ഹയര് സെക്കന്ഡറി പ്രവേശനത്തിനായുള്ള ഓണ്ലൈന് ആപ്ലിക്കേഷനുകള് ഇന്നുമുതല് സ്വീകരിക്കും
ഹയര് സെക്കന്ഡറി പ്രവേശനത്തിനായുള്ള ഓണ്ലൈന് ആപ്ലിക്കേഷനുകള് ഇന്നുമുതല് സ്വീകരിക്കും.
എന്ന വെബ്സൈറ്റിലാണ് അപേക്ഷകള് സമര്പ്പിക്കേണ്ടത്. മെയ് 16 ആണ് അവസാന തിയതി. അപേക്ഷകരെ സഹായിക്കുന്നതിനായി സ്കൂള് തലം മുതല് ഹെല്പ് ഡെസ്കുകള് പ്രവര്ത്തനക്ഷമമാക്കിയിട്ടുണ്ട്.
ദിവസവും രണ്ട് അധ്യാപകരെ വീതം നിയമിക്കണമെന്ന് ഹയര്സെക്കന്ഡറി ഡയറക്ടര് പ്രിന്സിപ്പല്മാര്ക്ക് നിര്ദ്ദേശം നല്കിയിട്ടുണ്ട്. അതത് ജില്ലകളുടെ പ്രോസ്പെക്ടസ് പ്രിന്റ് എടുത്ത് എല്ലാ സര്ക്കാര്/എയ്ഡഡ് ഹയര്സെക്കന്ഡറി സ്കൂളുകളിലും പ്രദര്ശിപ്പിക്കാനും മാര്ഗനിര്ദ്ദേശത്തില് വ്യക്തമാക്കിയിട്ടുണ്ട്. ഓണ്ലൈന് ആയി അപേക്ഷ സമര്പ്പിച്ച ശേഷം അപേക്ഷയുടെ രണ്ട് പേജുളള പ്രിന്റൗട്ടും അനുബന്ധരേഖകളും ജില്ലയിലെ ഏതെങ്കിലും ഒരു സര്ക്കാര്/എയ്ഡഡ് ഹയര്സെക്കന്ഡറി സ്കൂളില് പരിശോധനയ്ക്ക് 16 നകം സമര്പ്പിക്കണം.
രണ്ട് പ്രധാന അലോട്ട്മെന്റുകള് ഇത്തവണ നടത്താനാണ് തീരുമാനം. ഇതില് പ്രവേശനം നേടിയവര്ക്ക് സ്കൂളുകളും വിഷയവും മാറാന് അവസരം നല്കും. ഇതിന് ശേഷമാവും സപ്ലിമെന്ററി അലോട്ട്മെന്റ് ആരംഭിക്കുക. ജൂലൈ ഏഴോടെ പ്രവേശന നടപടികള് അവസാനിപ്പിക്കും. വിഎച്ച്എസ്ഇ പ്രവേശനത്തിനും ഓണ്ലൈനായി അപേക്ഷിക്കാം.
എന്ന വെബ്സൈറ്റിലാണ് അപേക്ഷ സമര്പ്പിക്കേണ്ടത്. അതിന് ശേഷം അപേക്ഷയുടെ പ്രിന്റൗട്ട് അനുബന്ധരേഖകള് സഹിതം വെരിഫിക്കേഷനായി അടുത്തുള്ള വൊക്കേഷണല് ഹയര് സെക്കന്ഡറി സ്കൂളില് നല്കി രസീറ്റ് സൂക്ഷിക്കണം.
https://www.facebook.com/Malayalivartha
