ഒരിടവേളക്ക് ശേഷം കേരളത്തില് വീണ്ടും റെഡ് അലര്ട്ട്; സംസ്ഥാനത്ത് രണ്ടു ദിവസത്തിനകം ഭീകര മഴയുണ്ടാകും; മല്സ്യതൊഴിലാളികള്ക്ക് അതീവ ജാഗ്രതാ നിര്ദേശം
ഒരിടവേളക്ക് ശേഷം കേരളത്തില് വീണ്ടും റെഡ് അലര്ട്ട് പ്രഖ്യാപിച്ചിരിക്കുകയാണ്. ശക്തമായ മഴക്കുള്ള സാധ്യതയാണ് ഇതിന് കാരണം. രണ്ട് ദവസത്തിനകം മഴ ശക്തമാകുമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്. അതുപോലെതന്നെ ജൂലായ് 18, 19,20 തീയതികളില് സംസ്ഥാനത്തെ വിവിധ ജില്ലകളില് റെഡ്, ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
ജൂലായ് 18ന് ഇടുക്കി, മലപ്പുറം ജില്ലകളിലും 19ന് ഇടുക്കി, മലപ്പുറം, വയനാട്, കണ്ണൂര് ജില്ലകളിലും 20ന് ഇടുക്കി, എറണാകുളം, തൃശ്ശൂര്, മലപ്പുറം ജില്ലകളിലുമാണ് റെഡ് അലര്ട്ട് പ്രഖ്യാപിച്ചിട്ടുള്ളത്. ഈ ജില്ലകളില് അതിതീവ്ര മഴയ്ക്കുള്ള സാധ്യതയാണ് പ്രവചിക്കപ്പെട്ടിട്ടുള്ളത്. ജൂലായ് 17 ന് ഇടുക്കി, 18 ന് കോട്ടയം, 19 ന് എറണാകുളം, പാലക്കാട് എന്നീ ജില്ലകളിലും ജൂലായ് 20 ന് പാലക്കാട്, കോഴിക്കോട്, വയനാട്, കണ്ണൂര് എന്നീ ജില്ലകളിലും കേന്ദ്ര കാലാവസ്ഥ നിരീക്ഷണ കേന്ദ്രം ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് ഒറ്റപ്പെട്ട സ്ഥലങ്ങളില് ശക്തമായതോ അതിശക്തമായതോ ആയ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. സര്ക്കാര് സംവിധാനങ്ങളും പൊതുജനങ്ങളും ജാഗ്രത പാലിക്കുവാനുള്ള മുന്നറിയിപ്പാണ് ഓറഞ്ച് അലേര്ട്ട് കൊണ്ട് ഉദ്ദേശിക്കുന്നത്. ഇതുകൂടാതെ മഞ്ഞ അലര്ട്ടും വിവിധ ജില്ലകളില് കാലാവസ്ഥാ നിരീക്ഷണകേന്ദ്രം പ്രഖ്യാപിച്ചിട്ടുണ്ട്. വരും ദിവസങ്ങളില് കേരള തീരത്ത് ശക്തമായ കാറ്റിന് സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കിയിട്ടുണ്ട്. 40 മുതല് 50 കിലോമീറ്റര്വരെ വേഗത്തില് കാറ്റുവീശാന് സാധ്യതയുണ്ടെന്നാണ് മുന്നറിയിപ്പ്. ഈ സാഹചര്യത്തില് മത്സ്യത്തൊഴിലാളികള്ക്കും ജാഗ്രതാ നിര്ദ്ദേശമുണ്ട്.
കേരളതീരത്ത് 50 കിലോമീറ്റര് വേഗമുളള കാറ്റിന് സാധ്യതയുളളതിനാല് മല്സ്യത്തൊഴിലാളികള്ക്ക് ജാഗ്രതാനിര്ദേശമുണ്ട്. നാളെ മുതല് കോട്ടയം, ഇടുക്കി ജില്ലകളിലും മറ്റന്നാള് എറണാകുളം , പാലക്കാട് ജില്ലകളിലും ഇരുപതാംതീയതി പാലക്കാട്, കോഴിക്കോട്, വയനാട്, കണ്ണൂര് ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. മുന്നറിയിപ്പുകള് പ്രകാരം മുന്കരുതല് നടപടികള്ക്ക് സംസ്ഥാന ദുരന്തനിവാരണ അതോറിറ്റി വിവിധ വകുപ്പുകള്ക്ക് നിര്ദേശം നല്കി.
ദുരന്തനിവാരണ അതോറിറ്റിയുടെ നിര്ദേശങ്ങള് ഇവയാണ്
*മല്സ്യതൊഴിലാളി ജാഗ്രത നിര്ദേശം*
കേരള തീരത്തേക്ക് പടിഞ്ഞാറ് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനുള്ള സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. ആയതിനാല് മല്സ്യത്തൊഴിലാളികള് കടലില് പോകാന് പാടുള്ളതല്ല.
താഴെ പറയുന്ന സമുദ്രപ്രദേശങ്ങളില് മത്സ്യബന്ധനത്തിനായി പോകരുതെന്ന് നിര്ദേശിക്കുന്നു
ജൂലൈ 16 മുതല് 20 വരെ തെക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനിടയുള്ള തെക്ക്-പടിഞ്ഞാറന് അറബിക്കടല്, അതിനോട് ചേര്ന്നുള്ള മധ്യ-പടിഞ്ഞാറന് അറബിക്കടല്
ജൂലൈ 16 മുതല് ജൂലൈ 17 വരെ വടക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനിടയുള്ള മധ്യ-കിഴക്കന് അറബിക്കടല്.
ജൂലൈ 17 മുതല് ജൂലൈ 18 വരെ പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനിടയുള്ള കേരള, ലക്ഷദ്വീപ് തീരങ്ങള്
ജൂലൈ 16 മുതല് ജൂലൈ 18 വരെ പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനിടയുള്ള മാലിദ്വീപ്, കോമോറിന് തീരങ്ങള്.
മേല്പറഞ്ഞ സമുദ്ര ഭാഗങ്ങളില് കടല് പ്രക്ഷുബ്ദമോ അതിപ്രക്ഷുബ്ദമോ ആവാനുള്ള സാധ്യതയുണ്ട്. കടലില് പോകരുതെന്ന് നിര്ദേശിക്കുന്നു.
https://www.facebook.com/Malayalivartha