വോട്ടെണ്ണല് പ്രക്രിയയുമായി ബന്ധപ്പെട്ട് സംസ്ഥാനത്തെങ്ങും കര്ശനസുരക്ഷ ഏര്പ്പെടുത്തിയതായി സംസ്ഥാന പൊലീസ് മേധാവി ലോക്നാഥ് ബെഹ്റ
വോട്ടെണ്ണല് പ്രക്രിയയുമായി ബന്ധപ്പെട്ട് വ്യാഴാഴ്ച സംസ്ഥാനത്തെങ്ങും കര്ശനസുരക്ഷ ഏര്പ്പെടുത്തിയതായി സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു. 22,640 പൊലീസ് ഉദ്യോഗസ്ഥരെയാണ് വോട്ടെണ്ണല് ദിവസം ജില്ല പൊലീസ് മേധാവിമാരുടെ നേരിട്ടുള്ള നിയന്ത്രണത്തില് സംസ്ഥാനത്തൊട്ടാകെ വിന്യസിച്ചത്. ഇവരില് 111 ഡിവൈ.എസ്.പിമാരും 395 ഇന്സ്പെക്ടര്മാരും 2632 എസ്.ഐ/എ.എസ്.ഐമാരും ഉള്പ്പെടുന്നു. കേന്ദ്ര സായുധസേനയില് നിന്ന് 1344 പൊലീസ് ഉദ്യോഗസ്ഥരും ക്രമസമാധാനപാലനത്തിനുണ്ടാകും
എല്ലാ ജില്ലകളില് നിന്നും പൊലീസ് ഉദ്യോഗസ്ഥരെ ജില്ല പൊലീസ് മേധാവിമാരുടെ നേതൃത്വത്തില് ഡ്യൂട്ടിക്ക് നിയോഗിച്ചിട്ടുണ്ട്. ക്രൈംബ്രാഞ്ച്, സ്പെഷല് ബ്രാഞ്ച് തുടങ്ങിയ സ്പെഷല് യൂനിറ്റില് നിന്നുള്ള ഉദ്യോഗസ്ഥരെയും ആവശ്യമുള്ള പക്ഷം ഡ്യൂട്ടിക്ക് നിയോഗിക്കും. പ്രശ്നബാധിതപ്രദേശങ്ങളില് അധികമായി സുരക്ഷ ഏര്പ്പെടുത്തി. ഏത് മേഖലയിലും എത്തിച്ചേരാന് വാഹനസൗകര്യവും ഏര്പ്പാടാക്കി.
ആവശ്യമെങ്കില് വാഹനങ്ങള് വാടകക്കെടുക്കുന്നതിന് ജില്ല പൊലീസ് മേധാവിമാര്ക്ക്് അനുമതി നല്കിയിട്ടുണ്ടെന്നും സംസ്ഥാന പൊലീസ് മേധാവി അറിയിച്ചു.
https://www.facebook.com/Malayalivartha
