ഞെട്ടലോടെ വീണജോര്ജ്... പത്തനംതിട്ടയില് കെ. സുരേന്ദ്രന് ജയിക്കുമെന്ന് എതിരാളികള് പോലും കണക്ക് കൂട്ടുന്നു; സിപിഎമ്മിന്റെ ഹിന്ദു വോട്ടുകളും സുരേന്ദ്രന് മറിഞ്ഞു; 67 ശതമാനം ഹിന്ദു വോട്ടുകള് ഏകീകരിച്ചെന്ന് കണക്കുകൂട്ടല്
23ന് വോട്ടെണ്ണല് ദിവസമാണ് വിഷു ഫലവും പുറത്തുവരുന്നത്. രണ്ടരക്കോടിയിലേറെ വോട്ടര്മാരുടെ മനസ് ഉച്ചയോടെ തെളിയുമെങ്കില് അഞ്ചുകോടിയുടെ വിഷു ബമ്പര് ഭാഗ്യം ആര്ക്കെന്ന വിവരം നാലുമണിയോടെ പുറത്തുവരും.
കേരളത്തില് പ്രവചനാതീത മണ്ഡലങ്ങളുടെ എണ്ണം ഇത്തവണ മുമ്പൊരിക്കലും ഉണ്ടാവാത്തവിധം കൂടുതലാണെന്ന് രാഷ്ട്രീയ നിരീക്ഷകര്പോലും സമ്മതിക്കുന്നു. ഫലം എങ്ങോട്ട് തിരിയുമെന്നറിയാത്ത നാലു മണ്ഡലങ്ങളെങ്കിലും എണ്ണിക്കഴിയുകയാണ് കേരളം. വടകര, ആലത്തൂര്, തിരുവനന്തപുരം, പത്തനംതിട്ട എന്നിവയാണ് കൂടുതല് ആകാംഷയേറ്റുന്ന ആ മണ്ഡലങ്ങള്. എല്ലാ അക്കവും ഒത്തുവരേണ്ടതുണ്ട് ചില മണ്ഡലങ്ങളിലെങ്കിലും അതാവട്ടെ പ്രവചനാതീതവും.
പത്തനംതിട്ടയില് 67 ശതമാനം ഹിന്ദു വോട്ടുകള് ഏകീകരിച്ചു എന്ന ബി.ജെ.പിയുടെ കണക്കുകൂട്ടല് കെ. സുരേന്ദ്രന് ബംബര് അടിക്കുമെന്ന പ്രതീക്ഷ ഉണര്ത്തുന്നു. തൃശൂര്, ചാലക്കുടി, കാസര്ഗോഡ് മണ്ഡലങ്ങളിലെ മല്സരാര്ഥികളും വോട്ടിങ് മെഷീനിലെ ഭാഗ്യം എങ്ങോട്ട് തിരിയുമെന്നറിയാതെ ദിവസങ്ങള് എണ്ണുകയാണ്.
അതേസമയം പത്തനംതിട്ടയില് കെ.സുരേന്ദ്രന്റെ വിജയം ഉറപ്പെന്ന് ബി.ജെ.പി പാര്ലമെന്റ് മണ്ഡലം നേതൃയോഗവും വിലയിരുത്തിയിരുന്നു. വലിയഭൂരിപക്ഷം ലഭിച്ചില്ലെങ്കിലും സുരേന്ദ്രന് ജയിക്കുമെന്ന വിലയിരുത്തലാണ് യോഗത്തിലുണ്ടായത്. ബി.ജെ.പി ദേശീയ നിര്വാഹക സമിതി അംഗം പി.കെ. കൃഷ്ണദാസിന്റെ നേതൃത്വത്തിലായിരുന്നു അവലോകന യോഗം.
രണ്ടാംതവണയാണ് ബി.ജെ.പി പത്തനംതിട്ട മണ്ഡലത്തില് നേതൃയോഗം ചേരുന്നത്. തിരഞ്ഞെടുപ്പില് ഭൂരിപക്ഷ ഏകീകരണം ഉണ്ടായി എന്നാണ് വിലയിരുത്തല്. ഇത് ബി.ജെ.പിയ്ക്ക് നേട്ടമുണ്ടാക്കി. യു.ഡി.എഫ്, എല്.ഡി.എഫ് കോട്ടകളില് വിള്ളലുണ്ടാക്കിയതിനൊപ്പം രണ്ടുമുന്നണികളുടേയും വോട്ട് നേടാനായി എന്നുമാണ് വിലയിരുത്തല്. ഈ സാഹചര്യത്തില് വിലിയ ഭൂരിപക്ഷം ലഭിച്ചില്ലെങ്കിലും പത്തനംതിട്ടയില് സുരേന്ദ്രന് വിജയിക്കുമെന്ന പ്രതീക്ഷയാണ് നേതാക്കള് പങ്കുവച്ചത്.
അതേസമയം ന്യൂനപക്ഷ ഏകീകരണം ഉണ്ടായിട്ടുണ്ടോ എന്നകാര്യത്തിലെ ആശങ്ക യോഗത്തില് ഒരു വിഭാഗം പങ്കുവച്ചു. ന്യൂനപക്ഷ ഏകീകരണം ഏതെങ്കിലും ഒരുമുന്നണിയിലേയ്ക്ക് മാത്രമായി കേന്ദ്രീകരിച്ചിട്ടുണ്ടെങ്കില് അത് ബി.ജെ.പിക്ക് ദോഷമുണ്ടാക്കും എന്നും നേതൃയോഗം വിലയിരുത്തി.
ശബരിമല വിഷയത്തിലൂന്നിയുള്ള പ്രചാരണം സംസ്ഥാനത്ത് ഏറ്റവും ഫലപ്രദമായി പ്രതിഫലിച്ചത് പത്തനംതിട്ടയില് ആണെന്നാണ് ബിജെപി നിരീക്ഷണം. ഹിന്ദു വോട്ട് എകീകരണം ഉണ്ടായി. ഇതിന്റെ ഗുണം കിട്ടുക കെ സുരേന്ദ്രന് തന്നെയായിരിക്കും. മറുവശത്ത് ന്യൂനപക്ഷ ഏകീകരണം ഏതെങ്കിലും ഒരു മുന്നണിക്ക് അനുകൂലമായി ഉണ്ടായിട്ടില്ല. നായര് വോട്ടുകളില് വലിയ ശതമാനം ലഭിച്ചിട്ടുണ്ട്. ഈഴവ വോട്ടുകളും അനുകൂലമായിട്ടുണ്ട്.
20000 മുതല് 30000 വരെ വോട്ടുകള് നേടി വിജയിക്കുമെന്നാണ് പാര്ട്ടി കീഴ് ഘടകങ്ങളില് നിന്ന് ലഭിച്ച വിവരത്തിന്റെ അടിസ്ഥാനത്തില് നേതൃത്വത്തിന്റെ നിരീക്ഷണം. തെരഞ്ഞെടുപ്പ് ഫല പ്രഖ്യാപനത്തിന് ശേഷം കേരളത്തിന്റെ രാഷ്ട്രീയ ചിത്രം തന്നെ മാറുമെന്ന് യോഗം ഉദ്ഘാടനം ചെയ്ത പികെ കൃഷ്ണദാസ് പറഞ്ഞു. ആദ്യ ഘട്ടത്തിലെ അവലോകന യോഗത്തേക്കാള് പ്രതീക്ഷയിലാണ് നേതാക്കളുള്ളത്.
https://www.facebook.com/Malayalivartha