ശബരിമലയും ചര്ച്ച് ആക്ടും അടക്കം നിരവധി വിഷയങ്ങള് തെരഞ്ഞെടുപ്പില് സര്ക്കാരിനെയും എല്.ഡി.എഫിനെയും പ്രതിസന്ധിയിലാക്കുന്നതിന് പിന്നാലെ മുഖ്യമന്ത്രി പിണറായി വിജയനും ഇടത് മുന്നണിക്കും തലവേദനായായി ലാവ്ലിന് കേസ് വീണ്ടും വരുന്നു
ശബരിമലയും ചര്ച്ച് ആക്ടും അടക്കം നിരവധി വിഷയങ്ങള് തെരഞ്ഞെടുപ്പില് സര്ക്കാരിനെയും എല്.ഡി.എഫിനെയും പ്രതിസന്ധിയിലാക്കുന്നതിന് പിന്നാലെ മുഖ്യമന്ത്രി പിണറായി വിജയനും ഇടത് മുന്നണിക്കും തലവേദനായായി ലാവ്ലിന് കേസ് വീണ്ടും വരുന്നു. കേസില് നിന്ന് മുഖ്യമന്ത്രി പിണറായി വിജയനെ ഹൈക്കോടതി കുറ്റവിമുക്തനാക്കിയത് അടക്കമുള്ള ഹര്ജികള് ഏപ്രില് ഒന്നിന് സുപ്രീംകോടതി പരിഗണിക്കും. തെരഞ്ഞെടുപ്പിന്റെ പടിവാതില്ക്കല് എത്തിനില്ക്കുന്ന എല്.ഡി.എഫിന് ഇത് വലിയ ആശങ്കയാണ് സൃഷ്ടിക്കുന്നത്. സി.ബി.ഐ ആവശ്യം ഡിവിഷന് ബെഞ്ച് അംഗീകരിച്ചാല് ലോക്സഭാ തെരഞ്ഞെടുപ്പിന് മുമ്പ് ഹര്ജികള് കേള്ക്കാനുള്ള സാധ്യത കുറവാണ്. പക്ഷെ, അത് തെരഞ്ഞെടുപ്പിനെ ചെറിയതോതിലെങ്കിലും ബാധിക്കും. ശബരിമല വിഷയത്തില് മുഖ്യമന്ത്രിക്കെതിരെ ഹിന്ദുസമൂഹത്തില് നിന്ന് കടുത്ത എതിര്പ്പാണുള്ളത്.
ജസ്റ്റിസുമാരായ എം.വി രമണ, ശാന്തന ഗൗഡര് എന്നിവര് അടങ്ങിയ ബെഞ്ച് ആണ് ഹര്ജി പരിഗണിക്കുന്നത്. കഴിഞ്ഞ തവണ ഹര്ജി പരിഗണിച്ചപ്പോള് നോണ് മിസിലിനസ് (ചൊവ്വ, ബുധന്, വ്യാഴം) ദിവസങ്ങള് ലാവലിന് കേസ് കേള്ക്കണം എന്ന സി.ബി.ഐ ആവശ്യം സുപ്രീം കോടതി അംഗീകരിക്കുകയായിരുന്നു. എന്നാല് സുപ്രീം കോടതി റെജിസ്ട്രി ഹര്ജികള് വീണ്ടും മിസിലിനസ് ദിവസം ആയ തിങ്കളാഴ്ച ലിസ്റ്റ് ചെയ്തിരിക്കുക ആണ്. സി.ബി.ഐ വീണ്ടും പഴയ ആവശ്യം ഉന്നയിക്കാന് ആണ് സാധ്യത. ജസ്റ്റിസ് രമണ അടുത്ത നാല്, അഞ്ച് ആഴ്ചകളിലെ നോണ് മിസിലിനസ് ദിവസങ്ങളില് ചീഫ് ജസ്റ്റിസ് അധ്യക്ഷനായ ഭരണഘടന ബെഞ്ചിന്റെ ഭാഗം ആയിരിക്കുമെന്നതാണ് ഇതിന് കാരണം.
