്ക്ക് ഷേക്കാന്റ് കൊടുത്തതിന് പിന്നാലെ യതീഷ് ചന്ദ്രയുടെ ആല്ബം സൂപ്പര് ഹിറ്റ്
മോഡി യതീഷ് ചന്ദ്രയ്ക്ക് ഷേക്ക് ഹാന്റ് കൊടുത്തതിന് പിന്നാലെ യതീഷ് ചന്ദ്രയുടെ വീഡിയോ വൈറലാകുന്നു. ശബരിമലയിലെ ഹീറോ പരിവേഷത്തിന് ശേഷം യതീഷ് ചന്ദ്ര കിടു വേഷത്തിലാണ് എത്തുന്നത്.
ഒരു വിവാഹ വേദിയിലെ യതീഷ്ചന്ദ്രയുടെ പ്രകടനം കണ്ട് ഞെട്ടിയിരിക്കുകയാണ് സോഷ്യല് മീഡിയ. കര്ണാടകയില് പ്രമുഖ വ്യവസായിയും ബന്ധുവുമായ കെ എസ് പ്രസാദ് പണിക്കരുടെ മക്കളുടെ വിവാഹ വേദിയിലായിരുന്നു യതീഷ്ചന്ദ്രയുടെ മിന്നുന്ന പ്രകടനം. നിരവധി സിനിമ താരങ്ങളും പ്രമുഖരും പങ്കെടുത്ത ചടങ്ങില് യഥാര്ഥ താരമായി മാറിയത് യതീഷ്ചന്ദ്രയാണ്. മംഗളൂരുവില് നടന്ന വിവാഹ ചടങ്ങില് കസവ് മുണ്ടും ഷര്ട്ടും ധരിച്ച് ഒരു മാസ് എന്ട്രി തന്നെയാണ് യതീഷ്ചന്ദ്ര നടത്തിയത്.
തുടര്ന്ന് ലാത്തി വീശാന് മാത്രമല്ല, നൃത്ത ചുവടുകളും തനിക്ക് വഴങ്ങുമെന്ന് തെളിയിക്കുന്ന ഒരു മിന്നും പ്രകടനവും ഐപിഎസ് ഓഫീസര് നടത്തി. കര്ണാടകയിലെ ദാവന്ഗരെ ജില്ലക്കാരനാണ് യതീഷ്ചന്ദ്ര. വിവാഹ ചടങ്ങുകളില് എല്ലാവരുടേയും കണ്ണുകള് ഉടക്കിയത് യതീഷ് ചന്ദ്രയുടെ തകര്പ്പന് ഡാന്സ് പെര്ഫോമന്സിലാണ്. ഇതിന് നിറയെ കൈയടിയാണ് ലഭിച്ചത്.
ശബരിമലയില് കര്ശന നിലപാടെടുത്തതോടെയാണ് യതീഷ് ചന്ദ്ര ഒരിക്കല് കൂടി താരമായത്. ബിജെപി നേതാവ് കെ. സുരേന്ദ്രനെ പൊക്കി അകത്താക്കിയും പൊന് രാധാകൃഷ്ണന് സിനിമാ സ്റ്റൈലില് മറുപടിയും നല്കിയ യതീഷ് ചന്ദ്ര സോഷ്യല് മീഡിയ താരമായി.
ശബരിമലയില് കണ്ടത് തന്റെ ജോലി മാത്രമാണെന്ന് എസ്പി യതീഷ് ചന്ദ്ര പറഞ്ഞു. സര്ക്കാരിന്റെ നിര്ദേശങ്ങള് നടപ്പിലാക്കാന് ചുമതലപ്പെട്ട ഉദ്യോഗസ്ഥനാണ് ഞാന്. അവിടെ ഇഷ്ടങ്ങള്ക്കും അനിഷ്ടങ്ങള്ക്കും പ്രസക്തിയില്ല. വിശ്വാസങ്ങളും നിലപാടുകളും മാറ്റിവച്ചാണ് സര്ക്കാര് നിര്ദേശം നടപ്പാക്കാന് ഇറങ്ങുന്നതെന്നും യതീഷ് ചന്ദ്ര വ്യക്തമാക്കി.
