മക്കള് ചെയ്യുന്നതിന് നേതാവിനെ ക്രൂശിക്കരുത്; കോടിയേരിയെ ഒറ്റപ്പെടുത്തരുതെന്ന് ബാലന്
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരിക്കെതിരെയുള്ള ലൈംഗിക പീഡന പരാതിയില് പ്രതികരണവുമായി ആദിവാസി ക്ഷേമ വകുപ്പ് മന്ത്രി എ.കെ ബാലന്. സംഭവത്തില് കോടിയേരി ബാലകൃഷ്ണനെ ഒറ്റപ്പെടുത്തരുതെന്ന് മന്ത്രി പറഞ്ഞു. വിഷയം പാര്ട്ടിയുമായി ബന്ധിപ്പിക്കരുത്. മക്കള് ചെയ്യുന്നതിന് നേതാവിനെ ക്രൂശിക്കരുതെന്നും മന്ത്രി ബാലന് പറഞ്ഞു.
അതേസമയം ബിനോയ്ക്കെതിരെയുള്ള ആരോപണത്തില് മുഖ്യമന്ത്രി പിണറായി വിജയന് ഇതുവരെ പ്രതികരിച്ചില്ല. ലോക്സഭാ തെരഞ്ഞെടുപ്പിലേറ്റ കനത്ത തോല്വിയില് മുഖം നഷ്ടപ്പെട്ടു നില്ക്കുന്ന സിപിഎമ്മിന് കോടിയേരിയുടെ മകനെതിരെയുള്ള കേസ് കനത്ത ആഘാതമാണ് ഉണ്ടാക്കിയിരിക്കുന്നത്.
അതേസമയം കോടിയേരിയോട് ചോദ്യംചെയ്യലിന് ഹാജരാകാന് നിര്ദേശം. മുംബൈ ഓഷിവാര പോലീസ് ബിനോയിയെ ഫോണില് ബന്ധപ്പെട്ട് മൂന്നു ദിവസത്തിനുള്ളില് ഹാജരാകാന് ആവശ്യപ്പെട്ടതായാണ് റിപ്പോര്ട്ട്. അതിനിടെ ബിനോയ് കോടിയേരി മുന്കൂര് ജാമ്യത്തിന് ശ്രമിക്കുന്നതായും സൂചനയുണ്ട്.
യുവതിയുടെ പരാതിയില് മുംബൈ പോലീസ് തെളിവുകള് ശേഖരിച്ചുകൊണ്ടിരിക്കുകയാണ്. പരാതിക്കാരിയുടെ കൈവശമുണ്ടെന്ന് അവകാശപ്പെടുന്ന ഡിജിറ്റല് തെളിവുകള് പോലീസ് പരിശോധിക്കും. ബിനോയിയുമായുള്ള വാട്ട്സ് ആപ്പ് സന്ദേശങ്ങളാണ് ഇതില് പ്രധാനം. കൂടാതെ ഫോട്ടോകള് അടക്കമുള്ള തെളിവുകളും യുവതിയുടെ കൈവശമുണ്ട്. ബിനോയിയുമായുള്ള ബന്ധം തെളിയിക്കുന്ന രേഖകള് തന്റെ കൈവശമുണ്ടെന്ന് പരാതിക്കാരി നേരത്തെ അവകാശപ്പെട്ടിരുന്നു. കുട്ടിയുടെ പിതൃത്വം സംബന്ധിച്ച് തര്ക്കം ഉയര്ന്ന സാഹചര്യത്തില് ഡി എന് എ പരിശോധനയ്ക്ക് പോലീസ് ഒരുങ്ങാന് സാധ്യതയുണ്ടെന്നും റിപ്പോര്ട്ടുണ്ട്.
ബിനോയ് കോടിയേരിക്കെതിരെ ബാര് ഡാന്സര് നല്കിയ പീഢന പരാതിയില് ഇടപെടില്ലെന്ന് സി.പി.എം ജനറല് സെക്രട്ടറി സീതാറാം യച്യൂരി. ഇത് പാര്ട്ടിയുമായി ബന്ധമുള്ള വിഷയമല്ല. എന്നാല് പി.ബി അംഗത്തിന്റെ മകനെതിരെ ആരോപണം ഉയര്ന്നതിനാല് അതില് വസ്തുതയുണ്ടോ എന്ന് പരിശോധിക്കും. അല്ലാതെ കേസില് ഇടപെടില്ല. പരാതി സംബന്ധിച്ച കൂടുതല് വിവരങ്ങള് അറിയില്ല. യുവതി മുംബയ്ലാണ് പരാതി നല്കിയിരിക്കുന്നത്. ആരോപണവിധേയര് കേസിനെ നിയമപരമായി നേരിടണമെന്നും യെച്യൂരി ആവശ്യപ്പെട്ടു. ഇതോടെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് കൂടുതല് പ്രതിരോധത്തിലായി. ബിനോയ് കോടിയേരിക്കെതിരെ മുമ്പും പരാതികള് ഉയര്ന്നതിനാലാണ് കേന്ദ്രനേതൃത്വം ഇക്കാര്യത്തില് ഇടപെടില്ലെന്ന് ആദ്യമേ വ്യക്തമാക്കിയത്.
ദുബായിയില് ബാര് ഡാന്സ് ജീവനക്കാരിയായിരുന്ന യുവതിയാണ് ബിനോയിക്കെതിരേ മുംബൈ ഓഷിവാര പോലീസില് പരാതി നല്കിയത്. വിവാഹ വാഗ്ദാനം നല്കി വര്ഷങ്ങളോളം പീഡിപ്പിച്ചെന്നാണ് പരാതി. ഇതോടെ പോലീസ് എഫ്ഐആര് രജിസ്റ്റര് ചെയ്തു. ബിനോയിയുമായുള്ള ബന്ധത്തില് എട്ട് വയസുള്ള കുട്ടി ഉണ്ടെന്നും ബിഹാര് സ്വദേശിനിയായ യുവതിയുടെ പരാതിയില് വ്യക്തമാക്കിയിട്ടുണ്ട്. 2009 മുതല് 2018 വരെ വിവാഹ വാഗ്ദാനം നല്കി ബിനോയി ലൈംഗികമായി ഉപയോഗിച്ചുവെന്നാണ് പരാതിയില് പറയുന്നത്.
ദുബായില് ഡാന്സ് ബാറില് യുവതി ജോലി ചെയ്യുമ്ബോള് ബിനോയ് അവിടെ സ്ഥിരം സന്ദര്ശകനായിരുന്നു. അവിടെവച്ചാണ് യുവതി ബിനോയിയെ പരിചയപ്പെടുന്നത്. ജോലി ഉപേക്ഷിച്ചാല് വിവാഹം ചെയ്യാമെന്ന് വാഗ്ദാനം ചെയ്തുവെന്ന് യുവതി പറയുന്നു. 2009 നവംബറില് താന് ഗര്ഭിണിയായി. തുടര്ന്ന് മുംബൈയിലേക്ക് താമസം മാറി. ഇതിനിടെ ബിനോയി പതിവായി ദുബായില് നിന്നും മുംബൈയില് വന്നുപോയിരുന്നുവെന്നും എല്ലാ മാസവും പണം അയച്ചിരുന്നുവെന്നും പരാതിക്കാരി പറയുന്നു.
https://www.facebook.com/Malayalivartha
