പ്രധാനമന്ത്രി നരേന്ദ്ര മോദി കേദാര്‍നാഥിലെ ധ്യാനം പൂര്‍ത്തിയാക്കി പുറത്തിറങ്ങിയത് മറ്റൊരു മനുഷ്യനായി. ബിജെപി അധികാരത്തിലെത്തില്ലെന്ന് പറഞ്ഞവര്‍ക്ക് കൃത്യമായ മറുപടി നല്‍കിയാണ് മോദി മലയിറങ്ങിയത്. കേദാര്‍നാഥില്‍ പ്രകൃതിയ്ക്ക് അനുയോജ്യമായ രീതിയില്‍ വികസനം നടപ്പാക്കുമെന്നാണ് മോഡി പത്രക്കാരോട് പറഞ്ഞത്. അതായത് സുരേഷ് ഗോപിയുടെ ഭാഷയില്‍ ഇന്ത്യ ഞാനിങ്ങ് എടുക്കുവാ... വീണ്ടും പ്രധാനമന്ത്രിയാകും. പ്രതിപക്ഷ കക്ഷികള്‍ എങ്ങനേം ഒത്തുവന്നാല്‍ തട്ടിക്കൂട്ട് മന്ത്രിസഭയുണ്ടാക്കാന്‍ ഓടി നടക്കുകയാണ്. അതിനിടയില്‍ ഇന്ന് എക്‌സിറ്റ് ഫലങ്ങളും വരും. അതില്‍ ഭൂരിഭാഗത്തിലും മോഡി വീണ്ടും പ്രധാനമന്ത്രിയാകുമെന്നാണ് കണക്കാക്കുന്നതെന്നാണ് പുറത്തു വരുന്ന സൂചന. ഇത് മുന്നില്‍ കണ്ടാണ് മോദി ഒരുമുഴം മുന്നെ എറിഞ്ഞത്. 

ഉത്തരാഖണ്ഡിലെ രുദ്രാ ഗുഹയിലായിരുന്നു മോദി ഏകാന്ത ധ്യാനം നടത്തിയത്. ധ്യാനം അവസാനിപ്പിച്ച മോദി കേദാര്‍നാഥ് ക്ഷേത്രത്തിലേക്ക് ദര്‍ശനത്തിനായി പോകും. ക്ഷേത്ര ദര്‍ശനത്തിന് ശേഷം അദ്ദേഹം ബദരിനാഥിലേക്കാണ് യാത്ര.

നേരത്തെ കേദാര്‍നാഥില്‍ ഒരു മണിക്കൂര്‍ ധ്യാനം എന്നായിരുന്നു അറിയിപ്പ്. പിന്നീട് തീരുമാനം മാറ്റുകയായിരുന്നു. സമുദ്രനിരപ്പില്‍ നിന്ന് 12200 അടി മുകളിലാണ് രുദ്ര ഗുഹ. മോദിയുടെ ധ്യാനത്തിനായി പരിസരം മുഴുവന്‍ കനത്ത സുരക്ഷയായിരുന്നു ഏര്‍പ്പെടുത്തിയിരുന്നത്. പരമ്ബരാഗത പഹാഡി വസ്ത്രമണിഞ്ഞ്, രോമക്കമ്ബിളി പുതച്ച് കേദാര്‍നാഥ് ക്ഷേത്രത്തില്‍ ദര്‍ശനം നടത്തിയ ശേഷമാണ് മോദി രുദ്ര ഗുഹയിലെത്തി ധ്യാനം ആരഭിച്ചത്.

ഏറെ മൗനത്തിന് ശേഷമാണ് മോദി ഗുഹയില്‍ ധ്യാനത്തിനെത്തിയത്. ഫലം അറിയാന്‍ ഏതാനും ദിവസം ബാക്കിനില്‍ക്കെയാണ് നരേന്ദ്രമോദിയുടെ ഏകാന്തവാസവും ധ്യാനവും. 


