ശ്രീകാര്യം ഇളംകുളം അനന്തറാം റസ്റ്റോറന്റിൽ മീനിന്റെ തലയുടെ ഭാഗം കൂടി ചേര്ന്ന മീന് കഷണം വിളമ്പിയതിനെ ചൊല്ലി തര്ക്കം; ബഹളം കേട്ട് കാര്യം തിരക്കിയെത്തിയ കാഷ് കൗണ്ടറിലുണ്ടായിരുന്ന കടയുടമയുടെ ബന്ധുവിനെ മർദ്ദിച്ച ശേഷം ഹോട്ടല് അടിച്ച് തകര്ത്ത് ഭീകരാന്തരീക്ഷം സൃഷ്ടിച്ച് യുവാവ് മുങ്ങി
ശ്രീകാര്യത്ത് ഹോട്ടലില് ഭക്ഷണം വിളമ്പുമ്പോൾ മീനിന്റെ തലയുടെ ഭാഗം കൂടി ചേര്ന്ന മീന് കഷണം വിളമ്ബിയതിനെ ചൊല്ലി തര്ക്കം. ഇത് വേണ്ടെന്ന പരാതിയെ തുടര്ന്ന് വെയിറ്റര് അത് തിരികെ കൊണ്ടുപോകാന് തുടങ്ങുമ്ബോള് തൊട്ടടുത്ത മേശയിലിരുന്നയാള് ഇത് ആവശ്യപ്പെടുകയും ജീവനക്കാരന് നല്കുകയും ചെയ്തു. ഇതില് ക്ഷുഭിതനായ യുവാവ് ചാടിയെണീറ്റ് ബഹളം വച്ചു.
ബഹളം കേട്ട് കാര്യം തിരക്കിയെത്തിയ കാഷ് കൗണ്ടറിലുണ്ടായിരുന്ന കടയുടമയുടെ ബന്ധു അശ്വനെ (17) യുവാവ് മര്ദ്ദിച്ചു. കുട്ടിയെ മര്ദ്ദിക്കുന്നത് തടയാനെത്തിയ കടയുടമ ശ്യാമിനെയും യുവാവ് മര്ദ്ദിക്കുകയും ഹോട്ടല് അടിച്ച് തകര്ക്കുകയും ചെയ്തു. ഇന്നലെ ഉച്ചയ്ക്ക് 2.30ന് ശ്രീകാര്യം ഇളംകുളം അനന്തറാം റസ്റ്റോറന്റിലാണ് സംഭവം.
കടയിലെ കസേരകളും മേശയും പാത്രങ്ങളും തറയില് എറിഞ്ഞു തകര്ത്ത് ഭീകരാന്തരീക്ഷം സൃഷ്ടിച്ച യുവാവ് പൊലീസെത്തുമ്ബോഴേക്കും മുങ്ങിയിരുന്നു. സംഭവത്തില് പോങ്ങുംമൂട് ബാപ്പുജി നഗര് സ്വദേശി രാജീവിനെതിരെ ശ്രീകാര്യം പൊലീസ് കേസെടുത്തു.
https://www.facebook.com/Malayalivartha
