കരണം മറിഞ്ഞ് കടകംപള്ളി... ശബരിമലയിലെ സിപിഎം സമവായങ്ങള് മാറി മറിയുന്നു; വലിയ ശത്രുവായ പ്രേമചന്ദ്രന് കൊണ്ടുവരുന്ന ശബരിമല ബില്ലിനെ ഉള്ക്കൊള്ളാനാകാതെ കടകംപള്ളി; കേന്ദ്രസര്ക്കാര് തന്നെ ബില് കൊണ്ടുവരണമെന്ന് മന്ത്രി
ശബരിമലയില് ആദ്യഘട്ടത്തില് ഭക്തരോടൊപ്പം നിന്ന മന്ത്രിയാണ് കടകംപള്ളി സുരേന്ദ്രന്. രഹ്ന ഫാത്തിമയേയും കവിതയേയും കൊണ്ട് ശബരിമലയില് കയറാനെത്തിയെ പോലീസിന്റെ ശ്രമത്തെ തടഞ്ഞത് ദേവസ്വം മന്ത്രിയായ കടകംപള്ളി സുരേന്ദ്രനാണ്. അതിനാല് തന്നെ പിന്നീടുള്ള നീക്കങ്ങളൊന്നും കടകംപള്ളിയെ അറിയിച്ചില്ല. അങ്ങനെയാണ് രാത്രിയുടെ മറവില് ബിന്ദുവിനേയും കനകദുര്ഗയേയും കയറ്റിയത്. തെരഞ്ഞെടുപ്പില് സിപിഎം തകര്ന്നടിഞ്ഞതോടെ കളി മാറി. ശബരിമലയാണ് തോല്വിക്ക് കാരണമെന്ന് പാര്ട്ടി രഹസ്യമായി സമ്മതിക്കുന്നുണ്ട്. അതിനാല് തന്നെ ഭക്തരെ കൂടെ നിര്ത്താനാണ് നോക്കുന്നത്. അതിനിടെയാണ് കൊല്ലം എപിയും പാര്ട്ടിയുടെ പ്രധാന ശത്രുവുമായ പ്രേമചന്ദ്രന് ശബരിമല ബില്ല് അവതരിപ്പിക്കുന്നത്.
യുവതീ പ്രവേശനവുമായി ബന്ധപ്പെട്ട ശബരിമല സ്വകാര്യ ബില് വിഷയത്തില് നിലപാട് വ്യക്തമാക്കി മന്ത്രി കടകംപള്ളി സുരേന്ദ്രന് രംഗത്തെത്തി. കേന്ദ്രസര്ക്കാര് തന്നെ ബില് കൊണ്ടുവരണമെന്ന് മന്ത്രി പറഞ്ഞു. ഇക്കാര്യം നേരത്തെതന്നെ ആവശ്യപ്പെട്ടിരുന്നുവെന്ന് അദ്ദേഹം പറഞ്ഞു. എല്ലാ സ്വകാര്യ ബില്ലുകള്ക്കും ഉണ്ടാകുന്ന അനുഭവം ഈ ബില്ലിനും ഉണ്ടാകും.
അതേസമയം യുവതീ പ്രവേശത്തിനെതിരെ ലോക്സഭയില് സ്വകാര്യ ബില് അവതരിപ്പിക്കും. എന്. കെ. പ്രേമചന്ദ്രന് എംപിയാണ് സ്വകാര്യ ബില്ലിന് അവതരണാനുമതി തേടിയത്. ബില്ലിന് വെള്ളിയാഴ്ച അവതരണാനുമതി ലഭിച്ചിട്ടുണ്ട്.ശബരിമലയില് തല്സ്ഥിതി തുടരണമെന്നാവശ്യപ്പെട്ടാണ് സ്വകാര്യ ബില്. ബില് എപ്പോള് ചര്ച്ചയ്ക്കെടുക്കും എന്ന കാര്യം വ്യക്തമല്ല. പതിനേഴാം ലോക്സഭയിലെ ആദ്യ സ്വകാര്യ ബില്ലാണിത്.
ശബരിമല യുവതീപ്രവേശനം തടയാന് ബില് അവതരിപ്പിക്കാന് വെള്ളിയാഴ്ചയാണ് സമയം അനുവദിച്ചത്. തെരഞ്ഞെടുപ്പില് വിജയിച്ചാല് ശബരമല യുവതീപ്രവേശനം തടയാന് ലോക്സഭയില് വിഷയം ഉന്നയിക്കുമെന്ന് നേരത്തെ വ്യക്തമാക്കിയിരുന്നു. ഇതിന്റെ അടിസ്ഥാനത്തിലാണ് സ്വകാര്യ ബില് അവതരിപ്പിക്കാന് എന്കെ പ്രേമചന്ദ്രന് അനുമതി തേടിയത്.
പതിനേഴാം ലോക്സഭയിലെ ആദ്യ ബില്ലവതരണമായിട്ടാണ് എന്കെ പ്രമേചന്ദ്രന്റെ ബില്ലിന് അനുമതി നല്കിയിരിക്കുന്നത്. നിലവില് ശബരിമല ക്ഷേത്രവുമായി ബന്ധപ്പെട്ട് ഏതെല്ലാം ആചാരനുഷ്ഠാനങ്ങളാണോ നിനില്ക്കുന്നത് അത് തുടരണമെന്നാവശ്യപ്പെട്ടാണ് ബില് അവതരിപ്പിക്കാന് അനുമതി തേടിയിരിക്കുന്നത്. പ്രായഭേദമന്യേ എല്ലാ സ്ത്രീകള്ക്കും ശബരിമലയില് പ്രവേശിക്കാം എന്നായിരുന്നു സുപ്രീംകോടതി വിധി. ശബരിമലയില് യുവതീപ്രവേശനം തടയാന് ബില്ല് കൊണ്ടുവരുമെന്ന് കോണ്ഗ്രസും വ്യക്തമാക്കിയിരുന്നു
https://www.facebook.com/Malayalivartha