ഇടുക്കി ജില്ലയിലുള്ള പള്ളിവാസല്, ചെങ്കുളം, പന്നിയാര് ജലവൈദ്യുത പദ്ധതികളുടെ പുനരുദ്ധാരണത്തിന്, കനേഡിയന് കമ്പനിയായ എസ്.എന്.സി. ലാവലിനുമായി ഒപ്പിട്ട കരാറുകളുമായി ബന്ധപ്പെട്ട വ്യവസ്ഥാ ലംഘനങ്ങളാണ് ലാവലിന് കേസിന് നിദാനം ധ1പ. പ്രസ്തുത കരാര് ലാവലിന് കമ്പനിക്ക് നല്കുന്നതിന് പ്രത്യേക താല്പര്യം കാണിക്കുക വഴി സംസ്ഥാനത്തിന് 374 കോടി രൂപയുടെ നഷ്ടം സംഭവിച്ചിട്ടുണ്ടായിരിക്കാമെന്നാണ് ലാവലിന് കേസിലെ പ്രധാന ആരോപണം.
അപ്പീലുകളിലുളള അന്തിമവാദമാണ് തിങ്കളാഴ്ച കേള്ക്കുക. ജനുരിയില് ഹര്ജി പരിഗണിച്ചപ്പോള് സി.ബി.ഐയ്ക്ക് വേണ്ടി ഹാജരായ സോളിസിറ്റര് ജനറല് തുഷാര് മെഹ്ത വിശദമായി വാദം കേള്ക്കണമെന്ന ആവശ്യം ഉന്നയിക്കുകയായിരുന്നു. മുഖ്യമന്ത്രി പിണറായി വിജയനടക്കം മൂന്നു പ്രതികളെ കുറ്റവിമുക്തരാക്കിയ ഹൈക്കോടതി നടപടി റദ്ദുചെയ്യണമെന്ന സി.ബി.ഐയുടെ ഹര്ജിയും കേസില് നിന്ന് ഒഴിവാക്കണമെന്ന മൂന്ന് കെ.എസ്.ഇ.ബി മുന് ഉദ്യോഗസ്ഥരുടെ ആവശ്യവുമാണു കോടതി പരിഗണിക്കുന്നത്.
കേസില് പിണറായിയെ തെരഞ്ഞുപിടിച്ച് സിബിഐ ബലിയാടാക്കിയെന്ന് പറഞ്ഞാണ് ഹൈകോടതി കുറ്റവിമുക്തനാക്കിയത്. കേസില് കെഎസ്ഇബി ചെയര്മാനും ഉദ്യോഗസ്ഥരും മാത്രമാണ് ഉത്തരവാദികളെന്നും 102 പേജുള്ള വിധിപ്രസ്താവത്തില് ജസ്റ്റിസ് ഉബൈദ് പറഞ്ഞിരുന്നു. പിണറായി അടക്കം മൂന്നു പ്രതികള് വിചാരണ നേരിടേണ്ട എന്നും ഹൈക്കോടതി ഉത്തരവില് വ്യക്തമാക്കിയിരുന്നു . എന്നാല് രണ്ട് മുതല് നാല് വരെയുള്ള പ്രതികള് വിചാരണ നേരിടണം . പിണറായി വിജയന് ഉള്പ്പെടെയുള്ള പ്രതികളെ കുറ്റവിമുക്തരാക്കിയ കീഴ്ക്കോടതി ഉത്തരവിനെതിരെ സിബിഐ നല്കിയ റിവിഷന് ഹര്ജിയിലാണ് ഹൈക്കോടതിയുടെ സുപ്രധാന വിധി ഉണ്ടായത്.
https://www.facebook.com/Malayalivartha
