സ്വര്ണപ്പണയത്തില് നല്കുന്ന കാര്ഷിക വായ്പകള്ക്ക് നിയന്ത്രണം വരുന്നു...
സ്വര്ണപ്പണയത്തില് നല്കുന്ന കാര്ഷിക വായ്പകള്ക്ക് നിയന്ത്രണം വരുന്നു. ഒക്ടോബര് ഒന്നുമുതല് കാര്ഷിക വായ്പകളുടെ പലിശ സബ്സിഡി കിസാന് ക്രെഡിറ്റ് കാര്ഡ് വഴി കര്ഷകര്ക്ക് നല്കും. പലിശ സബ്സിഡി ലഭ്യമാകുന്ന കാര്ഷിക വായ്പകള് ഒക്ടോബര് ഒന്നുമുതല് കിസാന് ക്രെഡിറ്റ് കാര്ഡുള്ള കര്ഷകര്ക്കാണ് ലഭ്യമാകുന്നതെന്ന് ഉറപ്പാക്കാന് പൊതുമേഖല ബാങ്കുകള്ക്ക് കേന്ദ്രസര്ക്കാര് നിര്ദേശം നല്കി. പൊതുമേഖല ബാങ്കുകളുടെ മാനേജിങ് ഡയറക്ടര്മാരുമായി ധനകൃഷി മന്ത്രാലയങ്ങളുടെ ഉന്നതര് ജൂലൈ 31ന് നടത്തിയ വിഡിയോ കോണ്ഫറന്സിലാണ് നിര്ദേശം വന്നത്.
നിലവിലെ സ്വര്ണപ്പണയത്തിന്മേലുള്ള കൃഷി വായ്പ പദ്ധതി തുടരേണ്ടതില്ലെന്നാണ് ധാരണ. സ്വര്ണപ്പണയത്തിന്റെ പേരില് കാര്ഷിക വായ്പ ദുരുപയോഗം അവസാനിപ്പിക്കണമെന്ന് സംസ്ഥാന സര്ക്കാറും ആവശ്യപ്പെട്ടിരുന്നു. സ്വര്ണം ഈടാക്കി നല്കുന്ന കാര്ഷിക വായ്പകളിലൂടെ കര്ഷകര്ക്ക് ലഭിക്കേണ്ട പലിശ സബ്സിഡി വന്തോതില് ദുരുപയോഗം ചെയ്യപ്പെടുന്നുവെന്ന ആക്ഷേപത്തില് കഴമ്പുണ്ടെന്നാണ് വിലയിരുത്തല്. കേന്ദ്രസംഘം സംസ്ഥാനത്തെത്തി ഇതേക്കുറിച്ച് പരിശോധന നടത്തുകയും ചെയ്തിരുന്നു. സബ്സിഡി കൃഷി വായ്പ കിസാന് ക്രെഡിറ്റ് കാര്ഡുള്ളവര്ക്ക് നല്കുമ്പോള് സഹായം യഥാര്ഥ കര്ഷകര്ക്ക് ലഭ്യമാകുമെന്നതാണ് പുതിയ തീരുമാനത്തിന്റെ മെച്ചം.
"
https://www.facebook.com/Malayalivartha
