ചാമക്കാലയല്ല ചാമക്കാളയാ! രാഹുല് ഗാന്ധിപോലും മോദിജി എന്ന് മാത്രം പറയുന്ന മോദിയെ ചാനല് ചര്ച്ചക്കിടെ ഫ്രോഡെന്ന് വിളിച്ച ജ്യോതികുമാര് ചാമക്കാലയെ പൊളിച്ചടുക്കി ബിജെപി സൈബര്പ്പട; അഞ്ചലിലെ വസതിയിലേക്ക് പ്രകടനവും കോലം കത്തിക്കലും
ചാനല് ചര്ച്ചകളില് നാക്ക് വരുത്തി വയ്ക്കുന്ന വിനയ്ക്കുള്ള ഫലമാണ് കോണ്ഗ്രസ് നേതാവ് ജ്യോതികുമാര് ചാമക്കാല അനുഭവിക്കുന്നത്. ഇന്ത്യന് പ്രധാനമന്ത്രിയെ ഫ്രോഡ് എന്നാണ് ജ്യോതികുമാര് ചാമക്കാല വിളിച്ചത്. രാഹുല് ഗാന്ധിയെ ഈ കോണ്ഗ്രസുകാരന് കണ്ട് പഠിക്കണമെന്നാണ് ജനം പറയുന്നത്. എത്ര വിമര്ശനം ഉന്നയിച്ചാലും രാഹുലിനെ ശ്രദ്ധിക്കുക. മോദിജീ എന്ന് വിളിച്ചാണ് വിമര്ശനം ഉന്നയിക്കുന്നത്. ഇവിടെയാകട്ടെ ആര്ക്കും എന്തും വിളിക്കാമല്ലോ. അദ്ദേഹത്തിന്റെ പദവിയെപ്പോലും വില കല്പ്പിക്കില്ല. ഇങ്ങനെ വാദം മുറുകുമ്പോള് ഫേസ്ബുക്ക് തുറക്കാന് ജ്യോതികുമാര് ചാമക്കാലയ്ക്ക് വയ്യ. അത്രയ്ക്ക് അറപ്പും വെറുപ്പുമുള്ള ഭാഷയിലാണ് അറ്റാക്ക് വരുന്നത്. അതിനിടെ അഞ്ചലിലെ ചാമക്കാലയുടെ വസതിയിലേക്ക് പ്രകടനവും കോലം കത്തിക്കലും നടന്നു.
മാതൃഭൂമി ചാനല് ചര്ച്ചക്കിടെയാണ് വാക്പ്പോര് നടന്നത്. കൊണ്ഗ്രസ് നേതാവ് ജ്യോതികുമാര് ചാമക്കാല ക്ഷുഭിതനായി പ്രധാനമന്ത്രി മോദിയെ ഫ്രോഡ് എന്ന് വിളിച്ചതോടെ ബിജെപി പക്ഷത്തു നിന്ന് ചര്ച്ചയ്ക്ക് വന്ന സന്ദീപ് വാര്യര് ക്ഷമ പറയണമെന്ന് പറഞ്ഞു. ഇതോടെ ഇരുവരും തമ്മില് കടുത്ത വാഗ്വാദം നടന്നു. ഇതിനിടെ സന്ദീപ് വാര്യര് ജ്യോതികുമാര് ചാമക്കാലയെ പൊളിച്ചടുക്കുകയും ചെയ്തിരുന്നു.
ഇതിനെ തുടര്ന്ന് സോഷ്യല് മീഡിയ ഈ വിഷയം ഏറ്റെടുക്കുകയും ചാമക്കാലയുടെ പോസ്റ്റില് പൊങ്കാല നടക്കുകയുമാണ്. ചാമക്കാലയ്ക്കെതിരെയുള്ള പഴയ പീഡന വാര്ത്തകളുമായാണ് സൈബര് ബിജെപി അനുഭാവികള് പോസ്റ്റില് കമന്റിടുന്നത്. കോണ്ഗ്രസ് പാര്ട്ടിയുടെ മുതിര്ന്ന നേതാക്കള്ക്കെതിരെയും ആക്രമണം നടക്കുന്നുണ്ട്. പലപ്പോഴും ആക്രമണം അതിര് വിടുന്നുമുണ്ട്.
പ്രധാനമന്ത്രി നരേന്ദ്രമോദിയുടെയും ബിജെപി അധ്യക്ഷന് അമിത്ഷായുടെയും പത്രസമ്മേളനത്തെക്കുറിച്ചുള്ള മാതൃഭൂമി ന്യൂസ് സൂപ്പര് െ്രെപം ടൈം ചര്ച്ചയില് കോണ്ഗ്രസ് ബിജെപി നേതാക്കള് പോരടിച്ചതിന്റെ തുടര്ച്ചയായി സോഷ്യല് മീഡിയയില് യുദ്ധം മുറുകുകയാണ്. ഇത് ചാമക്കാലയല്ല ചാമക്കാളയാണെന്നാണ് സൈബര് പോരാളികളുടെ വാദം.
പ്രധാനമന്ത്രി നരേന്ദ്രമോദി ഫ്രോഡെന്ന് കോണ്ഗ്രസ് വക്താവ് ജ്യോതികുമാര് ചാമക്കാല പറഞ്ഞതോടെയാണ് കാര്യങ്ങള് വഷളായത്. ബിജെപി പ്രതിനിധി സന്ദീപ് വാര്യര് പ്രകോപിതനായതോടെ വാടാ പോടാ വിളിയിലേയ്ക്ക് തര്ക്കം മാറി. അവതാരകന് വളരെ പണിപ്പെട്ടാണ് ഇരുവരെയും നിയന്ത്രിച്ച് ചര്ച്ച സാധാരണ നിലയിലേയ്ക്ക് എത്തിച്ചത്.
ബിജെപി പ്രവര്ത്തകര് ചാമക്കാലയുടെ പേജിലാണ് സൈബര് യുദ്ധം നടത്തുന്നത്. മോദിയെ ഫ്രോഡ് എന്ന് വിളിക്കാമെങ്കില് സോണിയ ഗാന്ധിയെ വെപ്പാട്ടി എന്ന് വിളിക്കാമെന്നാണ് വിഷ്ണു അമ്പാടിയെന്ന ഒരു ബിജെപി പ്രവര്ത്തകന്റെ കമന്റ്. രാജീവ് ഗാന്ധിയെ അഴിമതിക്കാരനെന്ന് വിളിക്കുന്ന മോദിയെ പിന്നെന്ത് വിളിക്കണമെന്ന് കോണ്ഗ്രസ് പ്രവര്ത്തകരും ചോദിക്കുന്നു.
ചാമക്കാലയ്ക്കു നേരെ കടുത്ത രീതിയിലുള്ള പരാമര്ശങ്ങളാണ് നടന്നു കൊണ്ടിരിക്കുന്നത്. തന്തയ്ക്കു വിളി മുതല് കള്ളാ വിളി വരെ. ചാമക്കാലയെ തെമ്മാടിയെന്നു വിളിച്ച സന്ദീപ് വാര്യര്ക്ക് ജയ് വിളിച്ചുകൊണ്ടും ബിജെപി അനുകൂല പ്രവര്ത്തകര് കൂട്ടത്തോടെ എത്തുന്നുണ്ട്. ചാമക്കാല മാപ്പ് പറയാതെ അടങ്ങില്ലെന്നാണ് പോരാളികള് പറയുന്നത്.
https://www.facebook.com/Malayalivartha