കൂടെയെത്തിയ ക്യാമറാകണ്ണുകളെയെല്ലാം മടക്കി അയച്ച പ്രധാനമന്ത്രി ഇന്ന് രാവിലെ വരെ രുദ്രാ ഗുഹയില്‍ ഏകാന്ത ധ്യാനം നടത്തി. നേരത്തെ ഒരു മണിക്കൂര്‍ ധ്യാനം എന്നായിരുന്നു അറിയിപ്പ്. പിന്നീട് തീരുമാനം മാറ്റുകയായിരുന്നു. പരിസരം മുഴുവന്‍ കനത്ത സുരക്ഷയാണ് ഏര്‍പ്പെടുത്തിയിട്ടുള്ളത്. മോദിയുടെ ഏകാന്ത ധ്യാനം കഴിയുന്നതുവരെ പ്രദേശം സുരക്ഷാ ഉദ്യോഗസ്ഥരുടെ നിയന്ത്രണത്തിലായിരുന്നു.


പരമ്ബരാഗത പഹാഡി വസ്ത്രമണിഞ്ഞ്, രോമക്കമ്ബിളി പുതച്ച് കേദാര്‍നാഥ് ക്ഷേത്രത്തില്‍ ദര്‍ശനം നടത്തിയ ശേഷമാണ് മോദി രുദ്ര ഗുഹയിലെത്തി ധ്യാനം ആരഭിച്ചത്. നേരത്തെ അരമണിക്കൂറോളം മോദി ക്ഷേത്രത്തില്‍ ചെലവഴിച്ചിരുന്നു. ക്ഷേത്രം വലം വയ്ക്കുകയും ചെയ്തു.

ഉത്തരാഖണ്ഡിലെ തീര്‍ത്ഥയാത്രയ്ക്ക് ഒപ്പം, ഔദ്യോഗികാവശ്യത്തിന് കൂടിയാണ് മോദി ഉത്തരാഖണ്ഡിലെ കേദാര്‍ നാഥിലെത്തിയിരിക്കുന്നത്. ദില്ലിയിലേക്ക് തിരിക്കുംമുന്‍പ് ബദരീനാഥും സന്ദര്‍ശിക്കുമെന്നാണ് പറഞ്ഞത്. 

മോദി ധ്യാനം നയിക്കവെ രാജ്യം ആര് ഭരിക്കുമെന്നറിയാനായി അവസാനവട്ടക്കാരും ഇന്ന് പോളിംഗ് ബൂത്തിലേക്ക് എത്തി. ഏഴു സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമായി 59 ലോക്‌സഭാ മണ്ഡലങ്ങളില്‍ വോട്ടിംഗ് പുരോഗമിക്കുകയാണ്. ഉത്തര്‍പ്രദേശില്‍ 13, പശ്ചിമബംഗാളില്‍ 9, പഞ്ചാബില്‍13, മധ്യപ്രദേശില്‍ 8, ജാര്‍ഖണ്ഡില്‍ 3, ഹിമാചലില്‍ 4, ചണ്ഡീഗഡില്‍1 എന്നിങ്ങനെയാണ് ഇന്നു തെരഞ്ഞെടുപ്പു നടക്കുന്നത്. പത്തു കോടിയലധികം വോട്ടര്‍മാരാണ് ഇന്ന് പോളിംഗ് ബൂത്തിലെത്തുന്നത് 

പ്രധാനമന്ത്രി നരേന്ദ്രമോദിയാണ് വാരാണസിയില്‍ മത്സരിക്കുന്നത്. ബിഹാറിലെ പാറ്റ്‌ന സാഹിബില്‍ കേന്ദ്രമന്ത്രി രവിശങ്കര്‍ പ്രസാദും ബിജെപി വിട്ട് കോണ്‍ഗ്രസില്‍ ചേര്‍ന്ന സിറ്റിംഗ് എംപി ശത്രുഘ്‌നന്‍സിന്‍ഹയും ഏറ്റുമുട്ടുന്നു. കേന്ദ്രമന്ത്രി രാംകൃപാല്‍ യാദവ്, മുന്‍ ലോക്‌സഭാ സ്പീക്കര്‍ മീരാകുമാര്‍, ലാലുപ്രസാദ് യാദവിന്റെ മകള്‍ മിസാ ഭാരതി എന്നിവരും ജനവിധി തേടുന്നുണ്ട്.