ആലിപ്പഴം പഴുത്തപ്പോള്‍ കേരളത്തിന് വായ്പ്പുണ്ണ് എന്ന് പറഞ്ഞതുപോലെയാണ് നമ്മുടെ ഉന്നതവിദ്യാഭ്യാസത്തിന്റെ കാര്യം. സംസ്ഥാനത്തിന് ഒരു ഐ.ഐ.ടി ഏറെക്കാലമായുളള ഒരു മോഹമായിരുന്നു. ഡോ.ശശീതരൂര്‍ എന്ന മഹാപണ്ഡിതന്‍ കേന്ദ്രത്തില്‍ വിദ്യാഭ്യാസത്തിന്റെ ചുമതലയുളള മാനവശേഷിവിഭവ മന്ത്രിയായതോടെ ഇതാ വന്നു എന്ന മട്ടില്‍ ഐ.ഐ.ടി വന്നു വെന്ന് പറഞ്ഞതാണ്. എന്നാല്‍ കേരളത്തില്‍ ഒരു സീറ്റുപോലും കിട്ടാത്ത ബിജെപി വേണ്ടി വന്നു ഒരു ഐ.ഐ.ടി പ്രഖ്യാപിക്കാന്‍. പ്രഖ്യാപനത്തില്‍ ഒതുക്കുകയായിരുന്നില്ല കാര്യങ്ങള്‍. ധൃതഗതിയില്‍ പരിശ്രമങ്ങള്‍ നടന്നു. അങ്ങനെ ശനിയും ഞായറുമായി പാലക്കാട് ഐ.ഐ.ടി സ്ഥാപിക്കാനുളള ഗോസായിമാര്‍ ഡല്‍ഹിയില്‍ നിന്നും കേരളത്തിലേയ്ക്ക് എത്തിയതുമാണ്. സ്ഥലം കാണുന്നതിനൊപ്പം ഐ.ഐ.ടി തുടങ്ങാനുളള ശ്രമങ്ങളും പുരോഗമിക്കുന്നു. അടുത്ത അധ്യായനവര്‍ഷം മുതല്‍ ക്ലാസ് തുടങ്ങാനുളള താത്കാലികസംവിധാനങ്ങളും പാലക്കാട് ഒരുക്കി കഴിഞ്ഞു.
ഇതിനിടയിലാണ് വായ്പ്പുണ്ണ് വന്നത്. ഉന്നത വിദ്യാഭ്യാസത്തിനു നല്‍കുന്ന സാമ്പത്തികസഹായം കേന്ദ്രസര്‍ക്കാര്‍ വെട്ടിക്കുറച്ചു. 2014-2015 വര്‍ഷത്തെ ചുരുക്കിയ ബജറ്റ് എസ്റ്റിമേറ്റില്‍ 3900 കോടിയുടെ കുറവാണ് വരുത്തിയത്. നേരത്തെ 16,900 കോടിയുടെ വിഹിതം അനുവദിച്ച സ്ഥാനത്ത് 13,000 കോടിയാണ് പുതുതായി അനുവദിച്ചിരിക്കുന്നത്. പുതുതായി സ്ഥാപിച്ച ഐ.ഐ.ടികളെയായിരിക്കും വെട്ടിക്കുറവ് ദോഷകരമായി ബാധിക്കുക. ഇക്കൊല്ലം സ്ഥിരം കാമ്പസുകളിലേയ്ക്ക് മാറാനിരിക്കുന്ന 16 ഐ.ഐ.ടികളെ കൂടുതല്‍ ദോഷകരമായി ബാധിക്കും. ഇവയ്ക്ക് വകയിരുത്തിയ 2500 കോടിയില്‍ 163 കോടി കുറവുവരുത്തി. 2337 കോടിയാണ് പുതിയ ബജറ്റില്‍ നീക്കിവച്ചിരിക്കുന്നത്.
കേരളത്തിന് ഇക്കൊല്ലം ഐ.ഐ.ടി വിഹിതം വെട്ടിക്കുറച്ചത് ദോഷകരമായി ബാധിക്കുമെങ്കിലും ഇത്തവണത്തെ ചുവടുപടിക്ക് അടുത്തതവണയും വിഹിതം വകയിരുത്തിയാല്‍ അത് കേരളത്തിന് ദോഷകരമാകും. എന്നിരുന്നാലും കേന്ദ്രടീം സ്ഥലം കണ്ട് ഇഷ്ടപെട്ടാല്‍ ഐ.ഐ.ടി കാമ്പസിന്റെ നിര്‍മ്മാണ പ്രവര്‍ത്തനം ഇക്കൊല്ലം ആരംഭിക്കുമായിരുന്നു. തുകയില്‍ വരുത്തിയ കുറവിന്റെ പശ്ചാത്തലത്തലില്‍ ഇതെങ്ങനെ സാധിക്കുമെന്ന് കണ്ടറിയാം. വന്‍മാറ്റങ്ങള്‍ ഉന്നതവിദ്യാഭ്യാസമേഖലയില്‍ ലക്ഷ്യമിട്ടാണ് നരേന്ദ്രമോദി പ്രവര്‍ത്തിക്കുന്നത്. എന്നാല്‍ രാജ്യത്തിന്റെ സാമ്പത്തിക സ്ഥിതിയാണ് മോദിക്ക് തിരിച്ചടിയായി തീര്‍ന്നിരിക്കുന്നത്. യു.പി.എ സര്‍ക്കാരിന്റെ കാലത്ത് സ്ഥാപിച്ച എട്ട് ഐ.ഐ.ടികളില്‍ ഇപ്പോഴും പ്രവര്‍ത്തിക്കുന്നത് താത്കാലിക കാമ്പസുകളിലാണ്. താത്കാലിക കാമ്പസുകളില്‍ നിന്നുളള ശാപമോക്ഷം അടുത്തകാലത്തൊന്നും പ്രതീക്ഷിക്കേണ്ടെന്നും ചുരുക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha