കാലങ്ങളായി താരസംഘടനയായ അമ്മയില് നിലനിന്ന സ്ത്രീവിരുദ്ധനിലപാടുകള്ക്ക് പൂട്ടിടുന്നു. സംഘടനയുടെ ഭരണഘടന ഇതിനായി ഭേദഗതി ചെയ്യുമെന്ന് പ്രസിഡന്റ് മോഹന്ലാല്
കാലങ്ങളായി താരസംഘടനയായ അമ്മയില് നിലനിന്ന സ്ത്രീവിരുദ്ധനിലപാടുകള്ക്ക് പൂട്ടിടുന്നു. സംഘടനയുടെ ഭരണഘടന ഇതിനായി ഭേദഗതി ചെയ്യുമെന്ന് പ്രസിഡന്റ് മോഹന്ലാല്. വരുന്ന വാര്ഷിക ജനറല് ബോഡിയില് ഇത് നടത്തും. വൈപ്രസ് പ്രസിഡന്റ് പദവി നടിമാര്ക്ക് നല്കും. നിര്വാഹക സമിതിയില് നാല് വനിതകളുണ്ടാകും. തുടങ്ങിയ ശക്തമായ നടപടികളാണ് മോഹന്ലാലിന്റെ നേതൃത്വത്തിലുള്ള ഭാരവാഹികള് എടുക്കുന്നത്. കുറേ നാളായി വുമണ് ഇന് കളക്ടീവ് ഉള്പ്പെടെ ആവശ്യപ്പെടുന്ന ആഭ്യന്തരപരിഹാര സെല് സംഘടനയില് രൂപീകരിക്കും. ഭരണഘടനാ ഭേദഗതി നിര്ദ്ദേശങ്ങള് ജനറല് ബോഡിയില് അവതരിപ്പിക്കും. നിലവിലെ സാഹചര്യത്തില് അതിനെ എതിര്ക്കാന് ആരും തയ്യാറാകില്ല. ഇപ്പോള് നിര്വാഹക സമിതിയില് രണ്ട് വനിതകളാണുള്ളത്. അതില് രമ്യാനമ്പീശന് രാജിവച്ചിരുന്നു.
കൊച്ചിയില് യുവനടിയെ തട്ടിക്കൊണ്ട് പോയി പീഡിപ്പിച്ച സംഭവത്തെ തുടര്ന്നാണ് വര്ഷങ്ങളായി തങ്ങള് അനുഭവിക്കുന്ന ലൈംഗിക ചൂഷണം അടക്കമുള്ള പ്രശ്നങ്ങള് മഞ്ജുവാര്യരുടെ നേതൃത്വത്തില് മുന്നോട്ട് വെച്ചത്. അവര് വിമന് ഇന് കളക്ടീവ് സിനിമ എന്ന സംഘടന രൂപീകരിച്ചത്. അതിനിടെ താരസംഘടനയായ അമ്മയില് നിന്ന് ദിലീപിനെ പുറത്താക്കണമെന്ന് റിമ കല്ലിംഗല്, രമ്യാമ്പീശന്, ഗീതുമോഹന്ദാസ് എന്നിവരടക്കം പലരും ആവശ്യപ്പെട്ടു. സംഘടന വഴങ്ങിയില്ല. തുടര്ന്ന് ആക്രമണത്തിന് ഇരയായ നടിയും ഈ മൂന്ന് പേരും അമ്മയില് നിന്ന് രാജിവെച്ചു. രേവതി, പാര്വതി തിരുവോത്ത് , പദ്മപ്രീയ തുടങ്ങിയവര് അമ്മയില് തുടരുകയും ചെയ്തു. രേവതിയും പാര്വതിയുമായി ചര്ച്ച നടത്തി അവര് ഉന്നയിച്ച ആവശ്യങ്ങള് പരിഗണിക്കാമെന്ന് മോഹന്ലാല് ഉള്പ്പെടെയുള്ള ഭാരവാഹികള് ഉറപ്പ് നല്കിയിരുന്നെങ്കിലും മാസങ്ങള് കഴിഞ്ഞിട്ടും ഒന്നും നടന്നിരുന്നില്ല.
