നെയ്യാറ്റിന്കര സ്വദേശികളായ ലേഖയും മകള് വൈഷ്ണവിയും ആത്മഹത്യ ചെയ്ത സംഭവത്തില് അറസ്റ്റിലായ ചന്ദ്രനെതിരെ നിര്ണായക മൊഴി പുറത്ത്... ഇരട്ട ആത്മഹത്യക്ക് കാരണക്കാരന് ഭര്ത്താവ് ചന്ദ്രനെന്ന് ആംബുലന്സില് വച്ച് ലേഖ പറഞ്ഞതായി അയല്വാസി
നെയ്യാറ്റിന്കര സ്വദേശികളായ ലേഖയും മകള് വൈഷ്ണവിയും ആത്മഹത്യ ചെയ്ത സംഭവത്തില് അറസ്റ്റിലായ ചന്ദ്രനെതിരെ നിര്ണായക മൊഴി. ഇരട്ട ആത്മഹത്യക്ക് കാരണക്കാരന് ഭര്ത്താവ് ചന്ദ്രനെന്ന് മരിച്ച ലേഖ പറഞ്ഞതായി അയല്വാസി പൊലീസിന് മൊഴി നല്കി. പൊള്ളലേറ്റ് ആശുപത്രിയിലേക്ക് കൊണ്ടുപോകുമ്പോള് ആംബുലന്സില് വെച്ചാണ് ലേഖ ചന്ദ്രനെപ്പറ്റി പറഞ്ഞതത്രെ. അയല്വാസിയുടെ മൊഴി പൊലീസ് രേഖപ്പെടുത്തി.
ആംബുലന്സ് ജീവനക്കാരുടെ മൊഴിയും അയല്വാസിയുടെ രഹസ്യമൊഴിയും രേഖപ്പെടുത്തും. കസിലെ പ്രതികളായ ഭര്ത്താവ് ചന്ദ്രന്, ഭര്തൃമാതാവ് കൃഷ്ണമ്മ, അവരുടെ സഹോദരി ശാന്തമ്മ, ഭര്ത്താവ് കാശിനാഥന് എന്നിവര്ക്കെതിരെ ഗാര്ഹികപീഡനനിരോധന നിയമപ്രകാരവും കേസെടുത്തു. ആദ്യം ആത്മഹത്യാപ്രേരണക്കുറ്റമാണ് പൊലീസ് ചുമത്തിയിരുന്നത്.
വീട്ടില് നടത്തിയ കൂടുതല് പരിശോധനയെ തുടര്ന്നാണ് ഗാര്ഹികപീഡനനിരോധന നിയമപ്രകാരമുള്ള കുറ്റവും ചുമത്തിയത്.ഭര്ത്താവും ബന്ധുക്കളും ലേഖയെ മാനസികമായും ശാരീരികമായും പീഡിപ്പിച്ചതിന് തെളിവു കിട്ടിയ സാഹചര്യത്തിലാണ് നടപടി. റിമാന്ഡില് കഴിയുന്ന പ്രതികളെ കസ്റ്റഡിയില് വാങ്ങാന് പൊലീസ് തീരുമാനിച്ചു. ചന്ദ്രനെയും കാശിനാഥനെയും കസ്റ്റഡിയില് ആവശ്യപ്പെട്ട് പൊലീസ് അപേക്ഷ നല്കും.
അതേസമയം മാതാവും മകളും ആത്മഹത്യ ചെയ്ത സംഭവത്തില് ബാങ്കിന്റെ ജപ്തി ഭീഷണി ഉള്പ്പെടെ കാര്യങ്ങളും പൊലീസ് അന്വേഷിക്കുന്നു. ബാങ്ക്വായ്പയുടെ പേരില് വീട്ടില്നിന്ന് ഇറങ്ങേണ്ടിവരുമെന്ന ഭയവും ആത്മഹത്യക്ക് കാരണമായെന്നാണ് ആത്മഹത്യക്കുറിപ്പിന്റെ അടിസ്ഥാനത്തിലുള്ള പൊലീസ് നിഗമനം. കനറാ ബാങ്ക് ശാഖയില്നിന്ന് എടുത്ത വായ്പ തിരിച്ചടക്കാത്തതിനെതുടര്ന്ന് ബാങ്കില്നിന്ന് ജപ്തി ഭീഷണിയുണ്ടായിരുന്നു. അതിന് പിന്നാലെയായിരുന്നു ആത്മഹത്യ.
വായ്പയുടെയും ജപ്തിനടപടികളുടെയും രേഖകളുമായി തിങ്കളാഴ്ച അന്വേഷണ ഉദ്യോഗസ്ഥനായ സി.ഐ ബിജു വി. നായര്ക്ക് മുന്നില് ഹാജരാകാന് കനറാ ബാങ്ക് മാനേജര്ക്കും മൂന്ന് ജീവനക്കാര്ക്കും പൊലീസ് നോട്ടീസ് നല്കി.
എന്നാല് ഇരട്ട ആത്മഹത്യക്ക് മന്ത്രവാദവും കാരണമായെന്ന ആരോപണം തെളിയിക്കുന്ന തെളിവുകള് ലഭിച്ചില്ലെന്ന് പൊലീസ്. വീട്ടില് മന്ത്രവാദവും പൂജയും പതിവായിരുന്നെന്നും ജപ്തിനോട്ടീസുകളും ലോട്ടറി ടിക്കറ്റുകളും വീടിന് സമീപത്തെ പൂജത്തറയില് വെക്കുമായിരുന്നെന്നും ലേഖയുടെ ആത്മഹത്യക്കുറിപ്പില് ചൂണ്ടിക്കാട്ടിയിരുന്നു. കഴിഞ്ഞ തിങ്കളാഴ്ചയും വീട്ടില് പൂജ നടന്നതായി തെളിവ് ലഭിച്ചിട്ടുണ്ട്. എന്നാല്, മന്ത്രവാദം സംബന്ധിച്ച് തെളിവ് ലഭിച്ചിട്ടില്ല. മന്ത്രവാദിയുടെ നിര്ദേശാനുസരണമാണ് ചന്ദ്രനും മാതാവും തന്നെ പീഡിപ്പിച്ചിരുന്നതെന്നും വീട്ടില്നിന്ന് ഇറങ്ങിപ്പോകാന് പറയുമായിരുന്നെന്നുമാണ് ലേഖ കുറിപ്പില് വ്യക്തമാക്കിയിരുന്നത്. ് പൊലീസ് ചില ദിവ്യന്മാരെ കേന്ദ്രീകരിച്ച് അന്വേഷണം നടത്തുന്നുണ്ട്.
https://www.facebook.com/Malayalivartha