പൊലീസ് ഉദ്യോഗസ്ഥര്ക്ക് എപ്പോഴും 50 ശതമാനം ആളുകളെ മാത്രമേ സംതൃപ്തരാക്കാന് പറ്റൂ. വീട് ഒഴിപ്പിക്കുന്ന കേസുണ്ടായാല് ഒഴിപ്പിച്ചുകിട്ടിയവര്ക്കു സ്നേഹം തോന്നും. ഒഴിഞ്ഞവര്ക്ക് അടങ്ങാത്ത അമര്ഷവും. സേനയുടെ ഗതികേടാണിത്. ജാതിയുടെയും മതത്തിന്റെയും പേരില് ആളുകളിങ്ങനെ വേര്തിരിക്കുന്നതു കാണുമ്പോള് അത്ഭുതം തോന്നും. നൂറ് ദിവസം ആയിട്ടേയുള്ളു നമ്മള് പ്രളയം അതിജീവിച്ചിട്ട്. അന്ന് ആരും ഹിന്ദുവും ക്രിസ്ത്യാനിയും മുസ്ലിമും ആയിരുന്നില്ല.
പ്രളയസമയത്തു സ്വന്തം കുടുംബത്തിന്റെ അവസ്ഥപോലും നോക്കാതെയാണു പല പൊലീസ് ഉദ്യോഗസ്ഥരും കര്മനിരതരായത്. ഒടുവില് എല്ലാം കഴിഞ്ഞപ്പോള് പൊലീസുകാരുടെ ജാതിയും മതവും അന്വേഷിക്കുന്നത് എന്തിനാണ്. അന്ന് നല്ലവരായിരുന്ന പൊലീസ് ഇപ്പോഴെങ്ങനെ മോശക്കാരാകും. കേരളത്തിലെ പൊലീസ് ഉദ്യോഗസ്ഥരുടെ മുഴുവന് വേദനയാണിതെന്നും യതീഷ് ചന്ദ്ര പറഞ്ഞു.
പൊന് രാധാകൃഷ്ണനെ തടഞ്ഞ യതീഷ് ചന്ദ്രയ്ക്കെതിരെ നടപടി വരും എന്നു പറഞ്ഞിരുന്ന ബിജിപി നേതാക്കളെ വെട്ടിലാക്കി പ്രധാനമന്ത്രി നരേന്ദ്രമോഡിയ കഴിഞ്ഞ ദിവസം ഷേക്ക് ഹാന്റ് നല്കിയിരുന്നു. മോഡി കഴിഞ്ഞദിവസം കേരളത്തില് വിമാനമിറങ്ങിയപ്പോള് സ്വീകരിക്കാന് എത്തിയവരുടെ കൂട്ടത്തില് എസ് പി യതീഷ് ചന്ദ്രയും ഉണ്ടായിരുന്നു. യതീഷ് ചന്ദ്രയ്ക്ക് മോഡി ഹസ്തദാനം നല്കുന്ന ചിത്രം സോഷ്യല് മീഡിയയില് വൈറലായിരുന്നു. ശബരിമല വിഷയത്തില് സംഘപരിവാര് സംഘടനകള് യതീഷ് ചന്ദ്രക്കെതിരെ രംഗത്തെത്തിയത് ചൂണ്ടിക്കാട്ടിയായിരുന്നു സോഷ്യല് മീഡിയ ഈ ചിത്രം പ്രചരിപ്പിച്ചത്. അതിന് പിന്നാലെയാണ് കല്യാണ ആല്ബം വൈറലായത്.
https://www.facebook.com/Malayalivartha
