ബിനോയി കോടിയേരി ബിഹാര് സ്വദേശിനിയായ യുവതിയെ വിവാഹം കഴിച്ച ശേഷം ഒഴിവാക്കാനായി അഷ്ടമംഗല്യ പ്രശ്നം നടത്തിയെന്ന് വെളിപ്പെടുത്തല്
ബിനോയി കോടിയേരി ബിഹാര് സ്വദേശിനിയായ യുവതിയെ വിവാഹം കഴിച്ച ശേഷം ഒഴിവാക്കാനായി അഷ്ടമംഗല്യ പ്രശ്നം നടത്തിയെന്ന് വെളിപ്പെടുത്തല്. ബി.ജെ.പി നേതാവ് സന്ദീപ് വാര്യരാണ് ഇക്കാര്യം ആരോപിക്കുന്നത്. കേരളത്തിലെ ഒരു പ്രമുഖ ജ്യോത്സ്യനെ വീട്ടില് വിളിച്ചുവരുത്തിയാണ് പ്രശ്നം നടത്തിയത്. പ്രശ്നവിധി അനുസരിച്ച് ചെയ്യേണ്ട കാര്യങ്ങള് ചെയ്തു. അതിന് ശേഷം ദുബയില് നിന്നെത്തിയ ബിനോയി നാട്ടില് നിന്ന് വേറെ വിവാഹം കഴിക്കുകയായിരുന്നെന്നും സന്ദീപ് വാര്യര് പറയുന്നു. കോടിയേരി കമ്മ്യൂണിസ്റ്റാണെങ്കിലും അദ്ദേഹത്തിന്റെ കുടുംബം ഹൈന്ദവ ആചാര പ്രകാരം ജീവിക്കുന്നവരാണ്. അതില് സന്തോഷമുണ്ട്. പക്ഷെ, ഒരു പെണ്കുട്ടിയെ നീചമായി ചതിക്കുന്ന കാര്യങ്ങള് ചെയ്യാന് പാടില്ലെന്നും സന്ദീപ് പറഞ്ഞു. ബിനോയി കോടിയേരി മുമ്പ്. ചോറ്റാനിക്കര ക്ഷേത്രത്തില് പ്രസാദ് ഊട്ട് നടത്തിയതും വിവാദമായിരുന്നു. ബിനോയിക്ക് വേണ്ടി പ്രമുഖ വ്യവസായിയാണ് അതിനായി പണം മുടക്കിയതെന്നായിരുന്നു ആക്ഷേപം.
വ്യക്തിയുടെ ജീവിതത്തിലെ ദോഷം മാറുന്നതിനാണ് അഷ്ടമംഗല പ്രശ്നം നടത്തുന്നത്. നെല്ല്, അരി, വസ്ത്രം, വിളക്ക്, അമ്പ്, വാല്ക്കണ്ണാടി, ചൊട്ട, കളഭം എന്നീ എട്ട് സാധനങ്ങള് ഉപയോഗിച്ചാണ് ജ്യോതിഷന് അഷ്ടമംഗലപ്രശ്നം നടത്തുന്നത്. രാശി നോക്കി, രാശി പൂജ നടത്തിയ ശേഷമാണ് ഇതിനുള്ള പരിഹാരം വിധിക്കുന്നത്. കോടിയേരി ബാലകൃഷ്ണന്റെ കുടുംബം മുമ്പും ജ്യോതിഷവും ക്ഷേത്രാചാരങ്ങളും വഴിപാടങ്ങളും നടത്തിയെന്ന് ആക്ഷേപം ഉയര്ന്നിട്ടുണ്ട്. കോടിയേരി ബാലകൃഷ്ണന്റെ വീട്ടില് ശത്രുസംഹാര പൂജ നടത്തിയെന്ന് ബിജെപിയുടെ മുഖപത്രമായ ജന്മഭൂമി കുറേ മാസം മുമ്പ് റിപ്പോര്ട്ട് ചെയ്തിരുന്നു.
എട്ടോളം തന്ത്രി പ്രമുഖരെ പങ്കെടുപ്പിച്ചാണ് വീട്ടില് പൂജ കഴിച്ചത് പാര്ട്ടി ഗ്രാമമായ കോടിയേരിയിലും പരിസരത്തും ഇത് വലിയ ചര്ച്ചയ്ക്ക് ഇടയാക്കിയെന്നും ജന്മഭൂമിയിലെ റിപ്പോര്ട്ടില് പറഞ്ഞിരുന്നു.
കൈമുക്ക് ശ്രീധരന് നമ്പൂതിരിപ്പാടിന്റെ മുഖ്യകാര്മ്മികത്വത്തില് തൃശൂര് കൊടകരയിലെ പ്രമുഖ തന്ത്രികുടുംബത്തിലെ പുരോഹിതരുടെ നേതൃത്വത്തിലായിരുന്നു ചടങ്ങുകളെന്നും ആരോപിച്ചിരുന്നു. കാടാമ്പുഴയില് കോടിയേരിയുടെ പേരില് പൂമൂടല് നടത്തിയതാണ് ആദ്യം വിവാദമായത്. ശത്രുസംഹാരത്തിനാണ് പൂമുടല് നടത്തിയതെന്നായിരുന്നു ആക്ഷേപം. തനിക്ക് ശത്രുക്കളില്ലെന്നും പിന്നെയെന്തിന് പൂമൂടല് നടത്തണമെന്നും കോടിയേരി പ്രതികരിച്ചിരുന്നു. കഴിഞ്ഞ മണ്ഡലകാലത്ത് കോടിയേരിയുടെ ഇളയ മകന് ബിനീഷും വി.എസിന്റെ മകന് അരുണ് കുമാറും ശബരിമല ദര്ശനത്തിന് പോയിരുന്നു. അതും വലിയ വാര്ത്തയായിരുന്നു. കോടിയേരിയുടെ ഭക്തിക്ക് പിന്നാലെ പോയി മാധ്യമങ്ങളും വെട്ടിലായിട്ടുണ്ട്. പാര്ട്ടി അണികളെ അക്രമിക്കാന് വരുന്നവരെ തിരിച്ചടിക്കണമെന്ന് ആവേശത്തോടെ പറഞ്ഞ് കോടിയേരി കൈയ്യുയര്ത്തിയപ്പോള് ഏലസ് ക്യാമറിയില് പതിഞ്ഞെന്ന് ചാനലുകള് വാര്ത്ത നല്കിയിരുന്നു.
എന്നാല് ഏലസ് അല്ല പ്രമേഹ നിയന്ത്രണത്തിന് ഉപയോഗിക്കുന്ന ഗ്ലൂക്കോസ് മോണിറ്ററിംഗ് ചിപ്പാണെന്ന് പാര്ട്ടി അധികൃതര് സ്ഥിരീകരിച്ചതോടെ ചാനലുകാരും വെട്ടിലായി. കോടിയേരിയും ഭാര്യയും വീട്ടില് നില്ക്കുന്ന ഫോട്ടോയില്, ഇരുവര്ക്കും പിന്നിലായി തിരുപ്പതി വെങ്കിടാചലത്തിന്റെ ചിത്രം തൂക്കിയിട്ടിരിക്കുന്നത് ബി.ജെ.പി പ്രവര്ത്തകര് സമൂഹമാധ്യമങ്ങളില് പ്രചരിപ്പിച്ചിരുന്നു.
https://www.facebook.com/Malayalivartha