ബി.ജെ.പി തിരുവനന്തപുരത്ത് മാത്രം വിജയിക്കുമെന്ന എക്സിറ്റ് പോള് പ്രവചനം ശരിയല്ലന്നും കൂടുതല് സീറ്റ് നേടുമെന്നും കുമ്മനം രാജശേഖരന്
ബി.ജെ.പി തിരുവനന്തപുരത്ത് മാത്രം വിജയിക്കുമെന്ന എക്സിറ്റ് പോള് പ്രവചനം ശരിയല്ലന്നും കൂടുതല് സീറ്റ് നേടുമെന്നും തിരുവനന്തപുരത്തെ ബി.ജെ.പി സ്ഥാനാര്ത്ഥി കുമ്മനം രാജശേഖരന്. തിരുവനന്തപുരത്ത് ന്യൂനപക്ഷ ഏകീകരണം ഉണ്ടായാല് അതിനെ മറികടക്കാന് ബി.ജെ.പി്ക്ക് സാധിക്കും. തിരുവനന്തപുരത്ത് ക്രോസ് വോട്ട് നടന്നിട്ടുണ്ടോ എന്നിപ്പോള് പറയാനാകില്ല. അങ്ങനെ നടന്നിട്ടുണ്ടെങ്കിലും ബി.ജെ.പിയുടെ സാദ്ധ്യതയെ ബാധിക്കില്ല. ക്രോസ് വോട്ടിംഗ് നടന്നാല് അത് ഇടത് മുന്നണിക്കാകും തിരിച്ചടിയുണ്ടാക്കുമെന്നും കുമ്മനം പറഞ്ഞു. തിരഞ്ഞെടുപ്പ് ഫലം വന്ന ശേഷം ബി.ജെ.പിയുടെ സംഘടനാ സംവിധാനത്തില് എന്തെങ്കിലും മാറ്റം ഉണ്ടാകുമോയെന്ന് ഇപ്പോള് പറയാനാകില്ലെന്നും അദ്ദേഹം വ്യക്തമാക്കി.
തിരുവനന്തപുരത്തിന് പുറമേ പത്തനംതിട്ടയിലും തൃശൂരിലും ബി.ജെ.പി വിജയസാധ്യത കാണുന്നു. പത്തനംതിട്ടയില് ഹൈന്ദവ വോട്ടുകളുടെ ഏകീകരണം നടന്നെന്നാണ് എന്.ഡി.എ ഉറപ്പിക്കുന്നു. എന്.എസ്.എസ് തങ്ങളെ തുണച്ചെന്ന് ബി.ജെ.പിയും വ്യക്തമാക്കുന്നു. അങ്ങനെയെങ്കില് സുരേന്ദ്രന് വിജയിക്കാനുള്ള സാധ്യതയുണ്ട്. എന്നാല് മൂന്ന് ശതമാനം വോട്ടുകള്ക്ക് യു.ഡി.എഫിലെ ആന്റോ ആന്റണി വിജയിക്കുമെന്നാണ് എക്സിറ്റ് പോള് ഫലങ്ങള് പറയുന്നത്. എല്.ഡി.എഫ് സ്ഥാനാര്ത്ഥി വീണാ ജോര്ജ്ജ് മൂന്നാം സ്ഥാനത്തേക്ക് പോകുമെന്നും എക്സിറ്റ് പോളുകള് പ്രവചിക്കുന്നു. പത്തനംതിട്ടയില് പാര്ട്ടി ദേശീയ അധ്യക്ഷന് അമിത്ഷാ ഉള്പ്പെടെ വന്നാണ് കെ.സുരേന്ദ്രന് വേണ്ടി പ്രചരണം നടത്തിയത്.
തൃശൂരില് സുരേഷ്ഗോപി സ്ഥാനാര്ത്ഥിയായത് തിരിച്ചടിയായെന്ന് ബി.ജെ.പി സംസ്ഥാന നേതൃയോഗത്തില് വമര്ശനം ഉയര്ന്നെങ്കിലും അദ്ദേഹത്തിന് നല്ല മുന്നേറ്റം ഉണ്ടാക്കാനായെന്നാണ് എക്സിറ്റ്പോള് ഫലങ്ങള് പറയുന്നത്. നടന് ശ്രീനിവാസനും ഇക്കാര്യം വ്യക്തമാക്കി. തൃശൂരില് യു.ഡി.എഫിന് പരാജയഭീതിയുണ്ടെന്ന് സ്ഥാനാര്ത്ഥി ടി.എന് പ്രതാപന്റെ വാക്കുകള് സൂചിപ്പിച്ചിരുന്നു. പിന്നീട് അദ്ദേഹമത് മാറ്റിപ്പറയുകയും ചെയ്തു. ചെറിയ ശതമാനം വോട്ടിന് പ്രതാപന് ജയിക്കുമെന്നാണ് എക്സിറ്റ്പോള് ഫലം പ്രവചിക്കുന്നത്. എന്നാല് എക്സിറ്റ്പോള് ഫലങ്ങള് വിശ്വസിക്കുന്നില്ലെന്ന് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ള വ്യക്തമാക്കി.
കേരളത്തില് മൂന്നുമുന്നണികളും തമ്മില് ഏറ്റവും ശക്തമായ മത്സരം നടന്ന മണ്ഡലങ്ങളിലൊന്നാണ് തിരുവനന്തപുരം. ഹാട്രിക് വിജയത്തിനായി ശശി തരൂരും മണ്ഡലം തിരിച്ചുപിടിക്കാന് ദിവാകരനും കളത്തിലിറങ്ങിയെങ്കിലും വിജയം കുമ്മനത്തിന് ഒപ്പം നിന്നേക്കുമെന്നാണ് ഏതാണ് എല്ലാ എക്സിറ്റ് പോള് ഫലങ്ങളും പറയുന്നത്. കുമ്മനം രാജശേഖരന് 37 ശതമാനം വോട്ടുകള് നേടിയേക്കും. കോണ്ഗ്രസിന്റെ ശശി തരൂര് 34 ശതമാനം വോട്ടുകള് നേടി രണ്ടാം സ്ഥാനത്തെത്തും. എല്.ഡി.എഫിന്റെ സി.ദിവാകരന് 26 ശതമാനം വോട്ടുകളെ നേടാന് സാധിക്കൂവെന്ന് എക്സിറ്റ് പോള് ഫലം പറയുന്നു.
https://www.facebook.com/Malayalivartha
