സിസ്റ്റര്‍ ലൂസി കളപ്പുരയെ സാമൂഹ്യമാധ്യമങ്ങളില്‍ അപകീര്‍ത്തിപ്പെടുത്തുന്ന തരത്തില്‍ സന്ദേശം പ്രചരിപ്പിക്കുന്നവരെ എത്രയും പെട്ടെന്ന് അറസ്റ്റ് ചെയ്യണമെന്ന് ആവശ്യപ്പെട്ട് വനിതാ കമ്മീഷന്‍ സംസ്ഥാന ഡിജിപിക്ക് കത്തയച്ചു. ബലാത്സംഗക്കേസില്‍ കുറ്റാരോപിതനായ ബിഷപ്പ് ഫ്രാങ്കോ മുളയ്ക്കലിനെതിരെ സമരം ചെയ്ത കന്യസ്ത്രീകള്‍ക്ക് പിന്തുണ പ്രഖ്യാപിച്ചതിന്റെ പേരിലാണ് സിസ്റ്റര്‍ ലൂസി കളപ്പുരയില്‍ അപവാദപ്രചരണം നേരിടുന്നത്.

മാനന്തവാടി രൂപതയില്‍പ്പെട്ട ഒരു വൈദികന്‍ സാമൂഹ്യമാധ്യമങ്ങളില്‍ ഒരു വീഡിയോ ഷെയര്‍ ചെയ്യുകയും സിസ്റ്റര്‍ ലൂസി കളപ്പുരയുടെ പദവിയെ കളങ്കപ്പെടുത്തുന്ന രീതിയിലുള്ള സന്ദേശങ്ങള്‍ ആ വീഡിയോയ്‌ക്കൊപ്പം പ്രചരിപ്പിക്കുകയും ചെയ്തിരുന്നു. വനിതാ കമ്മീഷന്‍ സംസ്ഥാന ഡിജിപിക്ക് അയച്ച കത്തില്‍ ഈ വിഷയത്തില്‍ എത്രയും പെട്ടെന്ന് ഇടപെടണമെന്ന് ആവശ്യപ്പെടുന്നു.

സിസ്റ്റര്‍ ലൂസി കളപ്പുരയെ സാമൂഹ്യമാധ്യമങ്ങളില്‍ അപകീര്‍ത്തിപ്പെടുത്തുന്ന തരത്തില്‍ സന്ദേശം പ്രചരിപ്പിക്കുന്നവരെ എത്രയും പെട്ടെന്ന് അറസ്റ്റ് ചെയ്യണമെന്നും ആവശ്യപ്പെടുന്നു. ഈ കേസ് സസൂക്ഷ്മം വീക്ഷിക്കുന്നുണ്ടെന്നും ഇക്കാര്യത്തില്‍ സ്വീകരിച്ച നടപടി സംബന്ധിച്ച് എത്രയും പെട്ടെന്ന് റിപ്പോര്‍ട്ട് നല്‍കണമെന്നും വനിതാകമ്മീഷന്‍ ആവശ്യപ്പെട്ടു.