ആന്റണിയെന്നാല് ആരാ... സോഷ്യല് മീഡിയയില് ആന്റണിയ്ക്കെതിരെ ശക്തമായ പ്രചാരണം നടക്കവേ പ്രതിരോധിച്ച് ഉമ്മന്ചാണ്ടി; ആന്റണി സംശുദ്ധ രാഷ്ട്രീയത്തിന്റെ പ്രതീകമെന്ന് കാരണങ്ങള് നിരത്തി ഉമ്മന്ചാണ്ടി; അങ്ങേയറ്റം നിര്ഭാഗ്യകരം
ഗ്രൂപ്പുകള്ക്കതീതമായി എ.കെ. ആന്റണിയെ അനുകൂലിക്കുന്നവരാണ് എല്ലാ കോണ്ഗ്രസ് പ്രവര്ത്തകരും. എന്ഡിഎ മുന്നണിക്ക് ഭൂരിപക്ഷം തികയ്ക്കാനായില്ലെങ്കില് എ.കെ. ആന്റണിയുടെ നേതൃത്വത്തില് സര്ക്കാര് രൂപീകരിക്കുമെന്ന് വലിയ പ്രചാരണമാണ് നടന്നത്. എന്നാല് തെരഞ്ഞെടുപ്പില് കോണ്ഗ്രസ് കൂപ്പ് കുത്തിയപ്പോള് വലിയ വിമര്ശനമാണ് ഉണ്ടായത്. അതില് കേരളത്തില് നിന്നും ആന്റണിക്ക് നേരെയായി. സോഷ്യല് മീഡിയയില് വലിയ പ്രചാരണമാണ് ആന്റണിയ്ക്കെതിരെ നടക്കുന്നത്.
അതിനിടെ എ കെ ആന്റണിക്കെതിരെ അപവാദ പ്രചരണം നടത്തുന്നതിനെതിരെ രംഗത്തെത്തിയിരിക്കുകയാണ് മുന് മുഖ്യമന്ത്രിയും കോണ്ഗ്രസ് പ്രവര്ത്തകസമിതി അംഗവുമായ ഉമ്മന് ചാണ്ടി. എ.കെ. ആന്റണിക്കെതിരേ ചില ഓണ്ലൈന് മാധ്യമങ്ങളിലും സാമൂഹിക മാധ്യമങ്ങളിലും ഉണ്ടായ അടിസ്ഥാനരഹിതവും വസ്തുതാവിരുദ്ധവുമായ പരാമര്ശങ്ങള് അങ്ങേയറ്റം നിര്ഭാഗ്യകരമാണെന്ന് ഉമ്മന് ചാണ്ടി പ്രതികരിച്ചു. ആന്ധ്രാപ്രദേശിലെ മുണണി രൂപീകരണത്തില് ആന്റണി ഒരു ഘട്ടത്തിലും ഇടപെട്ടിട്ടില്ലെന്നും അദ്ദേഹം പറഞ്ഞു.
കോണ്ഗ്രസിനു ദേശീയതലത്തില് ഉണ്ടായ പരാജയത്തിന് പല കാരണങ്ങളുണ്ട്. കൂട്ടുത്തരവാദിത്വത്തോടെ അത് ഞങ്ങള് ഏറ്റെടുക്കുന്നു. പരാജയത്തില് നിന്നും ഫിനിക്സ് പക്ഷിയെപ്പോലെ ചിറകടിച്ചുയര്ന്ന പാരമ്പര്യമാണ് കോണ്ഗ്രസിനുള്ളത്. ആന്റണി സംശുദ്ധ രാഷ്ട്രീയത്തിന്റെ പ്രതീകമാണ്. അടിസ്ഥാനരഹിതമായ ആക്ഷേപങ്ങള് ഉന്നയിച്ച് അദ്ദേഹത്തെ അപകീര്ത്തിപ്പെടുത്താന് ശ്രമിക്കുന്നവര് കോണ്ഗ്രസിന്റെ ഗുണകാംക്ഷികളാണെന്നു തോന്നുന്നില്ല. ഉമ്മന് ചാണ്ടി ഫേസ്ബുക്കില് കുറിച്ചു.
ഉമ്മന്ചാണ്ടിയുടെ ഫേസ്ബുക്ക് പോസ്റ്റിന്റെ പൂര്ണ രൂപം ഇങ്ങനെയാണ്
കോണ്ഗ്രസ് പ്രവര്ത്തക സമിതിയംഗവും സീനിയര് നേതാവുമായ എ.കെ. ആന്റണിക്കെതിരേ ചില ഓണ്ലൈന് മാധ്യമങ്ങളിലും സാമൂഹിക മാധ്യമങ്ങളിലും ഉണ്ടായ അടിസ്ഥാനരഹിതവും വസ്തുതാവിരുദ്ധവുമായ പരാമര്ശങ്ങള് അങ്ങേയറ്റം നിര്ഭാഗ്യകരമാണ്.
അടിസ്ഥാനരഹിതമായ പരാമര്ശങ്ങള്ക്കിടയില്, ആന്ധ്രാപ്രദേശിലും കോണ്ഗ്രസിന്റെ നേതൃത്വത്തില് മുണണി ഉണ്ടാകാതെ പോയതിന് ആന്റണിയെ പ്രതിക്കൂട്ടില് നിര്ത്താന് ശ്രമിച്ചു കണ്ടു. ആന്ധ്രാപ്രദേശിലെ മുണണി രൂപീകരണത്തില് ആന്റണി ഒരു ഘട്ടത്തിലും ഇടപെട്ടിട്ടില്ല. മുണണി രൂപീകരണത്തിനുള്ള പൂര്ണ സ്വാതന്ത്ര്യം ആന്ധ്രാ പിസിസിക്ക് കോണ്ഗ്രസ് അധ്യക്ഷന് നല്കിയിരുന്നു. കോണ്ഗ്രസിന്റെ നിയന്ത്രണങ്ങള്ക്ക് അതീതമായ കാരണങ്ങളാലാണ് സഖ്യം ഉണ്ടാക്കാന് കഴിയാതെ പോയത്. ഇക്കാര്യത്തില് കോണ്ഗ്രസിന് ഒരു വീഴ്ചയും ഉണ്ടായിട്ടില്ല. ഇതില് ആന്റണിയോ ഹൈക്കമാന്ഡോ ഒരു തരത്തിലും ഉത്തരവാദികളല്ല.
കോണ്ഗ്രസിനു ദേശീയതലത്തില് ഉണ്ടായ പരാജയത്തിന് പല കാരണങ്ങളുണ്ട്. കൂട്ടുത്തരവാദിത്വത്തോടെ അത് ഞങ്ങള് ഏറ്റെടുക്കുന്നു. പരാജയത്തില് നിന്നും ഫിനിക്സ് പക്ഷിയെപ്പോലെ ചിറകടിച്ചുയര്ന്ന പാരമ്പര്യമാണ് കോണ്ഗ്രസിനുള്ളത്. ആന്റണി സംശുദ്ധ രാഷ്ട്രീയത്തിന്റെ പ്രതീകമാണ്. അടിസ്ഥാനരഹിതമായ ആക്ഷേപങ്ങള് ഉന്നയിച്ച് അദ്ദേഹത്തെ അപകീര്ത്തിപ്പെടുത്താന് ശ്രമിക്കുന്നവര് കോണ്ഗ്രസിന്റെ ഗുണകാംക്ഷികളാണെന്നു തോന്നുന്നില്ല.
https://www.facebook.com/Malayalivartha
