തന്റെ വോട്ട് സി.പി.എമ്മുകാര് ചെയ്തെന്ന് ആരോപിച്ചതിനെ തുടര്ന്ന് റീ പോളിംഗില് വോട്ട് ചെയ്ത ഷാര്ലറ്റ് എന്ന യുവതിയുടെ വീടിന് നേരെ സി.പി.എം ബോംബെറിഞ്ഞത് ജനാധിപത്യത്തോടുള്ള വെല്ലുവിളി
തന്റെ വോട്ട് സി.പി.എമ്മുകാര് ചെയ്തെന്ന് ആരോപിച്ചതിനെ തുടര്ന്ന് റീ പോളിംഗില് വോട്ട് ചെയ്ത ഷാര്ലറ്റ് എന്ന യുവതിയുടെ വീടിന് നേരെ സി.പി.എം ബോംബെറിഞ്ഞത് ജനാധിപത്യത്തോടുള്ള വെല്ലുവിളിയാണെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്. ലോക്സഭാ തെരഞ്ഞെടുപ്പില് വോട്ട് മറ്റൊരാള് രേഖപ്പെടുത്തിയതിനെ തുടര്ന്ന് ഭരണഘടനാപരമായ ജനാധിപത്യ അവശകാശം നിഷേധിച്ചപ്പോള് കള്ളവോട്ടിനെതിരേ ഉറച്ച നിലപാടെടുത്ത ഷാര്ലറ്റിന്റെയും കോണ്ഗ്രസ് ബൂത്ത് ഏജന്റ് പിലാത്തറ പൂത്തുരിലെ വി.ടി.വി പത്മനാഭന്റെയും വീടുകള്ക്കു നേരെയാണ് സി.പി.എം അക്രമികള് ബോംബെറിഞ്ഞത്.
ഷാര്ലറ്റിന്റെയും പത്മനാഭന്റെയും വീടുനേരെ ബോംബെറിഞ്ഞ് ഇരുവരെയും വകവരുത്താന് ശ്രമിച്ച സി.പി.എം നടപടിയെ ശക്തമായി അപലപിക്കുന്നെന്നും മുല്ലപ്പള്ളി പറഞ്ഞു. ബോംബെറിഞ്ഞ പ്രതികളെ എത്രയും പെട്ടന്ന് നിയമത്തിന് മുന്നില് കൊണ്ടുവരണം. കേരളത്തെ ലജ്ജിപ്പിക്കുന്ന നടപടിയാണ് ഷാര്ലറ്റിന്റെ വീടുനേരെ നടന്ന ബോംബേറ്. ഷാര്ലറ്റിനും കുടുംബത്തിനും സംരക്ഷണം ഉറപ്പുവരുത്തേണ്ട ഉത്തരവാദിത്വം ജില്ലാ ഭരണകൂടത്തിനും പൊലീസിനുമുണ്ട്.
സി.പി.എം പ്രവര്ത്തകരും അവരുടെ കയ്യാളുകളായ തെരഞ്ഞെടുപ്പ് ചുമതലുള്ള ഉദ്യോഗസ്ഥരും തെരഞ്ഞെടുപ്പ് പ്രകിയയെ അട്ടിമറിച്ചതിനാലാണ് കാസര്ഗോഡ്, കണ്ണൂര് ജില്ലകളില് റീപോളീംഗ് നടത്തേണ്ടി വന്നത്.
ഷാര്ലറ്റിന് ഒരു പോറലേറ്റാല് അതിന്റെ ഭവിഷ്യത്ത് ഗുരുതരമായിരിക്കുമെന്ന് സി.പി.എം ഓര്ക്കുന്നത് നന്ന്. തങ്ങള്ക്കെതിരെ നില്ക്കുന്നവര്ക്കെതിരെ സി.പി.എം കാട്ടുനീതി നടപ്പിലാക്കുകയാണ്. ഇത് കേരളത്തിനാകമാനം നാണക്കേടാണ്. ഇനിയെങ്കിലും സി.പി.എം തെറ്റുതിരുത്താന് തയ്യാറാകണം. സി.പി.എമ്മിന്റെ പ്രാകൃത സമീപനങ്ങളുടെ ഫലമായാണ് പഞ്ചിമബംഗാളില് സി.പി.എം. നിലംപൊത്തിയതെന്നും വരും നാളുകളില് കേരളത്തിലും സി.പി.എമ്മിന്റെ അവസ്ഥ ഇതുതന്നെയാകുമെന്നും മുല്ലപ്പള്ളി പറഞ്ഞു.
ഇന്നലെ ഷാര്ലെറ്റ് പിലാത്തറ 19ാം ബൂത്തില് വോട്ട് രേഖപ്പെടുത്തി. വോട്ട് ചെയ്യാനായതില് സന്തോഷവും അഭിമാനവും ഉണ്ടെന്ന് ഷാര്ലെറ്റ് മാധ്യമങ്ങളോട് പറഞ്ഞിരുന്നു. വോട്ടു ചെയ്തു മടങ്ങിയ ഷാര്ലറ്റിനെതിരെ എല്ഡിഎഫ് പ്രതിഷേധവുമായി രംഗത്തെത്തിയിരുന്നു.
പുഞ്ഞിരിയോടെ തിരിച്ചറിയല് കാര്ഡും ഉയര്ത്തിപ്പിച്ചാണ് ഷാര്ലറ്റ് വോട്ട് ചെയ്യാന് ക്യൂവില് നിന്നത്. ആ ബൂത്തിലെ റീപോളിങ്ങിന് കാരണക്കാരി ഷാര്ലറ്റായിരുന്നു. ഇവരുടെ വോട്ട് മറ്റൊരാള് ചെയ്തതിനെ തുടര്ന്ന് തെരഞ്ഞെടുപ്പ് കമ്മീഷന് നല്കിയ പരാതിയിലാണ് അന്വേഷണം നടന്നത്. കള്ളവോട്ട് നടന്നെന്ന് സ്ഥിരീകരിച്ചിരുന്നു. തുടര്ന്നാണ് സംസ്ഥാന തെരഞ്ഞെടുപ്പ് കമ്മീഷന് ഇടപെട്ടത്.
https://www.facebook.com/Malayalivartha
