പാലാ രൂപതയുടെ കീഴിലുള്ള പാലാ രൂപതയുടെ കീഴിലുള്ള കൊഴുവനാല് 'സെന്റ് ജോണ്സ് നെപുംസിയാന്സ്' സ്കൂളിലെ അധ്യാപിക സിലിമോള് സെബാസ്റ്റ്യന് സംഘപരിവാര് നിയന്ത്രണത്തിലുള്ള ദേശീയ അധ്യാപക പരിഷദ് സംഘടനയില് ചേര്ന്നു
തിരുവസ്ത്രവും മഠവും ഉപേക്ഷിച്ച കന്യാസ്ത്രീ സംഘപരിവാര് സംഘടനയില് ചേര്ന്നു. പാലാ രൂപതയുടെ കീഴിലുള്ള കൊഴുവനാല് 'സെന്റ് ജോണ്സ് നെപുംസിയാന്സ്' സ്കൂളിലെ അധ്യാപിക സിലിമോള് സെബാസ്റ്റ്യന് സംഘപരിവാര് നിയന്ത്രണത്തിലുള്ള ദേശീയ അധ്യാപക പരിഷദ് സംഘടനയില് ഇന്ന് ചേര്ന്നത്. കോട്ടയം ജില്ലയിലെ കത്തോലിക്ക സഭയുടെ കീഴിലുള്ള സെന്റ് ജോണ്സ് നെപുംസിയാന്സ് സ്!കൂളിലെ പ്ലസ് ടു അധ്യാപികയാണ് സിലിമോള് സെബാസ്റ്റ്യന്. ഇന്നലെ കോട്ടയത്ത് ദേശീയ അധ്യാപക പരിഷദ് സംഘടിപ്പിച്ച വനിതാ അധ്യാപക സംഗമത്തില് വച്ചായിരുന്നു അംഗത്വം സ്വീകരിച്ചത്. 2016ല് ആണ് സിലിമോള് മഠത്തില് നിന്ന് സ്വയം പുറത്ത് വന്നത്.. മഠത്തില് നിന്ന് പുറത്ത് വന്നതിനെ തുടര്ന്ന് യാഥാസ്ഥിതിക സമൂഹത്തില് നിന്ന് ധാരാളം എതിര്പ്പുകളും അവഗണനയും നേരിടേണ്ടി വന്ന തനിക്ക് വിദ്യാര്ത്ഥികള് നല്കിയ സഹകരണവും പിന്തുണയും കരുത്ത് പകര്ന്നു എന്ന് സിലിമോള് പറഞ്ഞു.
ദേശീയ അധ്യാപക പരിഷദ് കോട്ടയത്ത് സംഘടിപ്പിച്ച വനിതാ അധ്യാപക സംഗമത്തില് വച്ച് സംസ്ഥാന അദ്ധ്യക്ഷന് സദാനന്ദന് മാസ്റ്ററുടെ കയ്യില് നിന്നാണ് അംഗത്വം സ്വീകരിച്ചത്. പ്ലസ് ടു അധ്യാപികയായ സിലിമോള്, സോഷ്യല്വര്ക്ക് ആണ് പഠിപ്പിക്കുന്നത്. 2016ല് ആണ് സിലിമോള് മഠത്തില് നിന്ന് സ്വയം പുറത്ത് വന്നത്. നിരവധി പേരുടെ എതിര്പ്പിനെ മറികടന്ന് സ്വയം അവര് മഠം വിടാന് തീരുമാനിച്ചത്. മുമ്പും കന്യാസ്ത്രീകള് തിരുവസ്ത്രം ഉപേക്ഷിച്ചിട്ടുണ്ടെങ്കിലും ആദ്യമായാണ് ഒരാള് സംഘപരിവാര് സംഘടനയുടെ ഭാഗമാകുന്നത്. ഇത് സഭാ അധികൃതരെ ഞെട്ടിച്ചിരിക്കുകയാണ്. സഭയുടെ കീഴിലുള്ളതും അല്ലാത്തതുമായ സഭാ അംഗങ്ങളായ അധ്യാപകര് യു.ഡി.എഫ്, എല്.ഡി.എഫ് അധ്യാപക സംഘടനകളിലാണ് പ്രവര്ത്തിക്കുന്നത്.
അടുത്തിടെയാണ് ക്രൈസ്തവ സമൂഹത്തിലുള്ള പലരും സംഘപരിവാറിനെ പിന്തുണച്ച് രംഗത്തെത്തുന്നുണ്ട്. ജസ്റ്റിസ് കെ.ടി തോമസ് ആര്.എസ്.എസിനെ പുകഴ്ത്തി സംസാരിച്ചതിനെതിരെ ഇടത് സംഘടനകള് വിമര്ശനവുമായി രംഗത്തെത്തിയിരുന്നു. സസ്പെന്ഷനില് കഴിയുന്ന ഡി.ജി.പി ജേക്കബ് തോമസും സംഘപരിവാര് സംഘടനകളെ പിന്തുണച്ച് രംഗത്തെത്തിയിരുന്നു. അല്ഫോണ്സ് കണ്ണന്താനവും ജോര്ജ്ജ് കുര്യനും ബി.ജെ.പി നേതാക്കളാണെങ്കിലും സംഘപരിവാറുമായി സഭയിലെ വനിതകളാരും അടുത്തബന്ധം പുലര്ത്തിയിരുന്നില്ല. സിലിമോള് അതിന് തയ്യാറായത് എന്തുകൊണ്ടാണെന്ന് വ്യക്തമല്ല. സഭയില് നിന്ന് നിരവധി തിക്താനുഭവങ്ങള് സിസിലിമോള്ക്ക് നേരിട്ടതായാണ് വിവരം. ആ സമയത്ത് എല്.ഡി.എഫ്, യു.ഡി.എഫ് അധ്യാപക സംഘടനകള് സഹായിച്ചില്ലെന്നും ആക്ഷേപമുണ്ട്.
സിലിമോള് സെബാസ്റ്റിയന് പിന്തുണയുമായി സഭാ അംഗങ്ങളും അല്ലാത്തവരുമായ നിരവധി പേര് സമൂഹമാധ്യമങ്ങളിലൂടെ രംഗത്തെത്തിയിട്ടുണ്ട്. മുമ്പ് സഭയുടെ ഭാഗത്ത് നിന്ന് എതിര്പ്പുകള് ഉണ്ടായപ്പോള് വിദ്യാര്ത്ഥികള് മാത്രമാണ് സിലിക്കൊപ്പം നിന്നത്. തിരുവസ്ത്രം ഉപേക്ഷിക്കാനുള്ള തീരുമാനത്തില് നിന്ന് പിന്മാറണമെന്ന് പല ഭാഗങ്ങളില് നിന്നും സമ്മര്ദ്ദം ഉണ്ടായിരുന്നെങ്കിലും സിലിമോള് വഴങ്ങിയിരുന്നില്ല. ഇത് സഭാ അധികൃതരില് പലരെയും ചൊടിപ്പിച്ചിരുന്നു. സംഘപരിവാറിന്റെ അധ്യാപക സംഘടനയില് ചേര്ന്നത് കൊണ്ട് സഭ നടപടിയെടുക്കുമോ എന്ന് കാത്തിരിക്കുകയാണ് സിലിമോള് അടക്കം പലരും.
https://www.facebook.com/Malayalivartha