പത്തനംതിട്ടയില് ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന്റെ വിജയത്തിനുള്ള എല്ലാ സാധ്യതകളും ഒരുമിക്കുന്നു. സുരേന്ദ്രന് എല്ലാ പിന്തുണയും നല്കുമെന്ന് ജനപക്ഷം ചെയര്മാനും പൂഞ്ഞാര് എം.എല്.എയുമായ പി.സി ജോര്ജ്ജ് വ്യക്തമാക്കി
പത്തനംതിട്ടയില് ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന്റെ വിജയത്തിനുള്ള എല്ലാ സാധ്യതകളും ഒരുമിക്കുന്നു. സുരേന്ദ്രന് എല്ലാ പിന്തുണയും നല്കുമെന്ന് ജനപക്ഷം ചെയര്മാനും പൂഞ്ഞാര് എം.എല്.എയുമായ പി.സി ജോര്ജ്ജ് വ്യക്തമാക്കി. കെ സുരേന്ദ്രന് വന് ഭൂരിപക്ഷത്തില് ജയിക്കുമെന്നും പി സി ജോര്ജ് പറഞ്ഞു. ഈരറ്റുപേട്ടയിലെ വീട്ടിലെത്തിയ കെ. സുരേന്ദ്രനുമായി കൂടിക്കാഴ്ച നടത്തിയ ശേഷമായിരുന്നു പ്രതികരണം. അതേസമയം എന്.ഡി.എയ്ക്ക് ഒപ്പം നില്ക്കുമോ എന്ന കാര്യത്തില് പി.സി നിലപാട് വ്യക്തമാക്കിയില്ല. പത്തനംതിട്ട ഒഴികെയുള്ള മണ്ഡലങ്ങളില് ആരെ പിന്തുണയ്ക്കണം എന്ന കാര്യത്തില് തീരുമാനം ഉടന് അറിയിക്കാമെന്നും പി.സി പറഞ്ഞു.
ശബരിമല പ്രശ്നത്തില് നിയമസഭയില് ബി.ജെ.പി എം.എല്.എ ഒ. രാജഗോപാലുമായി പി.സി. ജോര്ജ് നിയമസഭയില് ഒന്നിച്ച് പ്രവര്ത്തിച്ചിരുന്നു. ശബരിമല യുവതീപ്രവേശം ഒഴികെ, മറ്റു വിഷയങ്ങളിലുള്ള നിലപാടുകള് സ്വീകരിക്കുമെന്ന് പി.സി. ജോര്ജും ബി.ജെ.പി. സംസ്ഥാന പ്രസിഡന്റ് പി.എസ്. ശ്രീധരന്പിള്ളയും അന്നേ പറഞ്ഞിരുന്നു. ശബരിമല വിഷയത്തില് വര്ഗീയ, പിന്തിരിപ്പന് നയമാണ് മുഖ്യമന്ത്രി പിണറായി വിജയനുള്ളതെന്ന് പി.സി ആരോപിച്ചു. ശബരിമലയിലെ പ്രതിസന്ധിയില് വോട്ട് ചോരാതിരിക്കാനാണ് കോണ്ഗ്രസ് നോക്കിയത്. ബി.ജെ.പി.യുടേത് മാന്യവും സത്യസന്ധവുമായ സമീപനമായിരുന്നു. ബി.ജെ.പി. മോശം പാര്ട്ടിയാണെന്ന് അഭിപ്രായമില്ലെന്നും പി.സി വ്യക്തമാക്കി.
ഇരുമുന്നണികളെയും വെല്ലുവിളിച്ച് പൂഞ്ഞാറില് മത്സരിച്ച് വിജയിച്ചയാളാണ് പി.സി ജോര്ജ്ജ്. അദ്ദേഹം വിചാരിച്ചാല് നല്ല ശതമാനം വോട്ട് പൂഞ്ഞാര് മണ്ഡലത്തില് മറിക്കാന് കഴിയും. അതിനാല് കെ.സുരേന്ദ്രനും ബി.ജെ.പിക്കും വലിയ നറുക്കാണ് പി.സിയുടെ നിലപാടിലൂടെ കൈവന്നിരിക്കുന്നത്. കഴിഞ്ഞ നിയമസഭാ തിരഞ്ഞെടുപ്പ്കാലത്താണ് കേരള ജനപക്ഷം രൂപംകൊണ്ടത്. അന്ന് മുതല് ഒരു മുന്നണിയുമായി സഹകരിക്കുന്നില്ല. ഏതെങ്കിലും ഒരു മുന്നണിയുമായി ഒരു കടപ്പാടുമില്ല. ഒരു രാഷ്ട്രീയ പ്രസ്ഥാനം എന്ന നിലയില് സ്വന്തമായി തീരുമാനങ്ങള് എടുക്കാനും അത് നടപ്പിലാക്കാനും വിജയിപ്പിക്കാനും ഉളള കരുത്തു ജനപക്ഷത്തിനുണ്ട്. ആ കരുത്തില് വിശ്വസിച്ചുകൊണ്ട് പാര്ലമെന്റ് തിരഞ്ഞെടുപ്പിനെ നേരിടാനാണ് തീരുമാനമെന്നും പി.സി ജോര്ജ്ജ് പറഞ്ഞു.
താല്ക്കാലിക സഹകരണം നിയമസഭക്ക് പുറത്ത് കോണ്ഗ്രസ്സുമായും മുന്പ് എല് ഡി എഫുമായും ഉണ്ടായിട്ടുണ്ട് അതിന് കൂടുതല് രാഷ്ട്രീയ വ്യാഖ്യാനങ്ങള് നല്കാന് ശ്രമിക്കുന്നവരെ സമൂഹം തിരിച്ചറിയണം. ശബരിമല വിഷയത്തിലെ നിലപാടില് പ്രതിക്ഷേധിച്ചാണ് എല്.ഡി.എഫ് മായുളള സഹകരണം അവസാനിപ്പിച്ചത്. അതിനാല് അവര് ജനപക്ഷത്തിനെതിരെ തിരിഞ്ഞത് പൊതു സമൂഹം കണ്ടുകൊണ്ടിരിക്കുകയാണ്. എന്നാല് എല് ഡി എഫിനോടുളള നിലപാടില് മാറ്റമുണ്ടാകില്ലെന്നും പി.സി വ്യക്തമാക്കി. നിയമസഭാ തെരഞ്ഞെടുപ്പില് പത്തനംതിട്ടയിലും കോട്ടയത്തും എന്.ഡി.എയെ സഹായിച്ചാല് അടുത്ത നിയമസഭാ തെരഞ്ഞെടുപ്പില് ബി.ജെ.പിയുടെും ബി.ഡി.ജെ.എസിന്റെയും അടക്കം പിന്തുണ തനിക്ക് കിട്ടുമെന്നും പി.സി കണക്കുകൂട്ടുന്നു.
https://www.facebook.com/Malayalivartha
