ത്രിവേണിക്ക് മരണമണി
സഹകരണസ്ഥാപനമായ കണ്സ്യൂമര്ഫെഡ് പ്രതിസന്ധിയില്. സ്ഥാപനം അടച്ചുപൂട്ടണമോ അതോ സര്ക്കാര് സഹായം നല്കുമോ എന്നാവശ്യപ്പെട്ട് സഹകരണമന്ത്രി സി.എന്.ബാലകൃഷ്ണന് മുഖ്യമന്ത്രിക്ക് കത്ത് നല്കി. കഴിഞ്ഞ ദിവസം കണ്സ്യൂമര് ഫെഡിന്റെ പത്തോളം വില്പനകേന്ദ്രങ്ങളും രണ്ട് ഗോഡൗണുകളും അടച്ചുപൂട്ടിയിരുന്നു. ഇതിനിടെ പ്രതിസന്ധി കടുത്തതോടെ കണ്സ്യൂമര്ഫെഡിന്റെ മാനേജിംഗ് ഡയറക്ടര് സ്ഥാനം ഒഴിയാന് തന്നെ അനുവദിക്കണമെന്നാവശ്യപ്പെട്ട് മുഖ്യമന്ത്രിക്ക് കത്ത് നല്കി.
ത്രിവേണിസ്റ്റോറുകള് പൂട്ടുന്നത് സാമ്പത്തിക നഷ്ടം കാരണമാണെന്നാണ് കണ്സ്യൂമര്ഫെഡ് പറയുന്നത്. എന്നാല് കണ്സ്യൂമര് ഫെഡിന്റെ കെടുകാര്യസ്ഥതയാണ് സ്ഥാപനം നഷ്ടമാകാന് കാരണമെന്ന് പറയപ്പെടുന്നു. യുഡിഎഫ് സര്ക്കാര് അധികാരമേറ്റെടുത്തവേളയില് കണ്സ്യൂമര്ഫെഡിനെതിരെ ധാരാളം അഴിമതി ആരോപണങ്ങള് ഉയര്ന്നിരുന്നു. കണ്സ്യൂമര്ഫെഡ് എംഡിയായിരുന്ന റിജി നായര് സ്ഥാനം ഒഴിയുകയും ചെയ്തു.
കണ്സ്യൂമര്ഫെഡില് നടന്ന വിജിലന്സ് റെയ്ഡാണ് വിവാദങ്ങള്ക്ക് കാരണമായത്. വിജിലന്സ് റെയിഡിന് രാഷ്ട്രീയചായ്വ് നല്കാനും തല്പരകക്ഷികള് മടിച്ചില്ല. തിരുവഞ്ചൂര് എ ഗ്രൂപ്പും സി.എന്.ബാലകൃഷ്ണന് ഐ ഗ്രൂപ്പൂമായതുകൊണ്ടാണ് വിജിലന്സ് റെയ്ഡ് നടന്നതെന്ന് ആരോപണമുയര്ന്നിരുന്നു.
ഐ.എ.സ് ഉദ്യോഗസ്ഥനാണ് രതീശന്. അദ്ദേഹത്തിന് രമേശ് ചെന്നിത്തലയും സി.എന്.ബാലകൃഷ്ണനുമായി അടുത്ത ബന്ധമുണ്ട്. എന്നാല് കോടികളുടെ അഴിമതിനടന്ന ഒരു സ്ഥാപനത്തില് മേധാവിയായി തുടരാന് തനിക്ക് താല്പര്യമില്ലെന്നാണ് പുതിയ മനേജിംഗ് ഡയറക്ടര് മുഖ്യമന്ത്രിയെ അറിയിച്ചിരിക്കുന്നത്. ഡിസംബര് 26 ന് രതീശിന്റെ ഡപ്യൂട്ടേഷന് കാലാവധി അവസാനിക്കും. കാലാവധി പൂര്ത്തിയാക്കുന്നതോടെ തന്നെ ഒഴിവാക്കണമെന്നാണ് അദ്ദേഹത്തിന്റെ ആവശ്യം.
50,000 രൂപവരെ പ്രതിമാസവാടക നല്കി പ്രവര്ത്തിക്കുന്ന സ്ഥാപനത്തില് ആയിരും രൂപയുടെ കച്ചവടം പോലും നടക്കുന്നില്ലെന്നാണ് കണ്സ്യൂമര്ഫെഡിന്റെ കണ്ടെത്തല്. ഇങ്ങനെവന്നാല് സ്ഥാപനം അടച്ചുപൂട്ടേണ്ടിവരുമെന്നും കണ്സ്യൂമര്ഫെഡ് മേധാവി സര്ക്കാരിനെ അറിയിച്ചു. വില്പനശാലകളിലും അഴിമതി പൊടിപൊടിക്കുകയാണത്രേ.പലയിടത്തും ജീവനക്കാര് ജോലിചെയ്യുന്നില്ല. ചില സ്ഥലങ്ങളില് ജീവനക്കാര് അഴിമതിയും സ്ഥാപനത്തില് വര്ധിക്കുകയാണെന്നും രതീശന് മുഖ്യമന്ത്രിയെ അിറയിച്ചു.
അതേസമയം വിലക്കയറ്റം കാരണം ജനങ്ങള്ക്ക് പിടിച്ചു നില്ക്കാനാവാത്ത അവസ്ഥയാണുളളത്. വിലക്കയറ്റം നേരിടുക എന്നതാണ് ഇത്തരം സ്ഥാപനങ്ങളുടെ കടമ. എന്നാല് ന്യായവില ഷോപ്പുകളുടെ കെടുകാര്യസ്ഥത കാരണം ആളുകള് പൊറുതിമുട്ടുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
