ഏറെ ആകാക്ഷയോടെയുള്ള തെച്ചിക്കോട്ട്കാവ് രാമചന്ദ്രന്റെ ഫിറ്റ്‌നസ് പരിശോധന നടത്തി. 3 അംഗ ഡോക്ടര്‍മാരുടെ സംഘമാണ് പരിശോധന നടത്തിയത്. പരിശോധന റിപ്പോര്‍ട്ട് കളക്ടര്‍ക്ക് കൈമാറും. ഇനി ഒഴികഴിവ് ന്യായം പറഞ്ഞ് സര്‍ക്കാരിന് രക്ഷപ്പെടാനാകില്ല.

ആരോഗ്യനില തൃപ്തികരം എന്ന് പ്രാഥമിക വിലയിരുത്തല്‍. മദപ്പാട് ഇല്ലെന്നും മുറിവുകള്‍ ഇല്ലെന്നും ഡോക്ടര്‍മാര്‍. ആനയുടെ കാഴ്ച പൂര്‍ണമായി നഷ്ടപ്പെട്ടുവെന്ന് പറയാന്‍ ആകില്ല. ഡോക്ടര്‍മാര്‍. അതേസമയം ആന പാപ്പാന്മാരോട് അനുസരണ കാണിക്കുന്നുണ്ടെന്നും സംഘം വിലയിരുത്തി. ഇതോടെ വലിയൊരു വിവാദത്തിനാണ് അവസാനമാകുന്നത്. രാമചന്ദ്രനെ തൃശൂര്‍ പൂരത്തിന് ഇറക്കും എന്നുറപ്പായി.

തെച്ചിക്കോട്ടുകാവ് രാമചന്ദ്രനെ ചൊല്ലി തൃശൂര്‍ പൂരം പ്രതിസന്ധിയില്‍ പോലും ആയിരുന്നു. ആരോഗ്യ പ്രശ്‌നവും സുരക്ഷയും കണക്കിലെടുത്ത് തെച്ചിക്കോട്ടുകാവ് രാമചന്ദ്രനെ പൂരത്തിന് എഴുന്നെള്ളിക്കേണ്ടാ എന്ന് കളക്ടര്‍ നിലപാട് എടുത്തതോടെ എങ്കില്‍ മറ്റ് ആനകളെ പൂരത്തിന് ഇറക്കില്ലെന്ന് ആന ഉടമകള്‍ വ്യക്തമാക്കുകയായിരുന്നു. പിന്നാലെ സര്‍ക്കാര്‍ നിയമോപദേശം തേടുകയും പൂര വിളംബരത്തിന് മാത്രം തെച്ചിക്കോട്ടുകാവ് രാമചന്ദ്രനെ എഴൂന്നെള്ളിക്കാമെന്ന് നിയമോപദേശം കിട്ടുകയും ചെയ്തു. 

എന്നാല്‍ ഇക്കാര്യത്തില്‍ അന്തിമ തീരുമാനം എടുത്തിട്ടില്ലാത്തതിനാല്‍ പൂരത്തിന് തിടമ്പേറ്റാന്‍ തെച്ചിക്കോട്ടുകാവ് രാമചന്ദ്രന് പകരക്കാരനായി എറണാകുളം ശിവകുമാര്‍ എത്താനുള്ള സാധ്യതയും ഉയര്‍ന്നിരുന്നു. ശിവകുമാറിനെ പരിഗണിക്കാമെന്ന് ദേവസ്വം ബോര്‍ഡ് നെയ്തലക്കാവ് ദേവസ്വം ഉപദേശക സമിതിയെ സമീപിച്ചിട്ടുണ്ട്. 

വര്‍ഷങ്ങളായി നെയ്തലക്കാവിലമ്മയുടെ തിടമ്പേറ്റി തെക്കേ ഗോപുരം തുറന്നു വരുന്നത് തെച്ചിക്കോട്ടുകാവ് രാമചന്ദ്രനാണ്. രാമചന്ദ്രന്‍ ഇല്ലെങ്കില്‍ പകരം 53 വയസുള്ള ശിവകുമാറിനെ പരിഗണിക്കുമെന്നാണ് വിവരം. കഴിഞ്ഞ വര്‍ഷത്തെ പൂരത്തിന് ഇടത്തെ കൊമ്പനായി തിരുവമ്പാടിയുടെ ഗജനിരയില്‍ ശിവകുമാര്‍ ഉണ്ടായിരുന്നു. കൊച്ചിന്‍ ദേവസ്വത്തിന്റെ ഗജകേസരിയില്‍ മുമ്പനാണ് ശിവകുമാര്‍.

തൃശൂര്‍ തെച്ചിക്കോട്ടുകാവ് രാമചന്ദ്രന്റെ ആരോഗ്യം തൃപ്തികരമെങ്കില്‍ പൂരവിളംബരത്തില്‍ പങ്കെടുപ്പിക്കുമെന്ന് ജില്ലാകളക്ടര്‍ ടി.വി അനുപമ നേരത്തെ തന്നെ വ്യക്തമാക്കിയിരുന്നു. ഇതിനായി രാമചന്ദ്രന്റെ ആരോഗ്യസ്ഥിതി പരിശോധിക്കുമെന്ന് ടി.വി അനുപമ നേരത്തെ തന്നെ അറിയിച്ചിരുന്നു. ആന നില്‍ക്കുന്ന സ്ഥലത്ത് നിന്ന് ജനങ്ങളെ മാറ്റിനിറുത്താനും കളക്ടറുടെ നേതൃത്വത്തില്‍ ചേര്‍ന്ന യോഗം തീരുമാനിച്ചു. തെച്ചിക്കോട്ടുകാവ് രാമചന്ദ്രനെ പങ്കെടുപ്പിക്കാന്‍ സമയം അനുവദിച്ചതിനെതുടര്‍ന്ന് പൂരത്തിന് ആനകളെ നല്‍കാന്‍ ഉടമകള്‍ തീരുമാനിച്ചു.

തൃശൂര്‍ പൂരത്തിന് തെച്ചിക്കോട്ടുകാവ് രാമചന്ദ്രനെ പങ്കെടുപ്പിക്കുന്നതില്‍ കളക്ടര്‍ അദ്ധ്യക്ഷയായ സമിതിക്ക് തീരുമാനിക്കാമെന്ന് തീരുമാനമെടുക്കാമെന്ന് എ.ജി നിയമോപദേശം നല്‍കിയിരുന്നു. തലേന്ന് നടക്കുന്ന പൂരവിളംബരത്തില്‍ മാത്രമേ തെച്ചിക്കോട്ടുകാവ് രാമചന്ദ്രനെ പങ്കെടുപ്പിക്കാവൂയെന്നായിരുന്നു നിയമോപദേശം. വിഷയത്തില്‍ ഇടപെടാനില്ലെന്നായിരുന്നു ഹൈക്കോടതി നിലപാട്. അതേസമയം രാമചന്ദ്രന് ആരോഗ്യ പ്രശ്‌നമില്ലെന്ന് കണ്ടെത്തിയതിനാല്‍ മുഴുവന്‍ ചടങ്ങുകള്‍ക്കും ഇറക്കാന്‍ ആനയുടമുകളും വാശി പിടിക്കും.