മുക്കൂട്ടുതറയില്‍ നിന്ന് കാണാതായ കോളേജ് വിദ്യാര്‍ത്ഥിനി ജെസ്‌ന മരിയ ജെയിംസിന്റെ  കേസില്‍ െ്രെകം ബ്രാഞ്ച് ആറു മാസം അന്വേഷിച്ചിട്ടും സൂചനയൊന്നുമില്ലാത്ത സാഹചര്യത്തില്‍ ഫയല്‍ മടക്കാന്‍ നീക്കം. ജെസ്‌ന ജീവിച്ചിരിപ്പുണ്ടോ എന്നുപോലും വ്യക്തമായ ഒരു സൂചനയും ലഭിക്കാത്ത സാഹചര്യത്തില്‍ ഒരു സ്പഷല്‍ ടീമിനെ മാറ്റിവയ്ക്കുന്നതില്‍ അര്‍ഥമില്ലെന്നാണ് െ്രെകം ബ്രാഞ്ചിന്റെ അഭിപ്രായം. ഭാഗികമായ അന്വേഷണം സാധ്യതകളുടെ അടിസ്ഥാനത്തില്‍ ഇപ്പോഴും നടത്തുന്നുണ്ടെന്നാണ് െ്രെകം ബ്രാഞ്ച് പറയുന്നത്.

2018 മാര്‍ച്ച് 21നാണ് മുക്കൂട്ടുതറ കുന്നത്ത് ജയിംസിന്റെ മകളും കാഞ്ഞിരപ്പള്ളി സെന്റ് ഡൊമിനിക്‌സ് കോളജ് രണ്ടാം വര്‍ഷം ബികോം വിദ്യാര്‍ഥിനിയുമായിരുന്ന ജെസ്‌ന മരിയ ജയിംസിനെ (19) കാണാതായത്. രാവിലെ എട്ടരയോടെ വീട്ടില്‍ നിന്ന് പുഞ്ചവയലിലുള്ള ബന്ധുവീട്ടിലേക്ക് എന്ന സൂചനയില്‍ പുറപ്പെട്ട ജെസ്‌ന ഓട്ടോ റിക്ഷയില്‍ മുക്കൂട്ടുതറ കവലയിലും തുടര്‍ന്ന് ബസില്‍ എരുമേലി വരെയും എത്തിയതായാണ് സൂചന.

പിന്നീട് എവിടേക്കു പോയെന്ന് ഒരു വര്‍ഷവും രണ്ടു മാസവും പിന്നിട്ട അന്വേഷണത്തില്‍ സൂചനയൊന്നുമില്ല. ലോക്കല്‍ പോലീസും പിന്നീട് െ്രെകം ബ്രാഞ്ചും അന്വേഷിച്ച തിരോധാന കേസിലെ ഫയലുകള്‍ ഏറെക്കുറെ മടക്കിയ മട്ടാണ്. സൂചനയുടെ അംശംപോലുമില്ലാതെ അന്വേഷണം തുടരുന്നതില്‍ താല്‍പര്യമില്ലെന്ന് പോലീസ് കോടതിയെ ധരിപ്പിച്ചേക്കും. കേസ് സിബിഐ അന്വേഷണിക്കണമെന്ന് ആവശ്യപ്പെട്ട് മുന്പ് ബന്ധുക്കള്‍ ഹൈക്കോടതിയെ സമീപിച്ചിരുന്നു. അന്വേഷണം നിറുത്താനാണ് താല്‍പര്യമെന്ന് പോലീസ് വ്യക്തമാക്കുന്ന സാഹചര്യത്തില്‍ കോടതി തുടര്‍ നടപടി നിര്‍ദേശിക്കണം.