കുഞ്ഞുങ്ങളുടെ സുരക്ഷിതയാത്രയ്ക്കായി സ്കൂള് വാഹനങ്ങളില് മോട്ടോര് വാഹനവകുപ്പിന്റെ പരിശോധന, ഈ വര്ഷം മുതല് സ്കൂള് ബസുകളില് ജി.പി.എസ് നിര്ബന്ധമാക്കി
പുതിയ അധ്യയന വര്ഷം തുടങ്ങാനിരിക്കെ സ്കൂള് ബസുകളില് പരിശോധന നടത്തി സുരക്ഷ സംവിധാനങ്ങളും ക്രമീകരണങ്ങളും ഉറപ്പുവരുത്താന് മോട്ടോര് വാഹനവകുപ്പിന്റെ നിര്ദേശം. ജൂണ് ഒന്നിനു മുമ്പ് എല്ലാ സ്കൂള് വാഹനങ്ങളിലും പരിശോധന നടത്തണമെന്ന് ആര്.ടി.ഒമാരോടും ജോയന്റ് ആര്.ടി.ഒമാരോടുമാണ് ആവശ്യപ്പെട്ടിരിക്കുന്നത്. ഈ വര്ഷം മുതല് സ്കൂള് ബസുകളില് ജി.പി.എസ് നിര്ബന്ധമാക്കിയിട്ടുണ്ട്.
ജി.പി.എസ് സംവിധാനം ഘടിപ്പിച്ച ശേഷം അത് മോട്ടോര്വാഹന വകുപ്പിനെ അറിയിച്ച് ടാഗ് ചെയ്യണം. ഇതുള്പ്പെടെ നിര്ദേശങ്ങള് പാലിച്ചില്ലെങ്കില് ബസുകള് നിരത്തിലിറങ്ങാന് അനുവദിക്കില്ല. കഴിഞ്ഞ വര്ഷമാണ് സ്കൂള് ബസുകളില് ജി.പി.എസ് സംവിധാനം ഏര്പ്പെടുത്താന് തീരുമാനിച്ചത്.
എന്നാല്, പദ്ധതി നടപ്പാക്കാതെ നീട്ടിക്കൊണ്ടു പോവുകയായിരുന്നു.ഏപ്രില് ഒന്നിന് കേന്ദ്രസര്ക്കാര് പുറപ്പെടുവിച്ച വിജ്ഞാപന പ്രകാരമുള്ള മറ്റു നിര്ദേശങ്ങളും ഇതോടൊപ്പം നടപ്പാക്കും. എല്ലാ വാഹനങ്ങളിലും വേഗപ്പൂട്ട് ഘടിപ്പിക്കണമെന്നതാണ് അതില് പ്രധാനം. വാഹനങ്ങള് ഡ്രൈവര്മാര് പരിശോധനക്ക് എത്തിച്ച് സര്ട്ടിഫിക്കറ്റുകള് നേടണം. വാഹനങ്ങളുടെ ടയറുകളുടെ കാര്യക്ഷമത, ലൈറ്റുകള് വൈപ്പര് ബ്ലേഡുകള്, എമര്ജന്സി ഡോറുകള്, ഡോര് ഹാന്ഡിലുകള്, കര്ട്ടനുകള്, കുട്ടികളുടെ ഇരിപ്പിടം, പഠന സാമഗ്രികള് വെക്കുന്ന ഇടം തുടങ്ങിയവ പരിശോധിക്കണമെന്ന് ആര്.ടി.ഒ മാര്ക്ക് നിര്ദേശം നല്കിയിട്ടുണ്ട്.
കൂടാതെ, സ്കൂള് ബസുകള് ഓടിക്കുന്ന െ്രെഡവര്മാര്ക്ക് ഒരു ദിവസത്തെ അവബോധന ക്ലാസ് നല്കും. ക്ലാസില് പങ്കെടുക്കുന്നവരെ മാത്രമേ സ്കൂള് ബസ് ഓടിക്കാന് അനുവദിക്കൂ. കുട്ടികളുമായി സ്കൂളില് പോകുന്ന കരാര് വാഹനങ്ങള് 'ഓണ് സ്കൂള് ഡ്യൂട്ടി' എന്ന് എഴുതി പ്രദര്ശിപ്പിക്കണമെന്നതും നിര്ദേശങ്ങളിലുണ്ട്
"
https://www.facebook.com/Malayalivartha
