കള്ളവോട്ട് ; കാസര്കോട് പാര്ലമെന്റ് മണ്ഡലത്തിലെ പുതിയങ്ങാടിയില് കള്ളവോട്ട് ചെയ്ത മുസ്ലിം ലീഗ് പ്രവര്ത്തകരെ അറസ്റ്റ് ചെയ്യും
കാസര്കോട് പാര്ലമെന്റ് മണ്ഡലത്തിലെ പുതിയങ്ങാടിയില് കള്ളവോട്ട് ചെയ്ത മുസ്ലിം ലീഗ് പ്രവര്ത്തകരെ അറസ്റ്റ് ചെയ്യും. കള്ളവോട്ട് നടന്നുവെന്ന് തിരഞ്ഞെടുപ്പ് കമ്മീഷന് സ്ഥിരികരിച്ചതോടെയാണ് നടപടി. കളക്ടറുടെ പരാതിയില് പൊലീസ് കേസെടുക്കും. അതേസമയം ലീഗ് പ്രവര്ത്തകര് നിയമലംഘനം നടത്തിയിട്ടുണ്ടെന്ന് നിയമപരമായി തെളിഞ്ഞാല് പാര്ട്ടിയില് നിന്ന് പുറത്താക്കുമെന്ന് നേതൃത്വം നിലപാടെടുത്തു.
പുതിയങ്ങാടി ജമഅത്ത് യുപി സ്കൂളിലെ 69,70 ബൂത്തുകളില് നാലു ലീഗ് പ്രവര്ത്തകര് കള്ളവോട്ട് ചെയ്തതായാണ് ആരോപണം ഉയർന്നത്. വിദേശത്തുള്ള അബ്ദുള് സമദുള്പ്പെെട മൂന്നുപേര് കള്ളവോട്ട് ചെയ്തതായി കാസർഗോഡ് കളക്ടർ സ്ഥീരീകരിച്ചു. എന്നാല് ആരോപണ വിധേയനായ ആഷിഖ് ഒന്നിലധികം തവണ അറുപത്തിയൊന്പതാം നമ്പര് ബൂത്തില് പ്രവേശിക്കുന്നുണ്ടെങ്കിലും കള്ളവോട്ട് ചെയ്തൊയെന്ന് തെളിയിക്കാനായില്ല. വെബ്കാസ്റ്റിങ് ദൃശ്യങ്ങള് കൂടുതല് വിശദമായി പരിശോധിക്കാനാണ് തിരുമാനം.
അതേസമയം മുഹമ്മദ് ഫായിസ് ലീഗ് പ്രവര്ത്തകനല്ലെന്ന നിലപാടില് ഉറച്ചുനില്ക്കുകയാണ് നേതൃത്വം. അബ്ദുള് സമദും, കെ.എം.മുഹമ്മദും പാര്ട്ടി പ്രവര്ത്തകരാണോയെന്ന് പരിശോധിക്കും. പാര്ട്ടി അംഗങ്ങള് കുറ്റം ചെയ്തെന്ന് നിയമപരമായി തെളിഞ്ഞാല് പുറത്താക്കുമെന്ന ഉറച്ച നിലപാടിലാണ് നേതൃത്വം.
https://www.facebook.com/Malayalivartha
