കാര് ഇടിച്ച് മാധ്യമപ്രവര്ത്തകന് മരിച്ച സംഭവത്തില് ഐഎഎസ് ഏമാനെയും വനിതാ സുഹൃത്തിനേയും രക്ഷിക്കാന് പോലീസ് ഇടപെടല്; അപകടം നടക്കുമ്പോള് കാറിലുണ്ടായിരുന്നവര് മദ്യപിച്ചിരുന്നതായി പ്രഥമദൃഷ്ട്യാ മനസിലായിട്ടും ഇരുവരുടേയും രക്തപരിശോധന നടത്താന് പോലീസ് തയാറാകാതിരുന്നത് സംശയങ്ങള്ക്ക് ഇടവരുത്തുന്നു...
കാര് ഇടിച്ച് മാധ്യമപ്രവര്ത്തകന് മരിച്ച സംഭവത്തില് ശ്രീറാം വെങ്കിട്ട വെങ്കിട്ടരാമന് ഐഎഎസിനേയും വനിതാ സുഹൃത്തിനേയും രക്ഷിക്കാന് പോലീസ് ഇടപെടല്. കാറിലുണ്ടായിരുന്നവര് മദ്യപിച്ചിരുന്നതായി പ്രഥമദൃഷ്ട്യാ മനസിലായിട്ടും ഇരുവരുടേയും രക്തപരിശോധന നടത്താന് പോലീസ് തയാറാകാതിരുന്നതാണ് സംശയങ്ങള്ക്ക് ഇടവരുത്തുന്നത്.
കാര് ഓടിച്ചിരുന്നത് താന് ആയിരുന്നെന്ന് വഫ പറഞ്ഞതായാണ് പോലീസ് ആദ്യം അറിയിച്ചത്. എന്നാല് അപകടസ്ഥലത്തുനിന്നും ഇവരെ ഉടനെ തന്നെ പോലീസ് പറഞ്ഞ!യച്ചു. വഫയുടെ പേരിലുള്ള കാറായിട്ടുപോലും പോലീസ് മറ്റു നടപടികളൊന്നും സ്വീകരിച്ചുമില്ല. ശ്രീറാം കാല് നിലത്തുറയ്ക്കാത്ത തരത്തില് മദ്യപിച്ചിരുന്നതായാണ് ദൃക്സാക്ഷികള് പറയുന്നത്.
എന്നാല് ആശുപത്രിയില് വൈദ്യപരിശോധനയ്ക്കെത്തിച്ച ശ്രീറാമിന്റെ രക്തപരിശോധന നടത്തിയില്ല. ദേഹപരിശോധനയ്ക്കു മാത്രമാണ് പോലീസ് ആവശ്യപ്പെട്ടതെന്നാണ് ഡ്യൂട്ടി ഡോക്ടര് പറയുന്നത്. കൈയ്ക്കു പരിക്കുണ്ടായിരുന്ന ശ്രീറാമിനെ മെഡിക്കല് കോളജ് ആശുപത്രിയിലേക്ക് റഫര് ചെയ്തെങ്കിലും സ്വകാര്യ ആശുപത്രിയിലാണ് ചികിത്സ തേടിയത്. ശ്രീറാമിന്റെ സ്വന്തം ഇഷ്ടപ്രകാരമാണ് സ്വകാര്യ ആശുപത്രിയിലേക്കുപോയത്.
അപകടത്തില് ഒരാള് മരിച്ച സംഭവമായിരുന്നിട്ടുപോലും തുടക്കത്തില് കേസ് എടുക്കാന് പോലീസ് തയാറായില്ല. കേസേടുത്ത് െ്രെകം നമ്ബര് ഇടാതിരുന്നതുമൂലമാണ് രക്തപരിശോധനയ്ക്കായി ഡോക്ടര്ക്ക് നിര്ദേശിക്കാന് സാധിക്കാതിരുന്നത്. അപകടം നടന്ന് 10 മണിക്കൂര് കടന്നുപോയിട്ടും കാറില് ഉണ്ടായിരുന്നവരുടെ രക്തപരിശോധന നടത്താന് പോലീസ് തയാറായിട്ടില്ല.
https://www.facebook.com/Malayalivartha
