എന്തൊക്കെ വന്നാലും പിണറായിക്ക് വേണ്ടി ചാടിയിറങ്ങാറുള്ള നേതാക്കൾക്ക് ഇതെന്തു പറ്റി..?ആരെയും കാണ്മാനില്ല .വിജിലൻസ് കേസെടുക്കാനുള്ള ഇ.ഡി ശുപാർശയിൽ പ്രതിപക്ഷ നേതാവ് പിണറായി വിജയനെ പിന്തുണയ്ക്കാൻ മടിച്ച് പാർട്ടി നേതാക്കളും ഘടകകക്ഷികളും. ദേശീയതലത്തിൽ പ്രതിപക്ഷനിരയിലെ നേതാക്കൾക്കെതിരെ ഇ.ഡി നടപടി വരുമ്പോഴെല്ലാം വിമർശിക്കാറുള്ള സിപിഐ പൂർണമൗനത്തിലാണ്. പിണറായിക്കെതിരെ എവിടെനിന്ന് ആക്രമണം വന്നാലും സമയം പാഴാക്കാതെ പ്രതിരോധിക്കാനിറങ്ങിയിരുന്ന സിപിഎം നേതാക്കൾ,

‘ചാറ്റ് ജിപിടി’യിൽ ‘എൺപതുകളിലെ ട്രെൻഡ് ചിത്രങ്ങൾ’ പോസ്റ്റ് ചെയ്യുന്ന തിരക്കിലായിരുന്നു.കേസെടുക്കാൻ കേരള പൊലീസിനോടുള്ള ഇ.ഡിയുടെ ആവശ്യം പുറത്തുവന്നതു ചൊവ്വാഴ്ച രാവിലെയാണെങ്കിൽ പിണറായിയെ പിന്തുണച്ചു സിപിഎം പൊളിറ്റ് ബ്യൂറോ വാർത്തക്കുറിപ്പ് ഇറക്കിയത് ബുധനാഴ്ച വൈകിട്ടു മാത്രം.ഇത്രയും വൈകിയത് തന്നെ ചില സംശയങ്ങൾക്ക് ഇടനൽകുന്നുണ്ട്. ടി.വീണയ്ക്കെതിരെയുള്ള കേസ് 2 കമ്പനികൾ തമ്മിൽ നടത്തിയ ഇടപാടാണെന്ന് ഇതുവരെ ന്യായീകരിച്ചിരുന്ന സിപിഎം,

കേസിന്റെ പരിധിയിലേക്കു പിണറായിയും മുഹമ്മദ് റിയാസും കൂടി എത്തിയതോടെ ആശയക്കുഴപ്പത്തിലാണ്. നേതാക്കൾക്കെതിരെ ഏതു ചെറിയ ആരോപണം ഉയർന്നാലും അന്വേഷണത്തിനു മടിക്കാത്ത പാർട്ടി, പിബി അംഗം ഉൾപ്പെടെ 2 സെക്രട്ടേറിയറ്റ് അംഗങ്ങൾക്കെതിരെ വലിയ ആരോപണമുയർന്നിട്ടും ആഭ്യന്തര അന്വേഷണം നടത്താത്തത് എന്തെന്ന ചോദ്യം കൂടെ ഇവിടെ ഉയരുന്നുണ്ട് .