, പോളിംഗ് ഏജന്റ് ആവശ്യപ്പെട്ടാല്‍ മുഖം കാണിക്കണമെന്നും അദ്ദേഹം മാധ്യമങ്ങളിലൂടെ ആവശ്യപ്പെട്ടു. എല്ലാരും മുഖം മറച്ച് വരുന്നത് ശരിയല്ല. മുഖം മൂടികളുടെ തെരഞ്ഞെടുപ്പായി മാറ്റാനാകില്ല. വോട്ടര്‍ ആരാണെന്ന് തിരിച്ചറിയാന്‍ അവകാശമുണ്ട്. റീ പോളിംഗ് നടക്കുന്നിടത്ത് തെരഞ്ഞെടുപ്പ് കമ്മീഷന്‍ യാതോരു വിധത്തിലുമുള്ള മുന്നൊരുക്കങ്ങള്‍ നടത്തിയിട്ടില്ലെന്നും കോടിയേരി കുറ്റപ്പെടുത്തി. ആരുടെയൊക്കെയോ സമ്മര്‍ദ്ദത്തിന് വഴങ്ങിയാണ് കമ്മീഷന്‍ റീ പോളിംഗ് നടത്തുന്നത്. ദൂരെ സ്ഥലങ്ങളില്‍ നിന്നുള്ളവര്‍ക്ക് വോട്ട് ചെയ്യാനുള്ള അവസരം നിഷേധിച്ചെന്നും ചൂണ്ടിക്കാട്ടി. ഗൗരവത്തോടെ പ്രവര്‍ത്തിക്കാന്‍ കമ്മീഷനാകുന്നില്ല. കൂടുതല്‍ ബൂത്തുകളില്‍ റീപോളിംഗ് ആവശ്യമെങ്കില്‍ ആദ്യം പ്രഖ്യാപിക്കാമായിരുന്നില്ലേ എന്നും കോടിയേരി ചോദിച്ചു.

ആദ്യം നാല് ബൂത്തുകളില്‍ റീപോളിംഗ് പ്രഖ്യാപിച്ച കമ്മീഷന്‍ എന്തുകൊണ്ട് കൂടുതല്‍ ബൂത്തുകളില്‍ റീപോളിംഗ് ആവശ്യമായിരുന്നെങ്കില്‍ ആദ്യമേ പ്രഖ്യാപിച്ചില്ലെന്നും കോടിയേരി ചോദിച്ചു. ഇന്നലെ കാസര്‍കോട്ട് ഉണ്ടായ സംഘര്‍ഷത്തിനിടെ ഏഷ്യാനെറ്റ് റിപ്പോര്‍ട്ടറെ മര്‍ദ്ദിച്ച സംഭവത്തെ കോടിയേരി അപലപിച്ചു. മാധ്യമപ്രവര്‍ത്തകര്‍ക്കെതിരെ ആരും ആക്രമം നടത്തരുത്. സി.പി.എം പ്രവര്‍ത്തകരുടെ ഭാഗത്ത് ഇന്ന് ഇത്തരമൊരു സംഭവം ഉണ്ടാകാന്‍ പാടില്ലായിരുന്നു. ഇതേക്കുറിച്ച് അന്വേഷിക്കുമെന്നും കോടിയേരി വ്യക്തമാക്കി. റീപ്പോളിംഗിനിടെ യു.ഡി.എഫ് സ്ഥാനാര്‍ത്ഥി രാജ്‌മോഹന്‍ ഉണ്ണിത്താനെ സി.പി.എം പ്രവര്‍ത്തകര്‍ തടഞ്ഞതിന്റെ ദൃശ്യങ്ങള്‍ പകര്‍ത്തുന്നതിനിടെയാണ് ഏഷ്യാനെറ്റിന്റെ റിപ്പോര്‍ട്ടറെ ആക്രമിച്ചത്. 

സി.പി.എം, മുസ്്‌ലിംലീഗ് പ്രവര്‍ത്തകര്‍ കള്ളവോട്ട് ചെയ്‌തെന്ന് സ്ഥിരീകരിച്ചതിനെ തുടര്‍ന്ന് സംസ്ഥാനത്തെ ഏഴ് ബൂത്തുകളില്‍ തെരഞ്ഞെടുപ്പ് കമീഷന്‍ റീ പോളിങ് പ്രഖ്യാപിക്കുകയായിരുന്നു. അതിനെതിരെയാണ് കോടിയേരി ബാലകൃഷ്ണന്‍ രംഗത്തെത്തിയത്. കാസര്‍കോട് ലോക്‌സഭാ മണ്ഡലത്തില്‍ കല്യാശേരിയിലെ ബൂത്ത് നമ്പര്‍ 19 പിലാത്തറ യുപിഎസ്, ബൂത്ത് നമ്പര്‍ 69 പുതിയങ്ങാടി ജുമാഅത്ത് എച്ച് എസ് നോര്‍ത്ത് ബ്‌ളോക്ക്, ബൂത്ത് നമ്പര്‍ 70 ജുമാഅത്ത് എച്ച് എസ് സൗത്ത് ബ്‌ളോക്ക് എന്നിവിടങ്ങളിലും തളിപ്പറമ്പ് ബൂത്ത് നമ്പര്‍ 166 പാമ്പുരുത്തി മാപ്പിള എ യു പി എസ് എന്നിവിടങ്ങളിലും ധര്‍മ്മടത്തെ കുന്നിരിക്ക, വേങ്ങോട്, തൃക്കരിപ്പൂരില്‍ കൂളിയാട് ജിഎച്ച്എസ് ബൂത്തുകളിലാണ് റീ പോളിംഗ് നടക്കുന്നത്.

സി.പി.എമ്മിന്റെ പഞ്ചായത്ത് അംഗം ഉള്‍പ്പെടെ കള്ളവോട്ട് ചെയ്‌തെന്ന് തെരഞ്ഞെടുപ്പ് കമ്മീഷന്‍ വെബ്കാസ്റ്റിംഗിലൂടെ കണ്ടെത്തുകയും യു.ഡി.എഫ് പരാതി നല്‍കുകയും ചെയ്തതോടെയാണ് വിവാദം തുടങ്ങിയത്. കള്ളവോട്ടല്ല ഓപ്പണ്‍ വോട്ടാണ് ചെയ്തതെന്ന് സി.പി.എം കണ്ണൂര്‍ ജില്ലാ സെക്രട്ടറി എം.വി ജയരാജന്‍ ന്യായീകരിച്ചെങ്കിലും അതേശിയില്ല. കള്ളവോട്ട് നടന്നെന്ന് കളക്ടര്‍ സംസ്ഥാനത്തെ മുഖ്യതെരഞ്ഞെടുപ്പ് ഓഫീസര്‍ക്ക് റിപ്പോര്‍ട്ട് നല്‍കി. തുടര്‍ന്ന് മുഖ്യതെരഞ്ഞെടുപ്പ് ഓഫീസറായ ടിക്കാറാം മീണ മാധ്യമങ്ങളിലൂടെ വാര്‍ത്ത പുറത്ത് വിട്ടു. പിന്നാലെ മുസ്്‌ലിംലീഗുകാര്‍ കള്ളവോട്ട് ചെയ്തതിന്റെ ദൃശ്യങ്ങളും പുറത്തായി. ആ സംഭവത്തിലും തെരഞ്ഞെടുപ്പ് കമ്മീഷന്‍ നടപടിയെടുത്തു. പൊലീസ് കേസ് രജിസ്റ്റര്‍ ചെയ്തു.