സിനിമയില് ആഭ്യന്തരപരിഹാര സെല് രൂപീകരിക്കണമെന്ന് ആവശ്യപ്പെട്ട് നടി റിമാ കല്ലിംഗല് ഹൈക്കോടതിയില് ഹര്ജി നല്കിയിരുന്നു. തുടര്ന്ന് അമ്മ ഈ കേസില് കക്ഷിചേരാന് ശ്രമിച്ചെങ്കിലും അവര് സമ്മതിച്ചില്ല. എന്നാല് വിഷയത്തില് അമ്മയുടെ നിലപാട് വ്യക്തമാക്കണമെന്ന് ആവശ്യപ്പെട്ട് ഹൈക്കോടതി നോട്ടീസ് അയച്ചിരുന്നു. ഇതേ തുടര്ന്ന് നിയമവിദഗ്ധരുമായി അമ്മ നേതൃത്വം ചര്ച്ച നടത്തിയിരുന്നു. അതിന്റെ അടിസ്ഥാനത്തിലാണ് പുതിയ തീരുമാനങ്ങള് കൈക്കൊണ്ടത്. ദിലീപിനെതിരെ പരാതി നല്കുകയും അദ്ദേഹത്തിന്റെ നിലപാടുകളെ എതിര്ക്കുകയും ആദ്യ ഭാര്യ മഞ്ജുവാര്യരുടെ കൂടെ അഭിനയിക്കുകയും അവരെ നായികയാക്കിയ സംവിധായകരെ ഭീഷണിപ്പെടുത്തുകയും ചെയ്തവരെ ഭീഷണിപ്പെടുത്തുന്നുണ്ടെന്ന് ധാരാളം പരാതികള് അമ്മ അടക്കമുള്ള സംഘടനകള്ക്ക് പലരും നല്കിയിരുന്നു. അതിലൊന്നും യാതൊരു നിലപാടും ഉണ്ടായില്ല. ദിലീപ് കേസില് പെട്ടതോടെ പരാതിക്കാരെല്ലാം ഒരുമിച്ച് തിരിയുകയായിരുന്നു.
ആക്രമണത്തിന് ഇരയായ നടിയെ നിരവധി സിനിമകളില് നിന്ന് ദിലീപ് ഇടപെട്ട് ഒഴിവാക്കിയിരുന്നു. അക്കാര്യം അമ്മ ഭാരവാഹികളോട് അവര് പറഞ്ഞിരുന്നു. ദിലീപും രണ്ടാം ഭാര്യ കാവ്യാമാധവനും തമ്മിലുള്ള ബന്ധം ആദ്യഭാര്യയായ മഞ്ജുവാര്യരോട് പറഞ്ഞതിനെ തുടര്ന്നാണ് ആക്രമണത്തിനിരയായ നടിക്ക് അവസരങ്ങള് കുറഞ്ഞത്. അമ്മയുടെ റിഹേഴ്സല് ക്യാമ്പില് വെച്ച് ദിലീപ് തന്നെ ഭീഷണിപ്പെടുത്തിയെന്ന് നടി പൊലീസിന് നല്കിയ മൊഴിയില് പറഞ്ഞിരുന്നു. എന്തായാലും വിമന് ഇന് കളക്ടീവ് സിനിമയുടെ നേതൃത്വത്തില് ഉന്നയിച്ച പലകാര്യങ്ങള്ക്കും അമ്മ അവസാനം വഴങ്ങുന്നതാണ് കണ്ടുവരുന്നത്. ഇപ്പോഴത്തെ ഭരണഘടനാ ഭേദഗതിയും ആഭ്യന്തരപരാതി പരിഹാര സെല് രൂപീകരണവും അതിന്റെ ഭാഗം തന്നെ.
https://www.facebook.com/Malayalivartha