മാധ്യമപ്രവര്‍ത്തകന്‍ കെ.എം. ബഷീറിന്റെ മരണത്തിനിടയാക്കിയ കേസില്‍ ശ്രീറാം വെങ്കിട്ടരാമന് ജാമ്യം ലഭിച്ചത് പൊലീസിന്റെ കള്ളക്കളിയാണെന്ന് പ്രതിപക്ഷ നേതാവ് രമേശ് ചെന്നിത്തല. സര്‍ക്കാര്‍ ഉത്തരവാദിത്വമില്ലാതെയാണ് സംഭവത്തെ നേരിട്ടത്.

ശ്രീറാമിന് ജാമ്യം ലഭിച്ചത് ഗുരുതരമായ വീഴ്ചയാണെന്നും ഇത് കേസിന്റെ ഭാവിയെ സാരമായി ബാധിക്കുമെന്നും, ഉന്നത ഉദ്യോഗസ്ഥര്‍ ഇടപെട്ടാണ് കേസ് അട്ടിമറിച്ചതെന്നും ചെന്നിത്തല ആരോപണമുന്നയിച്ചു. അതേ സമയം ജാമ്യം ലഭിച്ചുവെന്ന് കരുതി ശ്രീറാം കുറ്റവിമുക്തനാകില്ലെന്നും പൊലീസ് സംവിധാനത്തില്‍ പിഴവ് സംഭവിച്ചിട്ടുണ്ടോയെന്ന് പരിശോധിക്കുമെന്നും മന്ത്രി കെ.ടി ജലീല്‍ പറഞ്ഞു.