രണ്ട് ബസ്സുകളും തമ്മില് പൊരിഞ്ഞ തർക്കം... മുന്വശത്തെ ചില്ല് മറ്റൊരു ബസ്സിന്റെ ജീവനക്കാര് അടിച്ചുതകർത്തതോടെ സംഭവം കയ്യിന്ന് പോയി... സ്വകാര്യ ബസ്സ് ജീവനക്കാര് തമ്മിലുള്ള സംഘര്ഷത്തിനിടെ യാത്രക്കാരിയുടെ കണ്ണില് ചില്ല് തുളച്ച് കയറി.... യാത്രക്കാരെ ഞെട്ടിച്ച് കൊച്ചിയിൽ സ്വകാര്യ ബസ്ജീവനക്കാരുടെ വാക്ക് പോര്
കതൃക്കടവ് പള്ളിക്ക് സമീപം വെള്ളിയാഴ്ച രാവിലെ 10.15നാണ് സംഭവം. സ്വകാര്യബസ്സുകള് തമ്മിലുള്ള സമയത്തര്ക്കത്തില് യുവതിക്ക് വലതു കണ്ണിന് പരിക്ക്. തലയോലപ്പറമ്ബ് സ്വദേശിനിയായ അഭിഷ കെ. ഹരിഹരനാണ് പരിക്കേറ്റത്. ഫാല്ക്കണ് ബസ്സ് ജീവനക്കാരാണ് ഇവരെ ആശുപത്രിയില് എത്തിച്ചത്. തുടര്ന്ന് നടത്തിയ വിശദമായ പരിശോധനയില് കണ്ണില് സാരമായ. പരിക്കേറ്റതായി കണ്ടെത്തുകയും ചെയ്തു. കണ്ണില് നിന്നും ചില്ലിന്റെ ഏതാനും ചെറു കഷ്ണങ്ങള് കിട്ടിയതായും റിപ്പോര്ട്ടുണ്ട്.തലയോലപ്പറമ്ബ് എറണാകുളം റൂട്ടില് ഓടുന്ന ഫാല്ക്കണ് ബസ്സിന്റെ മുന്സീറ്റ് യാത്രക്കാരിയായിരുന്നു അഭിഷ.
ഈ സമയം പൂത്തോട്ട എറണാകുളം റൂട്ടിലെ പുത്തന്കാവിലമ്മ എന്ന ബസ്സിലെ ജീവനക്കാരുമായി ഫാല്ക്കോണ് ബസ്സ് ജീവനക്കാര് തര്ക്കത്തില് ഏര്പ്പെടുകയായിരുന്നു. തൃപ്പൂണിത്തുറ പുതിയകാവ് ഭാഗം മുതല് രണ്ട് ബസ്സുകളും തമ്മില് തര്ക്കമുണ്ടായിരുന്നു കതൃ ക്കടവ് പള്ളിയുടെ മുന്നിലെത്തിയപ്പോള് ഈ ബസ്സിന്റെ മുന്വശത്തെ ചില്ല് മറ്റൊരു ബസ്സിന്റെ ജീവനക്കാര് അടിച്ചുതകര്ക്കുകയായിരുന്നു. ഈ സമയം ബസ്സിന്റെ മുന്സീറ്റുകളില് ഇരുന്നിരുന്ന അഭിഷയുടെ കണ്ണില് ചില്ലിന്റെ കഷ്ണം തുളച്ചുകയറുകയായിരുന്നു.
https://www.facebook.com/Malayalivartha
