കേരളത്തില്‍ മാവോയിസ്റ്റും പോലീസും തമ്മില്‍ ഏറ്റുമുട്ടി; ഏത് വെല്ലുവിളിയും നേരിടാന്‍ സജ്ജമാണെന്ന് ആഭ്യന്തര മന്ത്രി
കേരളത്തില്‍ ആദ്യമായി മാവോയിസ്റ്റുകളും പൊലീസും തമ്മില്‍ നേര്‍ക്കുനേര്‍ ഏറ്റുമുട്ടി. വയനാട്ടിലെ തൊണ്ടര്‍നാട് പഞ്ചായത്തിലെ കുഞ്ഞോം ചപ്പയില്‍ ആദിവാസി കോളനിയോടു ചേര്‍ന്ന വനത്തിലാണ് കേരള പൊലീസിലെ കമാന്‍ഡോ സംഘമായ തണ്ടര്‍ബോള്‍ട്ട് സേനയും മാവോയിസ്റ്റ് സംഘവും തമ്മില്‍ വെടിവയ്പുണ്ടായത്. ഇന്നലെ വൈകിട്ട് അഞ്ചരയോടെയാണ് സംഭവം. മാവോയിസ്റ്റുകളെ നേരിട്ട്് കണ്ടെങ്കിലും കൊലപ്പെടുത്താനോ, കീഴ്‌പ്പെടുത്താനോ കഴിഞ്ഞില്ലന്നും ആരോപണം ഉയരുന്നുണ്ട്. വെടിവെയ്പ്പിനെ തുര്‍ന്ന് ഉന്നത ഉദ്യോഗസ്ഥരുടെ അടിയന്തിര യോഗം ചേര്‍ന്ന് സ്ഥിതിഗതികള്‍ വിലയിരുത്തി. വെടിവയ്പില്‍ സേനയിലെ ആര്‍ക്കും പരുക്കില്ലെന്ന് പോലീസ് പറയുന്നു. എന്നാല്‍ രാത്രി വൈകിയും സേനാംഗങ്ങള്‍ വനത്തില്‍ നിന്നു പുറത്തേക്കു വന്നിട്ടില്ല.
ഒട്ടേറെത്തവണ മാവോയിസ്റ്റ് സാന്നിധ്യം സ്ഥിരീകരിച്ച മേഖലയിലാണ് വെടിവയ്പ് നടന്നത്. തണ്ടര്‍ബോള്‍ട്ട് സേന പൊലീസുമായി ചേര്‍ന്ന് ഇന്നലെ പുലര്‍ച്ചെ മുതല്‍ വനത്തില്‍ തിരച്ചില്‍ നടത്തുകയായിരുന്നു. ഇതിനിടെ വൈകിട്ടു ചാപ്പകോളനിക്കു സമീപത്തെത്തിയപ്പോഴാണ് വനത്തിനുള്ളില്‍നിന്ന് പോലീസിനു നേരെ വെടിവയ്പുണ്ടായത്. സേനാംഗങ്ങള്‍ തിരിച്ചു വെടിവച്ചതോടെ വീണ്ടും ആക്രമണമുണ്ടായി. മുപ്പതോളം പേര്‍ വരുന്ന സേനാംഗങ്ങളില്‍ ആര്‍ക്കും പരുക്കില്ലെങ്കിലും മാവോയിസ്റ്റുകളില്‍ ചിലര്‍ക്ക് പരുക്കേറ്റതായിയും വിവരമുണ്ട്.
