നന്ദി വേണം നന്ദി... രാത്രിവരെ വെള്ളം കോരി സി. ദിവാകരന് വേണ്ടി ശക്തമായ പ്രചരണം നടത്തിയിട്ടും കാര്യം കഴിഞ്ഞപ്പോള് സിപിഎം നേതാക്കളെ തള്ളി പറയുന്നു; ചുട്ട മറുപടിയുമായി വി.എസ്. അച്യുതാനന്ദന്
തെരഞ്ഞെടുപ്പ് ഫലം പോലും വന്നിട്ടില്ല. അതിനിടയ്ക്ക് തിരുവനന്തപുരം എല്ഡിഎഫ് സ്ഥാനാര്ത്ഥി കൂടിയായ സി. ദിവാകരന് സിപിഎം നേതാക്കള്ക്കെതിരെ ആഞ്ഞടിച്ചിരിക്കുകയാണ്. അതും സിപിഎം അതികായന്മാരായ വിഎസ് അച്യുതാനന്ദന് തോമസ് ഐസക് എന്നിവര്ക്കെതിരേയാണ്. സിപിഐയ്ക്ക് വലിയ സ്വാധീനമില്ലാത്ത തിരുവനന്തപുരം ലോക്സഭാ മണ്ഡലത്തില് ദിവാകരന് വേണ്ടി ശക്തമായ പ്രചാരണം നടത്തിയത് സിപിഎമ്മുകാരാണ്. അവരെക്കൂടി അലോരസപ്പെടുത്തുന്നതായിരുന്നു ദിവാകരന്റെ വിമര്ശനം.
തോമസ് ഐസക്കിനെയും തന്നെയും വിമര്ശിച്ച മുന് മന്ത്രി സി ദിവാകരന് മറുപടിയുമായി വി എസ് അച്യുതാനന്ദന് തന്നെ രംഗത്തെത്തി. വിഎസ് സര്ക്കാറിന്റെ കാലത്ത് ധനമന്ത്രി തോമസ് ഐസക്ക് അനാവശ്യമായി ഫയലുകള് പിടിച്ചുവെക്കാറുണ്ടായിരുന്നുവെന്നയിരുന്നു ദിവാകരന്റെ വെളിപ്പെടുത്തല്.
വിഎസ് അധ്യക്ഷനായ ഭരണപരിഷ്കാര കമ്മീഷന് എന്താണ് ചെയ്യുന്നതെന്നും ദിവാകരന് പരിഹസിച്ചു. ഭരണ പരിഷ്കരണ കമ്മീഷന് പരാജയമാണെന്നും ഒരു മുന് മന്ത്രിക്ക് കൊമ്പുണ്ടെന്നും പറയുമ്പോള് ആ മന്ത്രിസഭയിലിരുന്ന മന്ത്രി എന്താണ് ചെയ്തു കൊണ്ടിരുന്നതെന്ന് ജനങ്ങള് അന്വേഷിക്കുമെന്നാണ് വിഎസിന്റെ മറുപടി.
അന്നത്തെ മാധ്യമ വാര്ത്തകള് അവര് അയവിറക്കും. മലര്ന്നു കിടന്ന് തുപ്പുന്നവര്ക്കറിയില്ല, ആരുടെ മുഖത്തേക്കാണവര് തുപ്പുന്നതെന്ന് വിഎസ് തുറന്നടിച്ചു. ഭരണ പരിഷ്കരണ കമ്മീഷന് ഇതിനകം മൂന്ന് റിപ്പോര്ട്ടുകള് പൂര്ത്തിയാക്കി സര്ക്കാരിന് സമര്പ്പിച്ചിട്ടുണ്ട്.
അതൊരു പരാജയമാണെന്ന് അഭിപ്രായമില്ല. സംസ്ഥാനത്തിന്റെ ധനകാര്യം കൈകാര്യം ചെയ്യുമ്പോള് ധനമന്ത്രിയുടെ പരിഗണനാ വിഷയങ്ങള് മുന്ഗണനാടിസ്ഥാനത്തിലായേ തീരൂ. അവിടെ ഘടകകക്ഷികളുടെ സ്വാര്ത്ഥ താല്പ്പര്യങ്ങള്ക്ക് മുന്ഗണന നല്കാനാവില്ലെന്നും വിഎസ് ഫേസ്ബുക്ക് പോസ്റ്റില് വ്യക്തമാക്കി.
റവന്യുമന്ത്രിയുടെ െ്രെപവറ്റ് സെക്രട്ടറി ഡി സാജു അനുസ്മരണയോഗത്തിലായിരുന്നു സി ദിവാകരന്റെ വിവാദ പരാമര്ശങ്ങള്. വിഎസ് സര്ക്കാറിന്റെ കാലത്ത് ധനമന്ത്രിയില് നിന്നും സിപിഐ മന്ത്രിമാര്ക്ക് വേണ്ടത്ര പിന്തുണ കിട്ടിയില്ലെന്നാണ് വിമര്ശനം.
വിഎസിന്റെ ഫേസ്ബുക്ക് പോസ്റ്റിന്റെ പൂര്ണരൂപം
പാര്ലമെണ്ടറി രാഷ്ട്രീയത്തില് പരാജയങ്ങളുണ്ടെന്ന് ഒരു എംഎല്എ പ്രഖ്യാപിക്കുമ്പോള്, അതൊരു വാര്ത്തയാവുകയാണ്. ഭരണ പരിഷ്കരണ കമ്മീഷന് പരാജയമാണെന്നും, ഒരു മുന് മന്ത്രിക്ക് കൊമ്പുണ്ടെന്നും പറയുമ്പോള്, ആ മന്ത്രിസഭയിലിരുന്ന മന്ത്രി എന്താണ് ചെയ്തുകൊണ്ടിരുന്നതെന്ന് ജനങ്ങള് അന്വേഷിക്കും. അന്നത്തെ മാധ്യമ വാര്ത്തകള് അവര് അയവിറക്കും. മലര്ന്നു കിടന്ന് തുപ്പുന്നവര്ക്കറിയില്ല, ആരുടെ മുഖത്തേക്കാണവര് തുപ്പുന്നതെന്ന്.
ഭരണ പരിഷ്കരണ കമ്മീഷനെ സംബന്ധിച്ച്, ഇതിനകം മൂന്ന് റിപ്പോര്ട്ടുകള് പൂര്ത്തിയാക്കി സര്ക്കാരിന് സമര്പ്പിച്ചിട്ടുണ്ട്. അതൊരു പരാജയമാണെന്ന് അഭിപ്രായമില്ല. സംസ്ഥാനത്തിന്റെ ധനകാര്യം കൈകാര്യം ചെയ്യുമ്പോള് ധനമന്ത്രിയുടെ പരിഗണനാ വിഷയങ്ങള് മുന്ഗണനാടിസ്ഥാനത്തിലായേ തീരൂ. അവിടെ ഘടകകക്ഷികളുടെ സ്വാര്ത്ഥ താല്പ്പര്യങ്ങള്ക്ക് മുന്ഗണന നല്കാനാവില്ല. എന്നാല്, ഇടതുപക്ഷത്തിന്റെ പ്രഖ്യാപിത നിലപാടുകളോട് പരിഗണനാ വിഷയങ്ങള് നീതി പുലര്ത്തുന്നില്ലെങ്കില് അത് പറയുന്നതില് തെറ്റുമില്ല.
https://www.facebook.com/Malayalivartha