പെണ്ണിനെ മോഹിച്ച് ജയിലില്... ലോകമെമ്പാടും ശരവണ ഭവന് കെട്ടിപ്പൊക്കിയ ദോശരാജാവിന്റെ ജയില് ജീവിതം ദുരിതത്തിലേക്ക്; എല്ല് മുറിയെ പണിയെടുത്ത് കോടികള് സമ്പാദിച്ചപ്പോഴും വയസാം കാലത്ത് വിനയായത് മൂന്നാം ഭാര്യയെ സ്വന്തമാക്കാന് ശ്രമിച്ചത്
കോടീശ്വരന് 71 വയസുകാരന് ശരവണഭവന് അണ്ണാച്ചി മുതലാളി പി. രാജഗോപാലിന്റെ ജീവിതം നമ്മളെപ്പോലെയുള്ള നക്കാപ്പിച്ചകള്ക്ക് ഒരു പാഠ പുസ്തകമാണ്. നമ്മളെക്കാളും മോശം അവസ്ഥയില് നിന്നും കഠിനാധ്വാനം ചെയ്ത് തന്റെ ദോശക്കട ലോക വ്യാപകമാക്കുക. അവസാനം എതിരാളികളെകൊണ്ടു പോലും ശരവണ ഭവന് ബ്രാന്റ് അംഗീകരിക്കുക. പണം കൊണ്ട് എന്തും നടത്തുക. അവസാനം വയസാം കാലത്ത് പെണ്കുട്ടിയോട് പ്രേമം തോന്നുക. അവളെ സ്വന്തമാക്കാന് ഭര്ത്താവിനെ കൊല്ലുക. പിന്നെ കേസ് ഒതുക്കാന് നോക്കുക. പിന്നീട് ഓക്സിജന് മാസ്കോടെ കോടതിയില് നിന്നും ജയിലിലേക്ക്. ദേ ഇപ്പോള് അറിയുന്നു പാവം മുതലാളിക്ക് ഹാര്ട്ട് അറ്റാക്കെന്ന്.
കൊലപാതകക്കേസില് ജീവപര്യന്തം തടവിന് ശിക്ഷിക്കപ്പെട്ട ശരവണഭവന് ഹോട്ടല് ശൃംഖല ഉടമ പി. രാജഗോപാല് ഗുരുതരാവസ്ഥയിലാണ്. സ്റ്റാന്ലി മെഡിക്കല് കോളേജ് ആശുപത്രിയില്വെച്ച് ഹൃദയാഘാതമുണ്ടായ രാജഗോപാല് ഇപ്പോള് വെന്റിലേറ്ററിലാണ്. ഇദ്ദേഹത്തെ ചികിത്സയ്ക്കായി മികച്ച സ്വകാര്യാശുപത്രിയിലേക്ക് മാറ്റാന് മദ്രാസ് ഹൈക്കോടതി ചൊവ്വാഴ്ച അനുമതി നല്കി. മകന് ശരവണന് നല്കിയ ഹര്ജിയെത്തുടര്ന്നാണിത്.
സുപ്രീംകോടതി ഉത്തരവിനെത്തുടര്ന്ന് ഏതാനും ദിവസംമുമ്പാണ് രാജഗോപാല് കീഴടങ്ങിയത്. ആരോഗ്യപരമായ കാരണങ്ങള് ചൂണ്ടിക്കാട്ടി കീഴടങ്ങല് നീട്ടിക്കൊണ്ടുപോയതിനെത്തുടര്ന്ന് സുപ്രീംകോടതി അന്ത്യശാസനം നല്കിയിരുന്നു. ആംബുലന്സിലെത്തി കീഴടങ്ങിയ രാജഗോപാലിനെ പിന്നീട് പുഴല് ജയിലില് എത്തിച്ചെങ്കിലും അസുഖം കൂടിയതിനെത്തുടര്ന്ന് സ്റ്റാന്ലി ആശുപത്രിയില് പ്രവേശിപ്പിക്കുകയായിരുന്നു. ശനിയാഴ്ച രാത്രിയാണ് ഹൃദയാഘാതമുണ്ടായത്.
വടപളനിയിലെ വിജയ ആശുപത്രിയിലോ സിംസ് മെഡിക്കല് സെന്ററിലോ അച്ഛന് വിദഗ്ധ ചികിത്സയ്ക്ക് അനുമതി നല്കണമെന്നാണ് മകന് ഹര്ജിയില് ആവശ്യപ്പെട്ടത്. 72കാരനായ രാജഗോപാലിന്റെ ആരോഗ്യസ്ഥിതി ഗുരുതരമാണെന്നും ചലനശേഷി നഷ്ടപ്പെട്ടെന്നും ഹര്ജിയില് പറയുന്നു. എന്നാല്, കടുത്ത പ്രമേഹവും വൃക്കകള്ക്ക് തകരാറുമുള്ള രാജഗോലിനെ ഇവിടെനിന്ന് മാറ്റുന്നത് അപകടമാണെന്ന് സ്റ്റാന്ലി ആശുപത്രി ആര്.എം.ഒ. ഡോ. പി. രമേഷ് പറഞ്ഞു.
ശരവണഭവന് ചെന്നൈ ശാഖയില് അസിസ്റ്റന്റ് മാനേജരായിരുന്ന രാമസ്വാമിയുടെ മകള് ജീവജ്യോതിയുടെ ഭര്ത്താവ് പ്രിന്സ് ശാന്തകുമാറിനെ തട്ടിക്കൊണ്ടുപോയി കൊലപ്പെടുത്തി എന്നാണ് രാജഗോപാലിനെതിരേയുള്ള കേസ്. രണ്ടു ഭാര്യമാരുള്ള രാജഗോപാലിന്റെ മൂന്നാംഭാര്യയാകാന് വിസമ്മതിച്ച ജീവജ്യോതി 1999ല് പ്രിന്സ് ശാന്തകുമാറിനെ വിവാഹം കഴിച്ചു. വിവാഹബന്ധം വേര്പെടുത്തണമെന്ന് ആവശ്യപ്പെട്ട് രാജഗോപാല് ഇവരെ ഭീഷണിപ്പെടുത്തി. 2001ല് ഇവര് പോലീസില് പരാതി നല്കി. രണ്ടുദിവസത്തിനുള്ളില് ശാന്തകുമാറിനെ തട്ടിക്കൊണ്ടുപോയി കൊലപ്പെടുത്തുകയായിരുന്നു. കൊടൈക്കനാലിലെ വനപ്രദേശത്തുനിന്നാണ് മൃതദേഹം കണ്ടെത്തിയത്.
https://www.facebook.com/Malayalivartha