വെടിവയ്പ്പിനെതുടര്‍ന്ന് സ്ഥിതിഗതികള്‍ ചര്‍ച്ചചെയ്യാനായി ആഭ്യന്തരമന്ത്രി രമേശ് ചെന്നിത്തലയുടെ നേതൃത്വത്തില്‍ ഹോം സെക്രട്ടറി നളിനി നെറ്റോ, ഡിജിപി കെ.എന്‍. ബാലസുബ്രഹ്മണ്യന്‍, എഡിജിപിമാരായ അനന്തകൃഷ്ണന്‍, എ. ഹേമചന്ദ്രന്‍ എന്നിവരുള്‍പ്പെട്ട അടിയന്തര ഉന്നതതല യോഗം രാത്രി ഒന്‍പതിന് ചേര്‍ന്നു. പ്രദേശത്തെ നിയന്ത്രണം പോലീസ് ഏറ്റെടുത്തിട്ടുണ്ട്. സംഭവത്തില്‍ അടിയന്തര റിപ്പോര്‍ട്ട് നല്‍കാന്‍ കലക്ടര്‍ കേശവേന്ദ്രകുമാറിനോട് ആഭ്യന്തരമന്ത്രി ആവശ്യപ്പെട്ടു.
തൃശൂര്‍ തൃപ്രയാര്‍ സ്വദേശി രൂപേഷ്, ഭാര്യ വലപ്പാട് സ്വദേശി ഷൈന എന്നിവരുടെ നേതൃത്വത്തിലാണ് കേരളത്തില്‍ സിപിഐ (മാവോയിസ്റ്റ്)കേരളത്തിലെ പ്രവര്‍ത്തനം. അടുത്തിടെ ഷൈനയെ നേതാവാക്കി \'ഭവാനി ദളം എന്ന വനിതാവിഭാഗത്തിനും മാവോയിസ്റ്റുകള്‍ രൂപം നല്‍കിയിരുന്നു. കബനി ദളം, നാടുകാണി ദളം, ഭവാനിദളം എന്നിങ്ങനെ മൂന്നു ദളങ്ങളാണ് കേരളത്തില്‍. കോഴിക്കോട്ട് തൊട്ടില്‍പ്പാലത്ത് ക്വാറിയില്‍ മണ്ണുമാന്തി യന്ത്രം 2013 ഒക്‌ടോബര്‍ 27ന് തീവച്ചു നശിപ്പിച്ചതാണ് കേരളത്തിലെ ആദ്യ മാവോയിസ്റ്റ് ആക്രമണം. നീറ്റ ജലാറ്റിന്‍ കമ്പനി ഓഫിസ്, വയനാട്ടിലെ തിരുനെല്ലിയിലെ റിസോര്‍ട്ട് എന്നിവയ്ക്കു നേരെയും ആക്രമണങ്ങള്‍ ഉണ്ടായി. കബനി ദളത്തിന്റെ പേരില്‍ പ്രസിദ്ധീകരിക്കുന്ന \'കാട്ടുതീ വഴി ആണ് സംഘടന ഉത്തരവാദിത്തം ഏറ്റെടുക്കുന്നത്.കേരളം, കര്‍ണാടക, തമിഴ്‌നാട് അതിര്‍ത്തികള്‍ സംഗമിക്കുന്ന വനമേഖലകളിലാണ് മാവോയിസ്റ്റുകളുടെ താവളം.
മാവോയിസ്റ്റുകള്‍ ഉയര്‍ത്തുന്ന ഏതു വെല്ലുവിളിയും നേരിടാന്‍ കേരള പൊലീസ് സജ്ജമാണെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. ജനങ്ങള്‍ ആശങ്കപ്പെടേണ്ട കാര്യ മില്ല. ആശങ്കാജനകമായ സ്ഥി തിയുമില്ല. വയനാട് വെള്ളമുണ്ട ചപ്പ കോളനിയിലാണ് തണ്ടര്‍ ബോള്‍ട്ട് സേനാംഗങ്ങള്‍ക്കു നേരെ മാവോയിസ്റ്റുകള്‍ വെടിയുതിര്‍ത്തത്. സേനയില്‍ ആര്‍ക്കും പരുക്കില്ല. മാവോയിസ്റ്റുകള്‍ക്കു പരുക്കുണ്ടോയെന്നു പരിശോധി ച്ചുവരികയാണെന്നും അദ്ദേഹം പറഞ്ഞു.
https://www.facebook.com/Malayalivartha
