ഇറാനില്‍ നിന്ന് മോചിതരായ മലയാളികള്‍ ഉള്‍പ്പെടെയുളള ഇന്ത്യക്കാരെ ഉടന്‍ നാട്ടിലത്തിക്കുമന്ന് കേന്ദ്രവിദേശകാര്യ സഹമന്ത്രി വി.മരളീധരന്‍ അറിയിച്ചു. ബ്രിട്ടീഷ് എണ്ണക്കപ്പല്‍ സ്‌റ്റെനാ ഇംപാറോയിലെ ജീവനക്കാരെ ഒരാഴ്ചയായി ഇറാന്‍ തടഞ്ഞ് വച്ചിരിക്കകയായിരുന്നു. ഇന്ത്യ അന്താരാഷ്ടരതലത്തില്‍ നിരവധിതവണ സമ്മര്‍ദ്ദം ചെലുത്തിയതിനെ തുടര്‍ന്നാണ് ഇവരെ ഇറാന്‍ മോചിപ്പിച്ചത്. എന്നാല്‍ ഇവരെ രാജ്യംവിടാന്‍ ഇറാന്‍ അനുവദിച്ചിട്ടില്ല. കപ്പലിലുളളവര്‍ എന്നും വീട്ടിലേക്ക് വിളിക്കുന്നുണ്ട്. കൊച്ചിയിലുളള രണ്ട് പേര്‍ ഉള്‍പ്പെടെ നാല് മലയാളികള്‍ കപ്പലിലെ ജീവനക്കാരാണ്. കപ്പലിലെ ജീവനക്കാര്‍ക്കെതിരെ ചുമത്തിയ കുറ്റങ്ങള്‍ ഒഴിവാക്കി. അവര്‍ സ്വതന്ത്രരാണെന്നും മുരളീധരന്‍ വ്യക്തമാക്കി. ചില നടപടിക്രമങ്ങള്‍ മാത്രമാണ് പൂര്‍ത്തിയാക്കാനുള്ളത്. അതിന് ശേഷം അവര്‍ നാട്ടിലേക്ക് വിമാനം കയറുമെന്നും കേന്ദ്രമന്ത്രി പറഞ്ഞു.

ഇറാനും പാശ്ചാത്യരാജ്യങ്ങളുമായുള്ള ഭിന്നതയെ തുടര്‍ന്നാണ് സ്‌റ്റെന ഇംപേറോ എന്ന ബ്രിട്ടീഷ് എണ്ണക്കപ്പല്‍ കഴിഞ്ഞ വെള്ളിയാഴ്ച പിടിച്ചെടുത്തത്. 23 ജീവനക്കാരാണ് കപ്പലിലുണ്ടായിരുന്നത്. കപ്പലിന്റെ ക്യാപ്റ്റന്‍ കൊടുങ്ങല്ലൂര്‍ സ്വദേശി പി ജി സുനില്‍ കുമാര്‍, ആലുവ സ്വദേശി ഷിജു ഷേണായ് , കണ്ണൂര്‍ മേലേക്കണ്ടി പ്രജിത്ത്, ആലുവ സ്വദേശി ഡിജോ പാപ്പച്ചന്‍ എന്നീ മലയാളികളാണ് ഉള്ളത്. ഉപരോധം ലംഘിച്ച് സിറിയയിലേക്ക് എണ്ണ കടത്തുന്നെന്ന് ആരോപിച്ചാണ് ഈ മാസം നാലിന് ഗ്രേസ് വ ണ്‍ എന്ന ഇറാനിയന്‍ എണ്ണക്കപ്പല്‍ ബ്രിട്ടന്‍ പിടിച്ചെടുത്തിരുന്നു. അതിന്റെ പ്രതികാരമായാണ് ഇറാന്‍ ബ്രിട്ടന്റെ കപ്പല്‍ പിടിച്ചെുത്തതെന്ന് ആരേപണമുണ്ട്.

ബ്രിട്ടണ്‍ പിടിച്ചെടുത്ത കപ്പല്‍ 30 ദിവസം തടങ്കലില്‍ വെക്കാന്‍ ജിബ്രാള്‍ട്ടര്‍ സുപ്രീംകോടതി ഉത്തരവിട്ടു. ബ്രിട്ടന്റെ എണ്ണക്കപ്പലായ സ്‌റ്റെനാ ഇംപറോ ഹോര്‍മൂസ് കടലിടുക്കില്‍ വച്ച് ഇറാന്‍ പിടിച്ചെടുത്തത്. ഇരുകപ്പലുകളിലുമായി 42 ഇന്ത്യക്കാരാണ് ഉള്ളത്. ഇവരില്‍ ഏഴ് പേര്‍ മലയാളികളാണ്. ബ്രിട്ടന്‍ പിടിച്ചെടുത്ത ഗ്രേസ് വണ്ണില്‍ മൂന്നു മലയാളികളാണുള്ളത്. മലപ്പുറം, കാസര്‍കോട്, ഗുരുവായൂര്‍ സ്വദേശികളാണ് ഇവര്‍. ജിബ്രാള്‍ട്ടറില്‍ തടഞ്ഞുവെച്ച എണ്ണ കപ്പല്‍ വിട്ടു കിട്ടാതെ ബ്രിട്ടീഷ് കപ്പല്‍ കൈമാറില്ലെന്ന സൂചനയാണ് ഇറാന്‍ നല്‍കുന്നത്. അന്തര്‍ദേശീയ സമുദ്രാതിര്‍ത്തി ലംഘിച്ചുവെന്ന് ആരോപിച്ച് ഹോര്‍മുസ് കടലിടുക്കില്‍ വെച്ചാണ് ബ്രിട്ടീഷ് എണ്ണക്കപ്പല്‍ ഇറാന്‍ പിടിച്ചെടുത്തത്.

ഇറാന്‍ പിടിച്ചെടുത്ത ബ്രിട്ടീഷ് കപ്പലിലെ മലയാളികളെ രക്ഷിക്കാനുള്ള അടിയന്തര നടപടികളെടുക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍ വിദേശകാര്യമന്ത്രി എസ് ജയശങ്കറിന് കത്തയച്ചിരുന്നു. മലയാളികളടക്കമുള്ളവരെ സുരക്ഷിതരായി നാട്ടിലെത്തിക്കണമെന്ന് കത്തില്‍ മുഖ്യമന്ത്രി ആവശ്യപ്പെട്ടു. മോചനത്തിനായി നടത്തുന്ന നടപടികളെക്കുറിച്ചുള്ള വിവരങ്ങള്‍ സംസ്ഥാന സര്‍ക്കാരുമായിക്കൂടി പങ്കുവെയ്ക്കണമെന്നും, കപ്പലിലുളളവരുടെ കുടുംബാംഗങ്ങള്‍ക്ക് സംസ്ഥാനസര്‍ക്കാര്‍ എല്ലാ പിന്തുണയും നല്‍കുമെന്നും മുഖ്യമന്ത്രി വ്യക്തമാക്കിയിരുന്നു. സംഭവം അറിഞഞത് മുതല്‍ കേന്ദ്രവിദേശകാര്യസഹമന്ത്രി വി.മുരളീധരന്‍ ഇടപെടുന്നുണ്ടായിരുന്നു.