കാണാതായ എന്ജിനീയറിംഗ് വിദ്യാര്ത്ഥിയുടെ മൃതദേഹം കാര്യവട്ടം കാമ്പസിലെ കാട്ടിനുള്ളില് കണ്ടെത്തി
കാണാതായ എന്ജിനീയറിംഗ് വിദ്യാര്ത്ഥി ശ്യാന് പത്മനാഭന്റെ മൃതദേഹം കാര്യവട്ടം യൂണിവേഴ്സിറ്റി കാമ്ബസിലെ കാട്ടിനുള്ളില് നിന്ന് കണ്ടെത്തി. തിരുവനന്തപുരം കോളേജ് ഓഫ് എന്ജിനീയറിംഗിലെ രണ്ടാം വര്ഷ എം.ടെക് വിദ്യാര്ത്ഥിയായിരുന്നു ശ്യാന്. ആത്മഹത്യയാണെന്നാണ് പ്രാഥമിക നിഗമനം.
ദുര്ഗന്ധത്തെതുടര്ന്ന് ജീവനക്കാര്നടത്തിയ പരിശോധനയിലാണ് മൃതദേഹം കണ്ടെത്തിയത്. മൃതദേഹത്തിന് ദിവസങ്ങളുടെ പഴക്ക മുണ്ട്. പുഴുവരിച്ച നിലയിലുള്ള മൃതദേഹത്തിനു സമീപത്തുനിന്ന് ലഭിച്ച ബാഗില്നിന്ന് ഐ.ഡി കാര്ഡും പുസ്തകങ്ങളും മൊബൈല് ഫോണും കിട്ടി. ഇതില്നിന്നാണ് മൃതദേഹം ശ്യാനിന്റേതാണെന്ന് സ്ഥിരീകരിച്ചത്. കഴക്കൂട്ടം പൊലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി.
കഴിഞ്ഞ തിങ്കളാഴ്ച മുതല് ശ്യാനിനെ കാണാതായിരുന്നു. തുടര്ന്ന് നടത്തിയ അന്വേഷണത്തില് കാര്യവട്ടം കാമ്ബസിലാണ് അവസാനമായി ഇയാളുടെ ഫോണ് ലൊക്കേഷന് കാണിച്ചിരുന്നത്. ശ്യാന് കാമ്ബസിലെത്തിയതിന്റെ സി.സി.ടിവി ദൃശ്യങ്ങളും കണ്ടെത്തിയിരുന്നു. എന്നാല് ഇയാള് പുറത്തുപോകുന്ന ദൃശ്യങ്ങള് ലഭിച്ചിരുന്നില്ല. ഡോഗ് സ്ക്വാഡിന്റെ സഹായത്തോടെ തെരച്ചില് ആരംഭിച്ചുവെങ്കിലും മണം പിടിച്ചെത്തിയ നായ്ക്കള് കാമ്ബസിനുള്ളിലെ ഹൈമവതി കുളത്തിനരികില് വന്ന് നില്ക്കുകയായിരുന്നു. കുളത്തിനു ചുറ്റുമുള്ള കാട്ടില് തെരച്ചില് നടത്തിയെങ്കിലും കണ്ടെത്താനായിരുന്നില്ല. അന്ന് തെരച്ചില് നടത്തിയതിന് ഒരു കിലോമീറ്റര് മാറി കാട്ടിനുള്ളില് നിന്നാണ് ഇപ്പോള് മൃതദേഹം കണ്ടെത്തിയിരിക്കുന്നത്.
കോഴിക്കോട് വടകര സ്വദേശിയായ ശ്യാന് രണ്ടു വര്ഷത്തിലേറെയായി പാങ്ങപ്പാറയിലെ ഫ്ലാറ്റില് മാതാപിതാക്കളോടൊപ്പമായിരുന്നു താമസം. കഴിഞ്ഞ തിങ്കളാഴ്ച വൈകിട്ട് ലൈബ്രറിയില് പോകുന്നുഎന്ന് പറഞ്ഞിറങ്ങിയ ശ്യാന് രാത്രി ഏറെ വൈകിയിട്ടും തിരിച്ചെത്തിയിരുന്നില്ല. തുടര്ന്ന് ബന്ധുക്കള് കഴക്കൂട്ടം സൈബര് പൊലീസ് സ്റ്റേഷനില് പരാതി നല്കിയിരുന്നു.
https://www.facebook.com/Malayalivartha