പ്രളയത്തില്‍ സര്‍വവും തകര്‍ന്നു തരിപ്പണമായി. ഇനി മുന്നില്‍ ഒന്നുമില്ല. പമ്പയടക്കമുള്ള നദികള്‍ ഗതിമാറുന്നു. കേരളം ആകെ അമ്പരന്ന ദിവസങ്ങള്‍. പമ്പയില്‍ ഭഗവാന്റെ ആറാട്ട് കടവ് കണ്ടെത്താനാകാതെ കഷ്ടപ്പെട്ട ദിവസങ്ങള്‍. പക്ഷെ ഭക്തര്‍ പ്രതീക്ഷ കൈവിട്ടില്ല. അയ്യപ്പന്‍ അനുഗ്രഹിക്കുമെന്ന് ഉറച്ച് തന്നെ വിശ്വസിച്ചു. അതിപ്പോള്‍ സത്യമായി. അഞ്ചടി കുഴിച്ചു നോക്കിയിട്ടും കണ്ടെത്താനാവാത്ത പ്രളയത്തില്‍ മുങ്ങിപ്പോയ ആറാട്ടു കടവ് ഇതാ കണ്ടെത്തിയിരിക്കുന്നു. ആറാട്ട് കടവ് കണ്ടെത്താനാവാത്തതിനാല്‍ ഭഗവാന്റെ ആറാട്ടിന് എന്തു ചെയ്യുമെന്ന് കരുതി പകരം സംവിധാനം ഒരുക്കാന്‍ നെട്ടോട്ടം ഓടിയ തന്ത്രിയും ദേവസ്വം ബോര്‍ഡും കണ്ണുതള്ളിയെന്നാണ് വിവരങ്ങള്‍.

ആറാട്ടു കടവു പൊങ്ങി വന്നിരിക്കുന്നു. ആറാട്ട് കടവും ത്രിവേണി പാലവും കണ്ണു തുറക്കും മുമ്പ് കണ്‍മുന്നില്‍ കണ്ടതിന്റെ ആഹ്ലാദത്തിലാണ് ഭക്തര്‍. ആ അനുഗ്രഹം തിരികെ നല്‍കിയ നല്‍കിയ ഭഗവാന് നന്ദി പറഞ്ഞു വീണ്ടും ഭക്തര്‍. ശബരിമലയിലെ ത്രിവേണി പാലവും ആറാട്ടു കടവും വിശ്വാസികള്‍ക്കിടിയില്‍ മാത്രമല്ല കേരളത്തിലങ്ങളോമിങ്ങോളം ചര്‍ച്ചയാക്കുമ്പോള്‍ മുങ്ങിപോയ ആറാട്ട് കടവ് പൊങ്ങിയതിലെ ഭക്തരുടെ ആനന്ദവും ആഹ്ലാദവും മാത്രമല്ല. ശബരിമലയില്‍ ഇനിയെന്ത് എന്നത് കൂടിയാണ് ചര്‍ച്ചയാവുകയാണ്. ഈ 15ാം തീയതി വെള്ളിയാഴ്ച നട തുറക്കുമ്പോള്‍ അത് ഭക്തര്‍ക്ക് പുതിയ അനുഭവമാകും. അഞ്ചടി കുഴിച്ചു നോക്കിയിട്ടും പ്രളയത്തില്‍ മുങ്ങിപ്പോയ ആറാട്ടു കടവു കണ്ടെത്താനാവാത്തതിനാല്‍ ഭഗവാന്റെ ആറാട്ടിന് പകരം സംവിധാനം ഒരുക്കാന്‍ തന്ത്രിയും ദേവസ്വം ബോര്‍ഡും കഴിഞ്ഞ കുറച്ചു മാസങ്ങളായി നെട്ടോട്ടമോടുകയാണ്.

പമ്പാനദി കണ്ണില്‍ക്കണ്ടതെല്ലാം കവര്‍ന്ന്, കരകള്‍ കഴുകിത്തുടച്ചു പിന്‍വാങ്ങിയപ്പോള്‍ കുത്തിയൊലിച്ചുപോയ തിട്ടകള്‍ക്കടിയില്‍ തെളിഞ്ഞുവന്നത് നൂറ്റാണ്ടുകളുടെ കഥപറയുന്ന ചരിത്രാവശിഷ്ടങ്ങള്‍. ഇക്കഴിഞ്ഞ ഓഗസ്റ്റിലെ പ്രളയത്തിനുശേഷം ആറന്മുളയ്ക്കു സമീപം പലയിടത്തായി കണ്ടെത്തിയത് അഞ്ചോ ആറോ നൂറ്റാണ്ടുകളുടെ പഴക്കം കണക്കാക്കാവുന്ന കളിമണ്‍ ശില്‍പങ്ങള്‍. മാരാമണ്ണിനു സമീപം വെള്ളങ്ങൂരില്‍ കണ്ടെത്തിയത് രണ്ടായിരം കൊല്ലം വരെ പഴക്കമുള്ള മഹാശിലാസംസ്‌കാരത്തിന്റെ ഭാഗമെന്നു കരുതപ്പെടുന്ന കല്ലറ. മണ്ണും മണലും കുത്തിയൊലിച്ചുപോയ നദിയുടെ അടിത്തട്ടില്‍ അവിടവിടെയായി തെളിഞ്ഞുവന്നത് ചരിത്രാതീത കാലത്തെ വന്‍മരങ്ങളുടെ ഫോസിലുകള്‍. ഇപ്പോഴിതാ വീണ്ടും അല്‍ഭുതമാകുന്നു പമ്പ.