എംപ്ലോയ്മെന്റ് രജിസ്ട്രേഷന് പുതുക്കാന് ഒക്ടോബര് 31 വരെ അവസരം
03 SEPTEMBER 2026 07:58 PM IST
മലയാളി വാര്ത്ത
വിവിധ കാരണങ്ങളാല് എംപ്ലോയ്മെന്റ് രജിസ്ട്രേഷന് കൃത്യസമയത്ത് പുതുക്കാന് കഴിയാതിരുന്നവര്ക്ക് സീനിയോറിറ്റി നിലനിര്ത്തിക്കൊണ്ട് രജിസ്ട്രേഷന് പുതുക്കി നല്കാന് സര്ക്കാര് തീരുമാനിച്ചു. 2025 ജനുവരി ഒന്ന് മുതല് 2026 ഓഗസ്റ്റ് 31വരെയുള്ള കാലയളവില് രജിസ്ട്രേഷന് പുതുക്കാന് സാധിക്കാത്തവര്ക്കാണ് ഈ ആനുകൂല്യം ലഭിക്കുക. അര്ഹരായ ഉദ്യോഗാര്ത്ഥികള്ക്ക് 2026 ഒക്ടോബര് 31 വരെ തങ്ങളുടെ എംപ്ലോയ്മെന്റ് രജിസ്ട്രേഷന് പുതുക്കാവുന്നതാണ്. രജിസ്ട്രേഷന് പുതുക്കുന്നതിന് നിരവധി അപേക്ഷകള് തുടര്ച്ചയായി ലഭിച്ച സാഹചര്യത്തിലാണ്, ഉദ്യോഗാര്ത്ഥികളുടെ മുന്ഗണന (സീനിയോറിറ്റി) നഷ്ടപ്പെടാത്ത രീതിയില് കാലാവധി നീട്ടിനല്കിക്കൊണ്ട് തൊഴിലും നൈപുണ്യവും നാഷണല് എംപ്ലോയ്മെന്റ് സര്വീസ് വകുപ്പ് ഉത്തരവിറക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
